ءتورت جىلدان بەرى اتقارۋشى بيلىكتىڭ تورىندە وتىرعان كارىم ءماسىموۆ كەشەلى بۇگىن ءوزىنىڭ «جاڭا» كومانداسىن جاساقتاپ جاتىر. جاڭا دەگەن ءسوزدى جاقشاعا الۋىمىزدىڭ سەبەبى بار. سەبەبى - ۇكىمەت قۇرامىنداعى كەيبىر لاۋازىم يەلەرى ، مىسالى، ۇلت جاناشىرى، شىن ماعاناسىنداعى بيىك پاراسات يەسى، ءتىلى مەن تىرلىگىندە مەملەكەتشىل تۇلعا ەكەندىگى اركەز ايگىلەنىپ تۇراتىن مادەنيەت ءمينيسترى مۇحتار قۇل-مۇحامەت، ءىس باسىنا كەلگەلى جاڭاشىلدىعى مەن ۇيىمداستىرۋشىلىق قابىلەتىن دالەلدەپ ۇلگەرگەن  قايراتتى جاس ازامات بايلانىس جانە اقپارات ءمينيسترى اسقار جۇماعاليەۆ، ەڭبەك جانە الەۋمەتتىك قورعاۋ ءمينيسترى گۇلشارا ابدىقالىقوۆا، دەنساۋلىق ساقتاۋ ءمينيسترى ساليدات قايىربەكوۆا، توتەنشە جاعدايلار جونىندەگى مينيستر ۆلاديمير بوجكو، ەكونوميكا ءمينيسترى بولات ءجامىشوۆ، قورشاعان ورتانى قورعاۋ ءمينسيترى نۇرعالي ءاشىم باياعى قىزمەت ورىندارىن ساقتاپ قالعانعا ۇقسايدى. «جاڭا» كوماندانىڭ قۇرامىندا راس، جاڭا ەسىمدەر دە كەزدەسەدى. ماسەلەنكي، تۋريزم جانە سپورت ءمينيسترى بولىپ تالعات ەرمەگياەۆ بەكىدى. ەرمەگياەۆ دەيتىن فاميليا ەلگە بەلگىلى شىعار. امانگەلدى ەرمەگياەۆ - الماتىنىڭ باس قۇرىلىسشىسى. «الماتىقۇرىلىستىڭ» مىزعىماس پرەزيدەنتى. باياعى ايتىستىڭ ايۋلى دەمەۋشىسى. ءارى بۇ كىسى و باستا «نۇر وتان» پارتياسىن «وتان» بولىپ تۇرعان كەزدە باسقارعان بولاتىن. ەندى بيلىكتەگى ەرمەگياەۆتەردىڭ كەزەڭى جالعاسىن تاۋىپ جاتىر.

ءتورت جىلدان بەرى اتقارۋشى بيلىكتىڭ تورىندە وتىرعان كارىم ءماسىموۆ كەشەلى بۇگىن ءوزىنىڭ «جاڭا» كومانداسىن جاساقتاپ جاتىر. جاڭا دەگەن ءسوزدى جاقشاعا الۋىمىزدىڭ سەبەبى بار. سەبەبى - ۇكىمەت قۇرامىنداعى كەيبىر لاۋازىم يەلەرى ، مىسالى، ۇلت جاناشىرى، شىن ماعاناسىنداعى بيىك پاراسات يەسى، ءتىلى مەن تىرلىگىندە مەملەكەتشىل تۇلعا ەكەندىگى اركەز ايگىلەنىپ تۇراتىن مادەنيەت ءمينيسترى مۇحتار قۇل-مۇحامەت، ءىس باسىنا كەلگەلى جاڭاشىلدىعى مەن ۇيىمداستىرۋشىلىق قابىلەتىن دالەلدەپ ۇلگەرگەن  قايراتتى جاس ازامات بايلانىس جانە اقپارات ءمينيسترى اسقار جۇماعاليەۆ، ەڭبەك جانە الەۋمەتتىك قورعاۋ ءمينيسترى گۇلشارا ابدىقالىقوۆا، دەنساۋلىق ساقتاۋ ءمينيسترى ساليدات قايىربەكوۆا، توتەنشە جاعدايلار جونىندەگى مينيستر ۆلاديمير بوجكو، ەكونوميكا ءمينيسترى بولات ءجامىشوۆ، قورشاعان ورتانى قورعاۋ ءمينسيترى نۇرعالي ءاشىم باياعى قىزمەت ورىندارىن ساقتاپ قالعانعا ۇقسايدى. «جاڭا» كوماندانىڭ قۇرامىندا راس، جاڭا ەسىمدەر دە كەزدەسەدى. ماسەلەنكي، تۋريزم جانە سپورت ءمينيسترى بولىپ تالعات ەرمەگياەۆ بەكىدى. ەرمەگياەۆ دەيتىن فاميليا ەلگە بەلگىلى شىعار. امانگەلدى ەرمەگياەۆ - الماتىنىڭ باس قۇرىلىسشىسى. «الماتىقۇرىلىستىڭ» مىزعىماس پرەزيدەنتى. باياعى ايتىستىڭ ايۋلى دەمەۋشىسى. ءارى بۇ كىسى و باستا «نۇر وتان» پارتياسىن «وتان» بولىپ تۇرعان كەزدە باسقارعان بولاتىن. ەندى بيلىكتەگى ەرمەگياەۆتەردىڭ كەزەڭى جالعاسىن تاۋىپ جاتىر. سۋ جاڭا مينيستر تالعات ەرمەگياوۆتىڭ لاۋازىمدى قىزمەتكە بارۋىنىڭ ار جاعىندا ەرمەگياەۆ پەن ەسىموۆتىڭ توننىڭ ىشكى باۋىنداي جاقىندىعى جاتقان كورىنەدى.

جاپ-جاڭا مينيسترلەردىڭ ىشىندە اۋىلشارۋاشىلىق ءمينيسترى بولىپ تاعايىندالعان اسىلحان مامىتبەكوۆ بار. مامىتبەكوۆ دەمەكشى، ۇزىنقۇلاققا سەنسەك، مامىتبەكوۆتى مينيستر ەتۋ ارقىلى شوكەەۆ وزىنە قاراستى توبىن «اتان وگىزدەي» ورگە سۇيرەپ كەلە جاتقانعا ۇقسايدى. نۇرعالي ءاشىمنىڭ لاۋازىمدى قىزمەتىن ساقتاپ قالۋى دا سونى اڭعارتسا كەرەك.

مينيستر اتانعانداردىڭ اراسىندا بەرىك قاماليەۆ دەيتىن جىگىت كولىك جانە كوممۋنيكاتسيا مينيسترلىگىنىڭ ەكى تىزگىن، ءبىر شىلبىرىن قولىنا الدى.

اسا ماڭىزدى مينيسترلىك - سىرتقى ىستەر مينيسترلىگىنىڭ تۇتقاسىن ۇستاعان ەرجان قازىحانوۆ ەۋروپا مەن ءبىزدىڭ ەلدىڭ اراسىن شاڭ قىلعان ساۋداباەۆتىڭ جىلى ورنىنا جايعاستى. مۇنداعى سىر قازىحانوۆ نەگىزى بىلىكتى ارابتتانۋشى ەكەن. ال، بيىل يسلام كونفەرەنتسياسىن باسقاراتىن ەلگە باس ارابتانۋشى قاجەت بولسا كەرەك. ساياسي ەليتانىڭ ورتاسىندا «تسيركاش» اتتى جاناما ەسىممەن ەلگە تانىلعان ساۋداباەۆ مەملەكەتتىك حاتشىلىق قىزمەتىندە قالىپ، ساۋداسى سونىمەن ءتامام بولعان سياقتى. ونىڭ ەندىگى قىزمەتى ەلشىلىك بولۋى مۇمكىن. ياعني،  شەت مەملەكەتتەردىڭ بىرىنە توتەنشە جانە وكىلەتتى ەلشى ميسسياسىن ارقالاپ الىس قيانعا اتتانۋى كادىك دەگەن ويدامىز.

