اقش-تا ءبىر عانا تۇرعىنى بار دەرەۆنيا بار ەكەن
استانا. 4 ءساۋىر. قازاقپارات - اقش-تاعى مونوۆي دەگەن دەرەۆنيانىڭ باسشىسى 77 جاستاعى ەلسي ەيلەر حانىم سول اۋىلدىڭ ەڭ باقۋاتتى جانە ...ەڭ كەدەي تۇرعىنى بولىپ تابىلادى ەكەن.
نەبراسكا شتاتىندا جۇرگىزىلگەن حالىق ساناعى وسىنى كورسەتىپ وتىر، دەپ حابارلايدى يتار-تاسس اگەنتتىگى.
وعان قوسا، ەلسي دەرەۆنياداعى ەڭ ءبىلىمدى، ەڭ قۇرمەتتى جانە جالعىزباستى كەيۋانا بولىپ تابىلادى. قالاي دەيسىزدەر عوي؟! ەيلەر حانىم - مونوۆي دەرەۆنياسىنىڭ جالعىز عانا تۇرعىنى ەكەن، سوندىقتان دا ول كەز-كەلگەن ستاتيستيكالىق انىقتاماعا ەنگىزىلە بەرگەن. ساناقتىڭ قورىتىندىسى بويىنشا، مونوۆي اقش-تاعى ءبىر عانا تۇرعىنى بار جالعىز دەرەۆنيا ەكەن.
2000 جىلى جۇرگىزىلگەن حالىق ساناعىنىڭ دەرەگى بويىنشا، مونوۆيدە ەكى ادام عانا تىركەلگەن ەكەن، بىراق وسىدان 6 جىل بۇرىن ەلسي حانىمنىڭ وتاعاسى دۇنيەدەن وزعان. سودان بەرى كەيۋانا دەرەۆنيادا جالعىز تۇرىپ كەلەدى. «وكىنىشكە وراي، بىزدەگى دەموگرافيالىق جاعداي وتە مۇشكىل. سوڭعى ساناقتان بەرى دەرەۆنيا تۇرعىندارىنىڭ سانى ەكى ەسەگە قىسقاردى»، دەيدى كەيۋانا ازىلدەپ. «ال شىنىنا كەلسەك، مەن ءوزىم سانالى تۇردە وسىندا قالدىم. بۇل جەر مەنىڭ ءۇيىم، مەنىڭ وتانىم»، - دەيدى ول.
استانا. 4 ءساۋىر. قازاقپارات - اقش-تاعى مونوۆي دەگەن دەرەۆنيانىڭ باسشىسى 77 جاستاعى ەلسي ەيلەر حانىم سول اۋىلدىڭ ەڭ باقۋاتتى جانە ...ەڭ كەدەي تۇرعىنى بولىپ تابىلادى ەكەن.
نەبراسكا شتاتىندا جۇرگىزىلگەن حالىق ساناعى وسىنى كورسەتىپ وتىر، دەپ حابارلايدى يتار-تاسس اگەنتتىگى.
وعان قوسا، ەلسي دەرەۆنياداعى ەڭ ءبىلىمدى، ەڭ قۇرمەتتى جانە جالعىزباستى كەيۋانا بولىپ تابىلادى. قالاي دەيسىزدەر عوي؟! ەيلەر حانىم - مونوۆي دەرەۆنياسىنىڭ جالعىز عانا تۇرعىنى ەكەن، سوندىقتان دا ول كەز-كەلگەن ستاتيستيكالىق انىقتاماعا ەنگىزىلە بەرگەن. ساناقتىڭ قورىتىندىسى بويىنشا، مونوۆي اقش-تاعى ءبىر عانا تۇرعىنى بار جالعىز دەرەۆنيا ەكەن.
2000 جىلى جۇرگىزىلگەن حالىق ساناعىنىڭ دەرەگى بويىنشا، مونوۆيدە ەكى ادام عانا تىركەلگەن ەكەن، بىراق وسىدان 6 جىل بۇرىن ەلسي حانىمنىڭ وتاعاسى دۇنيەدەن وزعان. سودان بەرى كەيۋانا دەرەۆنيادا جالعىز تۇرىپ كەلەدى. «وكىنىشكە وراي، بىزدەگى دەموگرافيالىق جاعداي وتە مۇشكىل. سوڭعى ساناقتان بەرى دەرەۆنيا تۇرعىندارىنىڭ سانى ەكى ەسەگە قىسقاردى»، دەيدى كەيۋانا ازىلدەپ. «ال شىنىنا كەلسەك، مەن ءوزىم سانالى تۇردە وسىندا قالدىم. بۇل جەر مەنىڭ ءۇيىم، مەنىڭ وتانىم»، - دەيدى ول.
ەلسي حانىمنىڭ مونوۆيدە ءوز بيزنەسى - وتاعاسى ەكەۋى وسىدان 40 جىل بۇرىن ساتىپ العان تاۆەرناسى بار. سول تاۆەرناعا كەلەتىن تۇراقتى جانە كەزدەيسوق قوناقتارعا قىزمەت كورسەتەدى. كەيۋانا ءمونوۆيدىڭ ءوڭىر كارتاسىنان الىپ تاستالىنعانىن قالامايدى، سوندىقتان دا بارلىق قاجەتتى قۇجاتتاردى وزىنە رەسىمدەپ قويعان. ياعني، جەرگىلىكتى اكىمشىلىكتىڭ حاتشىسى دا، ەسەپشىسى دە، دەرەۆنيا باسشىسى دا، ءتىپتى جەرگىلىكتى كەڭەستىڭ جەتەكشىسى دە - ەلسي ەيلەر.
