ەلباسى نۇرسۇلتان نازارباەۆتىڭ “بولاشاققا باعدار: رۋحاني جاڭعىرۋ”باعدارلاماسىنىڭ اياسىندا ەلىمىزدە بىرقاتار جۇمىستار اتارىلىپ جاتقانى بەلگىلى. سولاردىڭ ءبىرى قر مادەنيەت جانە سپورت مينيسترلىگىنىڭ قولداۋىمەن وتكەن «قازاقستانداعى تاريحي قالالىق لاندشافتاردى ساقتاۋدى قولداۋ» تاقىرىبىندا يۋنەسكو- نىڭ ءبىرىنشى ۇلتتىق سەمينارى ەدى.

سەمينار ورتالىق ازيا ەلدەرىندەگى يۋنەسكو بيۋروسى جانە نيدەرلاندىنىڭ ماقساتتى قورى باستاماسىمەن قوجا احمەت ياساۋي كەسەنەسى مەن قازاقستاندىق مۇراجايلاردىڭ ءىس-شارالارىن قولداۋ ماقساتىندا ۇيىمداستىرىلعان.

القالى جيىنعا قر مادەنيەت جانە سپورت مينيسترلىگى، «قازقايتاجاڭعىرتۋ» رمك، تۇركىستان وبلىسى اكىمدىگىنىڭ وكىلدەرى، ۇلتتىق مۇراجايلاردىڭ ديرەكتورلارى مەن قىزمەتكەرلەرى، يۋنەسكو- نىڭ دۇنيەجۇزىلىك مۇرا تىزىمىنە ەنگىزىلگەن نىساندارعا جاۋاپتى تۇلعالار جانە يۋنەسكو-نىڭ دۇنيەجۇزىلىك مۇرا ورتالىعىنىڭ حالىقارالىق ساراپشىسى قاتىستى. «يۋنەسكو قورىنىڭ مۇشەلەرىنە جۋىردا عانا وبلىس ورتالىعى اتانعان - تۇركىستان قالاسىنىڭ جاندانىپ كەلە جاتقان كەزىندە اتالعان سەميناردى وتكىزىپ جاتقانىنا ريزاشىلىعىمدى بىلدىرەمىن. سەبەبى، باسقوسۋعا قازاقستاندىق ماماندارمەن قوسا شەتەلدىك ماماندار دا قاتىسىپ، تاريحي قالالاردىڭ لاندشافتارىن ساقتاپ قالۋ، ولاردى قالىپقا كەلتىرۋ جۇمىستارى جونىندە كەڭىنەن تالقىلادى. تۇركىستان - تۇركى الەمىنىڭ رۋحاني-مادەني ورتالىعىنا ايناۋعا ءتيىس. ەكى كۇندىك سەميناردىڭ قورىتىندىسىندا ارنايى شەشىمدەر قابىلدانىپ، مينيسترلىككە، وبلىس جانە قالا اكىمدىكتەرىنە جەتكىزىلەتىن بولادى", - دەدى تۇركىستان وبلىسى اكىمىنىڭ كەڭەسشىسى، يۋنەسكو- نىڭ ۇلتتىق ساراپشىسى، ت.ع.د. پروفەسسور ساتتار ءماجيتوۆ.

سەميناردىڭ نەگىزگى ماقساتى - قالانى دامىتۋ پروتسەسىندە شەشىم قابىلدايتىن جەرگىلىكتى، ۇلتتىق، ايماقتىق، مەملەكەتتىك جەكە سۋبەكتىلەر كىرەتىن مۇددەلى تاراپتاردى "دۇنيەجۇزىلىك مۇرا تىزىمىنە ەنگىزىلگەن تاريحي قالالاردى دامىتۋ سالاسىنداعى نەگىزگى مەحانيزم بولىپ ەسەپتەلەتىن تاريحي قالالىق لاندشافتتارعا باعىتتالعان ءتاسىلدى ەنگىزۋ بويىنشا يۋنەسكو-نىڭ ۇسىنىمدارىمەن" تانىستىرۋ بولدى. اتالمىش فورۋم قالالىق ورتادا دۇنيەجۇزىلىك مۇرا وبەكتىلەرىن قورعاۋ جونىندەگى كۇش-جىگەردى بارىنشا تىعىز ۇيلەستىرۋدى قامتاماسىز ەتۋگە شاقىردى جانە ءتيىستى ورگانداردىڭ رەتتەۋ، باقىلاۋ جانە جوسپارلاۋ جونىندەگى قۇرىلىمىن انىقتاۋ بويىنشا كومەك كورسەتۋگە باعىتتالدى.

Abai.kz