سەۋل قالاسىندا ازيا مادەنيەتى حالىقارالىق فەستيۆالى ءوتتى، دەپ حابارلايدى اباي-اقپارات turkystan.kz-گە سىلتەمە جاساپ.

شاراعا وڭتۇستىك كورەيا استاناسىندا تۇرىپ جاتقان دياسپورا وكىلدەرى قاتىستى. ساحنادان قىتاي، جاپون، ۆەتنام، موڭعول، فيليپپين جانە باسقا ۇلتتاردىڭ ءان-كۇيلەرى شىرقالدى. ءبىزدىڭ ەلدىڭ اتىنان كورەيادا وقىپ جاتقان ستۋدەنتتەر مەن «توميريس» قازاق قوعامىنىڭ مۇشەلەرى قاتىستى. قازاقستاندىقتار دومبىرامەن ءان ايتىپ، كۇي شەرتىپ، بي بيلەپ، جينالعانداردى ونەرلەرىمەن ءتانتى ەتتى. ايتا كەتەيىك، سەۋلدەگى «توميريس» قوعامى 2012 جىلى قۇرىلدى. قازىر ونىڭ قۇرامىندا 50-گە جۋىق ادام بار. ولار ۇلتىمىزدىڭ سالت-ءداستۇرى مەن ءتىلىن بالالارىنا ميراس ەتۋدە.

«قازاقستان ءداستۇرىمىزدى ەندى باسقا ەلدە تۇرساق تا كورسەتكىمىز كەلەدى. الىستا بولسا دا ءبىز قازاقستان ازاماتتارىمىز، سوندىقتان جۇرەگىمىز قازاق دەپ سوعىپ، وسى جەردە قازاق ءداستۇرىن كورسەتكەنۋگە كۇش سالىپ ءجۇرمىز»،- دەدى  «توميريس» قازاق قاۋىمداستىعىنىڭ باسشىسى نازگۇل قاراباەۆا.

Abai.kz