تۇركىستان وبلىسىندا جىلىنا 2 ميلليون توننا مۇناي وڭدەيتىن زاۋىت سالىنادى. بۇل تۋرالى Abai.kz اقپاراتتىق پورتالى وبلىس اكىمدىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

جالپى قۇنى 95 ميلليارد تەڭگە بولاتىن ينۆەستيتسيالىق جوبا اياسىندا مىڭعا تارتا جۇمىس ورنى اشىلماق.

«Turkistan Invest» ينۆەستيتسيالىق كومپانياسى ءباسپاسوز قىزمەتىنىڭ مالىمەتىنشە، جاڭا زاۋىتتىڭ قۇرىلىسى تۇركىستان وبلىسىنا قاراستى ورداباسى اۋدانىندا جۇرگىزىلمەك. ونى سالۋعا قازاقستاندىق «Standard Petroleum & Co LLP» كومپانياسى قاراجات جۇمسايدى.

بۇگىنگى كۇنى 250 گەكتار اۋماقتا ورنالاستىرۋ جۇمىستارى جۇرگىزىلىپ، قورشاۋلار قويىلىپ جاتىر.

سونداي-اق، ەلەكتر جەلىلەرى تارتىلىپ، جول سالىنۋدا. «تۇركىستان» Əكك» اق فيليالى - «Turkistan Invest» ينۆەستيتسيالىق كومپانياسىنىڭ قولداۋىمەن جۇزەگە اسىرىلاتىن جوبا 2021 جىلى ىسكە قوسىلادى دەپ كۇتىلۋدە. دايىن ءونىم ەل اۋماعىندا ساتىلىپ، قوسىمشا تمد ەلدەرىنە ەكسپورتتالاتىن بولادى.

ايتا كەتەيىك، وسىعان دەيىن تۇركىستاندا وتكەن «كونە تۇركىستان – جاڭا مۇمكىندىكتەر» اتتى حالىقارالىق ينۆەستيتسيالىق جəنە تۋريستىك فورۋم وتكەن ەدى. فورۋم ناتيجەسىندە قۇنى 1,7 ملرد. اقش دوللارىن قۇرايتىن 19 مەموراندۋمعا قول قويىلعان.

اتالعان فورۋم اياسىندا مالايزيالىق «Nagasteel Equipment Sdn. Bhd.» كومپانياسى 100 ملن. اقش دوللارىنا وڭىردە ينفراقۇرىلىمدى جانە ونەركاسىپ سالاسىندا ءىرى جوبالاردى جۇزەگە اسىراتىن بولىپ كەلىسىلگەن.

ال تۇركيالىق «Sallyr Bey Group» كورپوراتسياسى جالپى قۇنى 15 ملن. اقش دولارىنا قوي شارۋاشىلىعىن وركەندەتۋگە باعىتتالعان فەرمانىڭ قۇرىلىسىن جۇرگىزسە، قىتايلىق «Jiangsu Huale Electric Co.، ltd» كومپانياسى قۋاتتىلىعى 50 مۆت-تىق كۇن ەلەكتر ستانتسياسىنىڭ قۇرىلىسىنا 50 ملن. اقش دوللارىن باعىتتايتىن بولادى دەپ حابارلانعان.

سونداي-اق، چەحيا، يتاليا، ەلدەرىنىڭ كومپانيالارى تۇركىستان وبلىسىنا ينۆەستيتسيا قۇيۋعا قىزىعىشۋلىق تانىتىپ، ناقتى كەلىسىمدەر جاسالدى.

Abai.kz