- جاننا، ءسىز اتىراۋدا ءساۋىردىڭ 24-دە كونتسەرت بەرگەلى وتىر ەكەنسىز...

- ءيا، سول كونتسەرتكە دەيىن اتىراۋعا «حابار» اگەنتتىگىنىڭ ءتۇسىرۋ توبىمەن بىرگە بارماقشىمىز. «حابار» اگەنتتىگى ەلىمىزدىڭ تاۋەلسىزدىگىنە 20 جىل تولۋىنا وراي دەرەكتى فيلم تۇسىرگەلى وتىر. ول ءۇشىن ەلىمىزدىڭ ءار ايماعىنان شىققان ءبىردى-ەكىلى تانىمال تۇلعالاردى ىرىكتەپ، ولاردى ءوز تۋعان جەرىندە بەينەجازباعا ءتۇسىرىپ، ءومىرى مەن وتباسى جايلى سيۋجەت دايىنداماق. اتىراۋدان مەنى جانە مۋزىكانت رينات عايسيندى تاڭدادى. نەگىزىنەن، بۇل دا ءبىر قىزىق جوبا بولايىن دەپ تۇر. ونى دا الداعى ۋاقىتتا كورە جاتارسىزدار.

- جاقىندا «ارمان-اي» اتتى جەكە البومىڭىز جارىق كوردى. وسى ءان جيناعىڭىز جونىندە توقتالساڭىز؟

- بۇل ءان جيناققا ءوزىم شىعارعان جانە ە.كوكەەۆ، ا.توقسانباەۆ، ب.قوحامانوۆ، ب.قۇسايىنوۆ، ش.قالداياقوۆ، ج.سەيدوللا، ا.زاتسەپيندەردىڭ اندەرى ەنگىزىلدى. بارلىعى - 12 ءان. ءبارى دە قازاق تىلىندە. اتاپ ايتساق، ولار - «سەن»، «جالعىز قايىڭ»، «ءومىر سەن»، «ماما»، «تۋعان جەرىم»، «اق ەركە - اق جايىق»، «انا تىلەگى»، «ساعىنىش»، «سەن عانا»، «ارمان-اي» اندەرى جانە حالىق اندەرى - «اق باقاي»، «قىزىلقۇمدا اۋىلىم». اتىراۋداعى كونتسەرتتە وسى انجيناققا كىرگەن بارلىق اندەردى ورىنداماقپىن.

- ءبىز ءسىزدىڭ اتىراۋ ءوڭىرىنىڭ تۋماسى ەكەنىڭىزدى بىلەمىز. ءوزىڭىز جانە وتباسىڭىز جايىندا ايتىپ وتسەڭىز؟

- جاننا، ءسىز اتىراۋدا ءساۋىردىڭ 24-دە كونتسەرت بەرگەلى وتىر ەكەنسىز...

- ءيا، سول كونتسەرتكە دەيىن اتىراۋعا «حابار» اگەنتتىگىنىڭ ءتۇسىرۋ توبىمەن بىرگە بارماقشىمىز. «حابار» اگەنتتىگى ەلىمىزدىڭ تاۋەلسىزدىگىنە 20 جىل تولۋىنا وراي دەرەكتى فيلم تۇسىرگەلى وتىر. ول ءۇشىن ەلىمىزدىڭ ءار ايماعىنان شىققان ءبىردى-ەكىلى تانىمال تۇلعالاردى ىرىكتەپ، ولاردى ءوز تۋعان جەرىندە بەينەجازباعا ءتۇسىرىپ، ءومىرى مەن وتباسى جايلى سيۋجەت دايىنداماق. اتىراۋدان مەنى جانە مۋزىكانت رينات عايسيندى تاڭدادى. نەگىزىنەن، بۇل دا ءبىر قىزىق جوبا بولايىن دەپ تۇر. ونى دا الداعى ۋاقىتتا كورە جاتارسىزدار.

- جاقىندا «ارمان-اي» اتتى جەكە البومىڭىز جارىق كوردى. وسى ءان جيناعىڭىز جونىندە توقتالساڭىز؟

- بۇل ءان جيناققا ءوزىم شىعارعان جانە ە.كوكەەۆ، ا.توقسانباەۆ، ب.قوحامانوۆ، ب.قۇسايىنوۆ، ش.قالداياقوۆ، ج.سەيدوللا، ا.زاتسەپيندەردىڭ اندەرى ەنگىزىلدى. بارلىعى - 12 ءان. ءبارى دە قازاق تىلىندە. اتاپ ايتساق، ولار - «سەن»، «جالعىز قايىڭ»، «ءومىر سەن»، «ماما»، «تۋعان جەرىم»، «اق ەركە - اق جايىق»، «انا تىلەگى»، «ساعىنىش»، «سەن عانا»، «ارمان-اي» اندەرى جانە حالىق اندەرى - «اق باقاي»، «قىزىلقۇمدا اۋىلىم». اتىراۋداعى كونتسەرتتە وسى انجيناققا كىرگەن بارلىق اندەردى ورىنداماقپىن.

