اگەنتتىك وكىلىنىڭ سوزىنشە، مينيسترلىك شەنەۋنىگى جۇيەلى تۇردە پارا الدى دەگەن كۇدىككە ىلىنگەن. ۇستالعان شەنەۋنىكتىڭ اتى-ءجونى جاريالانبادى.
باستاروۆانىڭ ايتۋىنا قاراعاندا، سىبايلاس جەمقورلىققا قارسى ءىس-قيمىل ۇلتتىق بيۋروسى جەدەل ىزدەستىرۋ شارالارى بارىسىندا دەپارتامەنت باسشىسىنىڭ ورىنباسارى "قازاقستان" جىلۋ-ەنەرگەتيكالىق كەشەنى" فيرماسىنىڭ ايماقتىق باسشىلارىنا الماتى، قاراعاندى، قوستاناي وبلىستارى مەن باسقا دا وبلىستاردا جانارماي ۇرلاۋدا قامقورلىق تانىتقانىن انىقتاعان. تەرگەۋ كەزىندە توپ ادامنىڭ الدىن الا ءسوز بايلاسىپ، اي سايىن "قازاقستان" جىلۋ-ەنەرگەتيكالىق كەشەن" فيرماسىنىڭ قويمالارىنداعى "قازاقستان تەمىرجولى" ۇلتتىق كومپانياسىنا تيەسىلى ديزەلدى ۇرلاعانى انىقتالعان.
شەنەۋنىك اتالعان فيرمانىڭ ايماقتىق باسشىلارىنان شىلدە-قىركۇيەك ايلارىندا قامقورلىق تانىتقانى ءۇشىن 2,4 ميلليون تەڭگە الدى دەگەن كۇدىككە ىلىنگەن. مينيسترلىك شەنەۋنىگى مەن فيرمانىڭ قوستاناي وبلىستىق فيليالىنىڭ جانە جانارماي قويماسىنىڭ ديرەكتورى سوت سانكتسياسىمەن قاماۋعا الىنعان. بۇل فاكت بويىنشا سوتالدى تەرگەۋى جۇرگىزىلىپ جاتىر.
Abai.kz
