استانا. 6 ءساۋىر. قازاقپارات /جاسۇلان امانبايۇلى/ - كەشە كەشكە استاناداعى قر پرەزيدەنتتىك مادەنيەت ورتالىعىندا بالا اقىن، رەسپۋبليكالىق بايقاۋلاردىڭ لاۋرەاتى، 8 جاسار جىر پەرىسى جامبىل دۇيسەنۇلىنىڭ ەل تاۋەلسىزدىگىنىڭ 20 جىلدىعىنا ارنالعان «تاۋەلسىزدىگىم - تاڭىردەن جەتكەن ءتاتتى سىي» اتتى پوەزيا كەشى ءوتتى.

ءدال 5 ءساۋىر كۇنى 8 جاسقا تولعان جىر پەرىسى ءوز ولەڭدەرىندە رۋح، وتانسۇيگىشتىك، وتان، ءتىل، تاۋەلسىزدىك تاقىرىپتارىن تولعايدى. نەبارى 2 جاسىندا حات تانىپ، 4 جاسىنان ۇيقاس قۇراعان بالا جامبىلدىڭ قازىردە 50-گە جۋىق تۋىندىسى بار. جىر كەشىندە كىشكەنتاي اقىن جينالعان جۇرتقا «پەرىشتە تىلەك!»، «ءتىلىم - تاعدىرىم»، «مەن قازاقپىن»، «بالا جامبىل - مەن بولامىن بۇگىنگى»، «مارتەبەلى ەلىم»، «وڭاي ەمەس» سىندى تۋىندىلارىن وقىپ بەردى.

«ولەڭ قۇلاعىما ۇيقاسىمەن كەلىپ سىبىرلايدى»،-دەگەندى ايتادى جاۋقازىن اقىن. «حالىقتىڭ بالاسى بولۋعا تىرىسامىن. ارمانىم - دانا جامبىلداي بولۋ»،-دەيدى ول.

استانا. 6 ءساۋىر. قازاقپارات /جاسۇلان امانبايۇلى/ - كەشە كەشكە استاناداعى قر پرەزيدەنتتىك مادەنيەت ورتالىعىندا بالا اقىن، رەسپۋبليكالىق بايقاۋلاردىڭ لاۋرەاتى، 8 جاسار جىر پەرىسى جامبىل دۇيسەنۇلىنىڭ ەل تاۋەلسىزدىگىنىڭ 20 جىلدىعىنا ارنالعان «تاۋەلسىزدىگىم - تاڭىردەن جەتكەن ءتاتتى سىي» اتتى پوەزيا كەشى ءوتتى.

ءدال 5 ءساۋىر كۇنى 8 جاسقا تولعان جىر پەرىسى ءوز ولەڭدەرىندە رۋح، وتانسۇيگىشتىك، وتان، ءتىل، تاۋەلسىزدىك تاقىرىپتارىن تولعايدى. نەبارى 2 جاسىندا حات تانىپ، 4 جاسىنان ۇيقاس قۇراعان بالا جامبىلدىڭ قازىردە 50-گە جۋىق تۋىندىسى بار. جىر كەشىندە كىشكەنتاي اقىن جينالعان جۇرتقا «پەرىشتە تىلەك!»، «ءتىلىم - تاعدىرىم»، «مەن قازاقپىن»، «بالا جامبىل - مەن بولامىن بۇگىنگى»، «مارتەبەلى ەلىم»، «وڭاي ەمەس» سىندى تۋىندىلارىن وقىپ بەردى.

«ولەڭ قۇلاعىما ۇيقاسىمەن كەلىپ سىبىرلايدى»،-دەگەندى ايتادى جاۋقازىن اقىن. «حالىقتىڭ بالاسى بولۋعا تىرىسامىن. ارمانىم - دانا جامبىلداي بولۋ»،-دەيدى ول.

ج. دۇيسەنۇلى الماتى قالاسىنداعى ب.مومىشۇلى اتىنداعى №131 مەكتەپ-ليتسەيىنىڭ 3-سىنىبىندا وقيدى. قازىردىڭ وزىندە قارشاداي اقىننىڭ جەتكەن شىعارماشىلىق جەتىستىكتەرى از ەمەس. ونىڭ ەڭ العاشقى جەڭىسى مەكتەپ قابىرعاسىندا وتكەن ءمۇشايرادا بولدى. كەيىن 7 جاسىندا-اق باۋىرجان مومىشۇلىنىڭ 100 جىلدىعىنا، مۇقاعالي ماقاتاەۆتىڭ 80 جىلدىعىنا ارنالعان بايقاۋلاردىڭ باس جۇلدەگەرى اتاندى. مەكتەپتە دە ءوزىنىڭ بىلىمدىلىگىمەن، زەرەكتىگىمەن كوزگە تۇسكەن جامبىل ءبىر جىلدا 1,2 سىنىپتى ءبىتىرىپ، 3-سىنىپقا كوشكەن.

دارىن يەسىنىڭ شىعارماشىلىعىن تاماشالاۋعا كەلگەن ەلوردالىق قاۋىم مادەنيەت ورتالىعىنىڭ كونتسەرت زالىن لىق تولتىردى. سەبەبى بالا جامبىلدىڭ ونەرىمەن استانالىقتار ناۋرىز مەيرامىندا العاش رەت كورىسىپ، تانىسقاندارى بار.

كەلەشەگىنەن ۇلكەن ءۇمىت كۇتتىرەتىن  جاس اقىنعا اتاقتى قالامگەر، قوعام قايراتكەرى مىرزاتاي جولداسبەكوۆتىڭ ءوزى قولداۋ كورسەتتى. ونىڭ ايتۋىنشا، جاس قۇدىرەتتىڭ جىرلارىنان قارت جامبىلدىڭ ۇلى ەپيكالىق سارىنى، مۇقاعاليدىڭ وتانشىلدىق اسقاق ءۇنى ەستىلەدى. «وسى بالامەن بىرگە جامبىل دا، مۇقاعالي دا قايتا تۋدى ما دەگەن ويعا كەلەمىن. بۇل ءبىر ۇلكەن قۇبىلىس»،-دەپ باعاسىن بەردى م. جولداسبەكوۆ.