ەۋروكوميسسيادا ادامنىڭ عارىشقا العاشقى ساپارىنىڭ 50 جىلدىعىنا ورايلاستىرىلعان كورمە اشىلدى بريۋسسەل. 5 ءساۋىر. قازاقپارات /ديماش سىزدىقوۆ/
12 ساۋىردە بۇكىل الەم «بايقوڭىر» ايلاعىنان 1961 جىلى عارىشقا اتتانعان يۋري گاگاريننىڭ العاشقى ساپارىنىڭ 50 جىلدىعىن تويلايدى. وسىناۋ اتاۋلى كۇننىڭ قارساڭىندا، دۇيسەنبى، 4 ءساۋىر كۇنى بريۋسسەلدە، ەۋروكوميسسيا عيماراتىندا ادامنىڭ عارىشقا العاشقى ساپارىنىڭ 50 جىلدىق مەرەيتويىنا ورايلاستىرىلعان كورمە اشىلدى.
رەسەي فەدەراتسياسىنىڭ ەۋروپالىق وداق جانىنداعى تۇراقتى وكىلى ۆلاديمير چيجوۆ قازاقستاندىق جۋرناليستەرگە بەرگەن سۇحباتىندا، «بۇل جالپى ادامزات ءۇشىن ماڭىزى زور وقيعا. بۇگىن ءبىز، ەۋروكوميسسيانىڭ عارىش سالاسىمەن اينالىساتىن ونەركاسىپ جونىندەگى باس ديرەكتوراتى ورنالاسقان عيماراتىندا وسىناۋ كورمەنى اشىپ وتىرمىز»، دەدى.
رەسەيلىك ديپلوماتتىڭ ايتۋىنشا، كورمەنىڭ ماقساتى -ەۋروپالىق جۇرتشىلىقتىڭ نازارىن تەك تاريحقا عانا اۋدارىپ قويماي، كوسموناۆتيكانىڭ وتكەن 50 جىلدا ۇلكەن تەحنيكالىق جەتىستىكتەرگە قول جەتكىزە العانىن كورسەتۋ.
ال عارىش سالاسىنداعى قازاقستان-رەسەيلىك قارىم-قاتىناسقا توقتالعان رف ديپلوماتى، «ءبىزدىڭ ىنتىماقتاستىعىمىز - يۋ.گاگارين ساپارىننىڭ تۇسىندا جانە «بايقوڭىر» عارىش ايلاعى سالىنعاننان بەرى باستالعان ءوزارا ءىس-قيمىلداردىڭ جالعاسى... بۇل ىنتىماقتاستىق جالعاسۋى جانە كەڭەيۋى كەرەك»، دەپ اتاپ كورسەتتى.
12 ساۋىردە بۇكىل الەم «بايقوڭىر» ايلاعىنان 1961 جىلى عارىشقا اتتانعان يۋري گاگاريننىڭ العاشقى ساپارىنىڭ 50 جىلدىعىن تويلايدى. وسىناۋ اتاۋلى كۇننىڭ قارساڭىندا، دۇيسەنبى، 4 ءساۋىر كۇنى بريۋسسەلدە، ەۋروكوميسسيا عيماراتىندا ادامنىڭ عارىشقا العاشقى ساپارىنىڭ 50 جىلدىق مەرەيتويىنا ورايلاستىرىلعان كورمە اشىلدى.
رەسەي فەدەراتسياسىنىڭ ەۋروپالىق وداق جانىنداعى تۇراقتى وكىلى ۆلاديمير چيجوۆ قازاقستاندىق جۋرناليستەرگە بەرگەن سۇحباتىندا، «بۇل جالپى ادامزات ءۇشىن ماڭىزى زور وقيعا. بۇگىن ءبىز، ەۋروكوميسسيانىڭ عارىش سالاسىمەن اينالىساتىن ونەركاسىپ جونىندەگى باس ديرەكتوراتى ورنالاسقان عيماراتىندا وسىناۋ كورمەنى اشىپ وتىرمىز»، دەدى.
رەسەيلىك ديپلوماتتىڭ ايتۋىنشا، كورمەنىڭ ماقساتى -ەۋروپالىق جۇرتشىلىقتىڭ نازارىن تەك تاريحقا عانا اۋدارىپ قويماي، كوسموناۆتيكانىڭ وتكەن 50 جىلدا ۇلكەن تەحنيكالىق جەتىستىكتەرگە قول جەتكىزە العانىن كورسەتۋ.
ال عارىش سالاسىنداعى قازاقستان-رەسەيلىك قارىم-قاتىناسقا توقتالعان رف ديپلوماتى، «ءبىزدىڭ ىنتىماقتاستىعىمىز - يۋ.گاگارين ساپارىننىڭ تۇسىندا جانە «بايقوڭىر» عارىش ايلاعى سالىنعاننان بەرى باستالعان ءوزارا ءىس-قيمىلداردىڭ جالعاسى... بۇل ىنتىماقتاستىق جالعاسۋى جانە كەڭەيۋى كەرەك»، دەپ اتاپ كورسەتتى.
كورمەگە ادامنىڭ عارىشقا العاشقى ساپارىنىڭ تاريحىنا، عارىشتى يگەرۋ ءداۋىرىنىڭ باستالۋ تاريحىنا ارنالعان فوتوسۋرەتتەر قويىلعان. عارىش سالاسىنداعى حالىقارالىق ىنتىماقتاستىققا ارنالعان جەكە ستەند تاعى بار. وعان قوسا، «ۆوستوك» جانە «سويۋز» زىمىرانتاسىمالداعىشتارى مەن عارىش اپپاراتتارىنىڭ مودەلدەرى قويىلعان. رەسەي فەدەراتسياسىنىڭ ەۋرووداق جانىنداعى تۇراقتى وكىلدىگى بۇل شارانى ەۋروكوميسسيامەن، ەۋروپالىق عارىش ورتالىعىمەن، ەۋروپالىق عارىش اگەنتتىگى جانە «رەسەيعارىش» اگەنتتىگىمەن بىرلەسىپ ۇيىمداستىرىپ وتىر.
