ەلباسى نۇرسