استانا. 21 ءساۋىر. قازاقپارات /قانات مامەتقازىۇلى/ - بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۋاكىلەتتى مەملەكەتتىك ورگاندار مەن.

قازاقستان رەسپۋبليكاسى ۇكىمەتىنىڭ تەكسەرىلەتىن سۋبەكتىلەرگە قويىلاتىن تالاپتاردى بەلگىلەيتىن نورماتيۆتىك قۇقىقتىق اكتىلەردى قابىلداۋ قۇزىرەتتەرىن قايتا قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا قوس پالاتا اراسىنداعى كەلىسپەۋشىلىكتەردى ەڭسەرۋ ماسەلەسىن قاراپ، ول بويىنشا كەلىسىم كوميسسياسىن قۇرۋ تۋرالى شەشىم شىعاردى. كوميسسيا قۇرامىنا سەنات تاراپىنان دەپۋتات سەرىك اقىلباي، قايسار وماروۆ، سەرگەي پلوتنيكوۆتار سايلاندى.

استانا. 21 ءساۋىر. قازاقپارات /قانات مامەتقازىۇلى/ - بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۋاكىلەتتى مەملەكەتتىك ورگاندار مەن.

قازاقستان رەسپۋبليكاسى ۇكىمەتىنىڭ تەكسەرىلەتىن سۋبەكتىلەرگە قويىلاتىن تالاپتاردى بەلگىلەيتىن نورماتيۆتىك قۇقىقتىق اكتىلەردى قابىلداۋ قۇزىرەتتەرىن قايتا قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا قوس پالاتا اراسىنداعى كەلىسپەۋشىلىكتەردى ەڭسەرۋ ماسەلەسىن قاراپ، ول بويىنشا كەلىسىم كوميسسياسىن قۇرۋ تۋرالى شەشىم شىعاردى. كوميسسيا قۇرامىنا سەنات تاراپىنان دەپۋتات سەرىك اقىلباي، قايسار وماروۆ، سەرگەي پلوتنيكوۆتار سايلاندى.

ەستەرىڭىزگە سالا كەتەيىك، اتالعان زاڭ جوباسى مەملەكەت باسشىسىنىڭ ۇكىمەت پەن باسقا دا مەملەكەتتىك ورگانداردىڭ قۇزىرەتتەرىن ايقىنداۋ جونىندەگى وكىلەتتىكتەرىن شەكتەۋدى جويۋ ماقساتىندا ازىرلەنگەن. سونىمەن بىرگە، قۇجات قولدانىستاعى زاڭنامالاردى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەكە كاسىپكەرلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2009 جىلعى 17 شىلدەدەگى قازاقستان رەسپۋبليكاسىنىڭ زاڭىمەن ەنگىزىلگەن تۇزەتۋلەرگە سايكەس كەلتىرۋدى قاراستىرادى. اتاپ ايتقاندا، «جەكە كاسىپكەرلىك تۋرالى» زاڭعا سايكەس مەملەكەتتىك ورگاندارعا كەيبىر نورماتيۆتىك قۇقىقتىق اكتىلەردى قوسپاعاندا، جەكە كاسىپكەرلىك سۋبەكتىلەرىنە تەكسەرۋ جۇرگىزۋ ءتارتىبى ماسەلەلەرى بويىنشا زاڭعا تاۋەلدى نورماتيۆتىك قۇقىقتىق اكتىلەر قابىلداۋعا تىيىم سالىنادى. قازىرگى ۋاقىتتا «جەكە كاسىپكەرلىك تۋرالى» زاڭنىڭ جوعارىدا اتالعان تالاپتارىنا قاراماستان، كەيبىر زاڭداردا كورسەتىلگەن اكتىلەردى بەكىتۋ بويىنشا ۋاكىلەتتى ورگانداردىڭ قۇزىرەتتەرى بار. بۇدان باسقا «جەكە كاسىپكەرلىك تۋرالى» زاڭنىڭ 37-1-بابىنىڭ جاڭا رەداكتسياسى جەكە كاسىپكەرلىك سۋبەكتىلەرىنە قويىلاتىن تالاپتاردى بەلگىلەيتىن اكتىلەردىڭ (زاڭدار، ۇكىمەت قاۋلىلارى) تىزبەسىن شەكتەيدى. سونىمەن قاتار اتالعان زاڭ جوباسىمەن مەملەكەت باسشىسىنىڭ ۇكىمەت پەن باسقا دا مەملەكەتتىك ورگانداردىڭ قۇزىرەتتەرىن ايقىنداۋ جونىندەگى وكىلەتتىكتەرىن شەكتەۋدى جوياتىن تۇزەتۋلەر ەنگىزىلەدى.

ەندى دەپۋتاتتار اراسىنداعى كەلىسپەۋشىلىكتەر كەلىسىم كوميسسياسىنىڭ قاراۋىنا شىعارىلادى.