- ءبىز ءسىزدىڭ اتىراۋ ءوڭىرىنىڭ تۋماسى ەكەنىڭىزدى بىلەمىز. ءوزىڭىز جانە وتباسىڭىز جايىندا ايتىپ وتسەڭىز؟

- مەن 1968 جىلى اتىراۋ قالاسىندا دۇنيەگە كەلدىم. قالاداعى №13 مەكتەپتى ءبىتىردىم. مەكتەپتەن كەيىن شىمكەنتتەگى ءال-فارابي اتىنداعى مادەنيەت ينستيتۋتىنا وقۋعا بىردەن ءتۇستىم. سونى تامامداعان سوڭ 1997 جىلى الماتىعا كەلدىم. جالپى، وتباسىندا ءبىز ەكى ۇل، ءتورت قىزبىز. اكەم قايتتى. انام بار. قازىر ونىڭ جاسى 73-تە. ءوز وتباسىمدا بوي جەتىپ قالعان ءبىر قىزىم بار. ول حالىقارالىق قاتىناستار فاكۋلتەتىندە وقيدى.

- ونەرسۇيەر حالىق ءسىزدىڭ دجازدىق ستيلدەگى ءانشى ەكەنىڭىزدى جاقسى بىلەدى. ال ءوزىڭىزدىڭ انگە ماتىنمەن قوسا، اۋەن شىعاراتىن ونەرىڭىزدى حالىقتىڭ ءبارى بىردەي بىلە بەرمەيدى. كومپوزيتورلىق قىرىڭىزدىڭ اشىلعانىن قاشان بايقادىڭىز؟

- 1997 جىلى «بالا تىلەگى» دەگەن اننەن باستالدى ءبارى. سودان كەيىن «جۇرەگىمدە» دەگەن انمەن جالعاسىپ كەتە بەردى. كوپ اندەرىمدى ءوزىم ورىندايمىن. وزىڭە تاڭسىق ءاننىڭ ىرعاعى قالاي كەلەتىنىن الدىن-الا بىلمەيسىڭ. بىراق، مەن كومپوزيتورلىقپەن كاسىبي دەڭگەيدە اينالىسپايمىن عوي. ءاندى جۇرەكتىڭ قالاۋى ويانعاندا، تەك ءوزىم ءوزىم ءۇشىن عانا شىعارامىن. نەگىزىنەن، وتباسىمىزدا ونەرگە جاقىن ادام بولعان ەمەس. بىراق، انامنىڭ ىڭىلداپ ءان ايتاتىنى بار. قوناقتاردىڭ الدىنا شىعىپ، ءان سالعاندى جانى سۇيەدى. مۇمكىن ءبىزدىڭ ارعى تەگىمىزدە ونەرگە ءبىر تابان جاقىن بىرەۋلەر بولعان شىعار؟ كىم بىلەدى؟

- اندەرىڭىزگە سۇرانىس تۇسىرگەن انشىلەر بار ما؟

- ءبىر رەت ءانشى ءمادينا سادۋاقاسوۆا سۇراعان سوڭ بەردىم. مەنىڭ ويىمشا، ءوزىمنىڭ اندەرىمدى وزىمنەن ارتىق ەشكىم ءوزىمنىڭ ويىمداعىداي ورىندامايتىن شىعار دەپ ويلايمىن. ءاندى بىرەۋلەرگە ادەيى جازىپ كورگەن ەمەسپىن. دايىن ءانىم بولعاسىن ماديناعا بەرگەنمىن. ول ءان ءمادينانىڭ جەكە البومىنا كىردى. جالپى، قازىر ءوزىم جازعان 20 شاقتى ءان بار. ال رەپەرتۋارىمداعى اندەردى ساناماپپىن. ولار وتە كوپ.    

- ءسىزدىڭ نەگىزگى ماماندىعىڭىز ءبيشى ەكەن. وسى كاسىپتى ءارى قاراي جالعاستىرماي، انشىلىككە بەت بۇرۋىڭىزعا ءبىر جاعداي اسەر ەتتى مە؟

- مەن ينستيتۋتقا تۇسكەندە 1-كۋرستان باستاپ ءان ايتتىم. اتىراۋدا جۇرگەندە مەكتەپتە دە ساحنادان كورىنىپ ءجۇردىم. جوعارى وقۋ ورنىندا بي دە بيلەدىم. بىراق، انشىلىگىم جەڭىپ كەتتى. مەكتەپ جانىندا جۇرگەندە 5-سىنىپتان باستاپ بيگە قاتىسقانمىن. بي انسامبلىندە دە بولدىم. وقۋ بىتىرگەن سوڭ حورەوگراف بولىپ ءبىر-ەكى ايداي عانا جۇمىس ىستەدىم.

- ءCىز ەلىمىزدەگى «ەكى جۇلدىز» جوباسىندا بەلگىلى تەلەجۋرناليست نۇرتىلەۋ يمانعاليۇلىمەن دۋەت بولىپ، ءان شىرقاعان ەدىڭىز. بۇل جوبا سىزگە نە بەردى؟ جالپى، وسى جوباعا قاتىستى پىكىرىڭىز قانداي؟

- بۇل جوبانىڭ اشىلۋىندا ءبىرىنشى بولىپ قاتىسقان جۇپتاردىڭ ءبىرىمىز. ول كەزدە قازىرگىدەي ساحنادا ميكروفوندار بولعان ەمەس. بارلىعى پورتال. سونىڭ وزىندە ءبىز ءۇشىن ءبارى قىزىق بولدى. نۇرتىلەۋ اعامەن ءتىل تابىسۋ قيىنداۋ ەدى. ساحناعا بىرگە ءتورت-بەس رەت قانا شىقتىق. نەشە ءتۇرلى اندەر، وبرازداردا كورىنگەنىمىز دە قىزىقتى بولدى. سول جوبادان ءبىزدىڭ تەزىرەك شىعىپ كەتكەنىمىزگە وكىنەمىن.

- قازاق ەستراداسىندا نە نارسەگە قارنىڭىز اشادى؟

- قازىر تويدىڭ اندەرى كوبەيىپ كەتتى. وزبەك اۋەنىنىڭ يىرىمدەرى قوسىلعان. حالىق اندەرىن دە بيزنەسكە اينالدىرىپ الدى ءبىر انشىسىماقتار. ءار ايماقتاعى كەي جاس انشىلەر تويدا ءجۇرىپ اقشا تابۋ ءۇشىن عانا ءجۇر. اندەرى دە، داۋىستارى دا ءبىر. بىرەۋىن دە ايىرا المايسىڭ. فونوگراممامەن ايتادى. وسى ۇنامايدى.

- بولاشاققا قۇرعان قانداي جوسپارىڭىزبەن بولىسپەكشىسىز؟

- كليپ تۇسىرسەم دەيمىن. بىراق، ءالى ەشتەڭە باستاعان جوقپىن. جالپى، وسى كۇنگە دەيىن تەك ەكى انىمە عانا كليپ تۇسىرىلگەن. ولار - «جۇرەگىمدە» ءانى جانە «سون موي» ءانى. ءوزىمنىڭ انشىلىگىمە بايلانىستى جوسپارلارىم كوپ. مەن ەسترادادان بولەك، بىرنەشە وركەسترمەن دجازدىق جوبالارعا قاتىسامىن. قازىرگى «قازاقستان» تەلەارناسىندا ءجۇرىپ جاتقان «قازاقتىڭ 100 ءانى» اتتى جوبادا مەنىڭ ورىنداۋىمداعى ەكى ءان شىرقالىپ، تىزىمگە ەنگىزىلدى. ونىڭ بىرەۋى - «قىزىلقۇمدا اۋىلىم» حالىق ءانى، ەكىنشىسى - انتون زاتسەپيننىڭ «ماما» ءانى. ەكەۋى دە جاڭا البومىما ەنگەن اندەر. اندەر جاڭا زامانعا ساي ارلەندى. ءوزىڭىز دە بايقايتىن بولارسىز، مەنىڭ ورىنداۋىمداعى اندەر قازىرگى زامانعى مۋزىكا ىرعاعىمەن استاسىپ جاتادى. مەن فولكلورلىق ءانشى بولماعاننان كەيىن، مەنىڭ ورىنداۋىمداعى حالىق ءانى دە وزگەشە ەستىلەدى. نەگىزىنەن دجازدىق البوم جازعىم كەلىپ ءجۇر. سەبەبى، دجازدى جانىم قالاپ تۇرادى. جوسپارلاردى ىسكە اسىرۋ - ۋاقىتتىڭ ەنشىسىندەگى نارسە جانە قاراجاتقا دا تىكەلەي بايلانىستى.

- اڭگىمەڭىزگە راحمەت!

سۇحباتتاسقان اينۇر اسىلبەكقىزى

جاننانىڭ العاشقى البومى «سون موي» دەپ اتالعان. ال 2010 جىلدىڭ 2-جەلتوقسانىندا ونىڭ «ارمان-اي» اتتى ەكىنشى جەكە البومى جارىق كوردى. قازىر ءانشىنىڭ شىعارماشىلىعى دامۋ ۇستىندە. ول تاعى دا ءبىر البوم شىعارۋعا كىرىسىپ كەتتى.