تۇركىستان وبلىسىندا جىل باسى­نان بەرى 30 مىڭنان استام وتباسىعا جالپى سوماسى 12769 ملن تەڭگە كولە­مىندە اتاۋلى الەۋمەتتىك كومەك بەرىلدى. سونداي-اق، ءوز كاسىبىن اشۋ ءۇشىن 15 مىڭنان استام وتباسى 30 مىڭنان استام ءىرى قارا مەن ۋاق مال بەرىلسە، 1500 استام وتباسى قۇس شارۋاشىلىعىمەن شۇعىل­دانىپ وتىر.

تاعى ءبىر قۋان­تارلىعى، حالقى تىعىز شوعىرلانعان تۇركىستان وبلىسىنان بيىلدىڭ وزىندە سولتۇستىكتەگى وڭىرلەرگە 1112 ادام قونىس اۋدارىپ، ءتيىستى تولەم­دەرىن الىپ جاتىر.

بۇل تۋرالى وبلىستىق جۇ­­مىسپەن قامتۋدى ۇيلەستىرۋ جانە الەۋمەتتىك باعدارلامالار باسقار­ماسىنىڭ باسشىسى مۇحيت وتارشيەۆ ايتىپ بەردى.

باسقارما باسشىسى مۇحيت وتارشيەۆتىڭ مالىمەتىنە سۇيەنسەك، وبلىستا اعىمداعى جىلدىڭ 9 ايىندا 30 436 وتباسىعا (173 620 ادام) جالپى سوماسى 12769 ملن تەڭگە كولەمىندە اتاۋلى الەۋمەتتىك كومەك تاعايىندالعان.

سونداي-اق، شارتتى اقشالاي كومەك الۋشى­لاردىڭ ءوز كاسىبىن اشۋ ءۇشىن كىشى بيزنەس جوبالار ازىرلەنىپ، ءناتي­جەسىندە 15 127 وتباسى 17 مىڭعا جۋىق ءىرى قارا مال جانە 14 500 ۋاق مال الىپ، 1689 وتباسى قۇس شا­رۋا­­شىلىعىمەن شۇعىلدانىپ وتىر.

سونداي-اق، حالىققا قىزمەت كورسەتۋ ارقىلى دا 2580 ادام ءوز ءىسىن اشقان. جيىندا حالقىنىڭ سانى وزگە وڭىرلەردەن الدەقايدا باسىم ءتۇر­كىستان وبلىسىنداعى ىشكى كوشى-قون ماسەلەسى دە ءسوز بولدى.

«رەسپۋبليكانىڭ سولتۇستىك ءوڭىر­لەرىنە حالىقتىڭ ءوز ەركىمەن قونىس اۋدارۋى جاندانىپ كەلەدى. اتالعان كەزەڭدە وبلىسىمىزدان 263 وتباسى، ياعني 1112 ادام قونىس اۋدارىپ، ءتيىستى تولەمدەردى الىپ جاتىر. بۇل رەسپۋبليكا بويىنشا سولتۇستىككە قونىس اۋدارعان ادام­داردىڭ 40 پايىزىن قۇرايدى»، – دەدى مۇحيت وتارشيەۆ.

وبلىستا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى اياسىندا بيىل 65 مىڭ ادامدى جۇمىسپەن قامتۋ جوسپاردان بولسا، وتكەن 9 ايدىڭ قورىتىندىسى بويىنشا ناقتى 54 مىڭ ادام جۇمىسقا ور­نالاسقان.

اتالعان باعدارلاما 3 باعىت بويىنشا جۇزەگە اسىرىلادى. ماسەلەن، تەحنيكالىق جانە قىسقا مەرزىمدى كاسىپتىك وقىتۋمەن قام­تا­ماسىز ەتۋگە 7953 ادام وقۋعا جولدانعان. «ءار اۋىلعا ءوز شەبەرى» اكتسياسى بويىنشا 2600 ازامات وقۋعا جىبەرىلىپ، ونىڭ ىشىندە وقۋدى اياقتاعان 2 مىڭ ادامنىڭ 1200-ءى تۇراقتى جۇمىسقا ورنالاسقان.

