كەزدەسۋ بارىسىندا مەملەكەت باسشىسىنا نيۋ-يورك جانە لوندون قالالارىندا وتكەن ينۆەستيتسيالىق فورۋمداردىڭ قورىتىندىلارى جونىندە ەسەپ بەرىلدى.

اسقار جۇماعاليەۆ الەۋەتتى شەتەلدىك ينۆەستورلار ءۇشىن بىرقاتار پانەلدى سەسسيا وتكىزىلگەنى جونىندە مالىمدەدى. بۇل باسقوسۋلاردا قازاقستانداعى جەكەشەلەندىرۋ ۇدەرىسى، ەكونوميكانىڭ جەكەلەگەن سەكتورلارىنا ينۆەستيتسيا سالۋ، ۇلى جىبەك جولىن جاڭعىرتۋ، كولىك لوگيستيكاسىن دامىتۋ جايى، سونداي-اق تسيفرلاندىرۋداعى يننوۆاتسيانىڭ ءرولى مەن «استانا» حالىقارالىق قارجى ورتالىعىنىڭ قىزمەتى تۋرالى ماسەلەلەر تالقىلاندى.

سونىمەن قاتار، پرەمەر-ءمينيستردىڭ ورىنباسارى مەملەكەت باسشىسىنا ينۆەستيتسيالىق فورۋمدار اياسىندا وتكەن ەكى جاقتى كەزدەسۋلەردىڭ ناتيجەلەرىن باياندادى.

نۇرسۇلتان نازارباەۆ كەزدەسۋ سوڭىندا بىرقاتار ناقتى تاپسىرما بەردى.