«سامۇرىق-قازىنا» ءال-اۋقات قورىن باسقارعان  قايرات كەلىمبەتوۆ ەكونوميكا جانە بيۋدجەتتى جوسپارلاۋ ءمينيسترى بولىپ ءجونىن تاپتى دا، قارا مايعا تولى باس قازاننىڭ قۇلاعى ۇلكەن ءۇيدىڭ بەلدى كۇيەۋى تيمۋر قۇلىباەۆقا   بۇيرىقپەن بۇيىردى. سونىمەن، ءسوزدىڭ قىسقاسى «سامۇرىقتىڭ» بيىگىنە «سامعاپ» بارىپ تيمۋر قۇلىباەۆ قوندى.

ءسوز باسىندا تىرناقشاعا الىنعان «جاڭا» ءسوزىنىڭ ەكىنشى ءبىر قىرى مىنادا: اتتارىنان اۋعان مينيسترلەردىڭ ورنىنا تاعايىندالعان «جاس جىگىتتەر» شىندىعىندا وزدەرىنىڭ بۇرىنعى باستىقتارىنىڭ ورىنىنا كەلىپ جاتقاندار. اراسىندا جۇرت جاڭارتقاندار دا بار. دەمەك، ۇكىمەتتىڭ ءىشىنارا وزگەرىسكە ۇشىراعانى وردا ىشىندەگى ويىنداردىڭ ۋاقىتى كەلگەنىن كورسەتەدى.

پرەزيدەنتتەن كەيىنگى ەكىنشى ورىنعا (سەنات توراعالىعىنا) كىمنىڭ كەلەتىنى ازىرگە بەيمالىم كۇيىندە تۇر. دەسە دە، ەل ىشىندەگى اڭگىمە الماتىنىڭ اكىمى احمەتجان ەسىموۆ پەن الماتى وبلىسىنىڭ اكىمى سەرىك ۇمبەتوۆتى جانە استانا قالاسىنىڭ اكىمى يمانعالي تاسماعانبەتوۆتى مەڭزەيدى. قاڭتاردا قاتىرىپ تۇرىپ رەفەرەندۋم وتكىزىپ جىبەرە جازداعان پرەزيدەنت اكىمشىلىگىنىڭ قازىرگى باسشىسى - اسلان مۋسين دە سەنات سپيكەرلىگىنەن ۇمىتكەرلەردىڭ ءبىرى كورىنەدى.  الايدا، تاڭداۋ كىمگە تۇسەتىنىن اۋەلى ءبىر قۇداي سوسىن ەلباسى بىلەدى...

«جاڭا» دەگەن جاقشاداعى سوزىمىزگە قايتا ورالايىق. ساياسي ەليتا اتالاتىن ورتانىڭ سايىپقىرانى سارىباي قالمىرزاەۆ ساپتان شىعا باستاعانعا ۇقسايدى. پرەزيدەنتتىڭ ءىس باسقارۋشىسى بولىپ مينيسترلىك قىزمەتىنەن بوساعان تەمىرحان دوسمۇحامەتوۆ نەمەسە كولەڭكەگە ءسىڭىپ كورىنبەي كەتكەن بولات وتەمۇراتوۆ بارۋى ىقتيمال دەسەدى اقوردانىڭ اينالاسىنان شىققان جىڭىشكە اقپارات.

اۋىس-ءتۇيىس كەشەلى بەرمەن وبلىس اكىمدەرىنىڭ اراسىندا باستالىپ كەتتى. اۋىس-ءتۇيىس دەپ اۋىز تولتىرا ايتقانىمىزبەن بۇل باعىتتا دا پالەندەي وزگەرىستەردىڭ بولا قويماسى بەلگىلى. مىسالى، العاشقىلاردىڭ ءبىرى بولىپ قىزمەتىنەن كەتەدى دەپ بولجام ايتىلعان قىزىلوردا وبلىسىنىڭ اكىمى بولاتبەك قۋاندىقوۆ ورنىندا قالدى.

سونداي-اق، اقمولا،  پاۆلودار، سولتۇستىك قازاقستان، قوستاناي، شىعىس قازاقستان وبلىسىنىڭ اكىمدەرى دە قايتا تاعايىندالىپ "جاڭا" ۇكىمەتتىڭ جاساعىنان تابىلىپ جاتىر...

«اباي-اقپارات»