ەلبا­­سىنىڭ «بولاشاققا باع­دار: رۋحاني جاڭعىرۋ» اتتى باع­دار­لاماسىنا سايكەس، ۇلتتىق قول­ونەر شەبەرلەرى، ۇلتتىق تاعام­داردى ءازىر­لەۋ اسپاز، سۋرەتشى، كەسكىن­دە­مەشى ماماندىقتارى جانە ءداندى دا­قىلداردى وندەۋ، اگروتەحنيكالىق ماماندىقتار بويىنشا 2 مىڭ ادام ءبىلىم الىپ جاتىر. ونىڭ 1400-ءى وقۋ­دى اياقتاپ، 1 مىڭ ادام تۇراقتى جۇمىسقا ورنالاسقان.

جاپپاي كاسىپكەرلىكتى دامىتۋ باعىتى بويىنشا «باستاۋ-بيز­نەس» جوباسى اياسىندا وقىتۋعا 1730 ادام وقۋعا جولدانىپ، ءتيىستى سەرتي­فيكات­تارىن العان. سەرتيفيكات العان 215 مامان 1,1 ملرد تەڭگە كولەمىندە شاعىن نەسيەمەن قامتاماسىز ەتىلدى. شاعىن نەسيەمەن قامتاماسىز ەتۋگە جوسپارلانعان 792 ادامنىڭ 543-ءى 2,3 ملرد تەڭگە كولەمىندە شاعىن نەسيە الىپ، ناتيجەسىندە 842 جاڭا جۇمىس ورنى قۇرىلدى. باسقارما تاراپىنان حالىقتى جۇمىسپەن قامتۋعا جاردەمدەسۋ جانە ەڭبەك رەسۋرستارىنىڭ ۇتقىر­لىعى ارقىلى ەڭبەك نارىعىن دا­­مىتۋ شەڭبەرىندە 43700 ادامعا قىزمەت كورسەتىلىپ، ناتيجەسىندە وڭىردەگى جالپى جۇمىسسىزدىق دەڭگەيى 5,2 پايىز، جاستار اراسىن­داعى جۇمىسسىزدىق 4,4 پايىز كولەمىندە بولىپ وتىر.

مۇمكىندىگى شەكتەۋلى ازاماتتار مەن ارداگەرلەردى الەۋمەتتىك قولداۋ بويىنشا اعىمداعى جىلى بارلىق بيۋدجەتتەر ەسەبىنەن 8,6 ملرد تەڭگە قارالعان. ماسەلەن، مۇمكىندىگى شەكتەۋلى ازاماتتار 64 مىڭعا جۋىق تەحنيكالىق كومەكشى قۇرالدارمەن جانە الەۋمەتتىك قىزمەتتەرمەن قامتاماسىز ەتىلىپتى. ال زەينەتكەرلەر دە نازاردان تىس قالماي، الەۋمەتتىك قولداۋ كور­­­­سە­تىلگەن. اتاپ ايتقاندا، 7800 زەي­­نەت­­­كەر باسقارماعا قاراستى «ار­دا­گەر­لەر» جانە «مەيىر» ساۋىق­تىرۋ كەشەندەرىنە جولداما العان بولسا، 80 جاستان اسقان جالعىزىلىكتى 310 قار­يانىڭ زەينەتاقىلارىنا اي سايىن جەرگىلىكتى بيۋدجەت ەسەبىنەن 1 ايلىق ەسەپتىك كورسەتكىش ءمول­شە­­رىن­دە كومەك بەرىلىپ كەلەدى. جال­­پى جىل باسىننا بەرى، وڭىردە مۇق­­تاج ازا­ماتتاردىڭ 99,7 پايىزى ار­ناۋ­­لى الەۋمەتتىك قىزمەتتەرمەن قامتىلعان.

Abai.kz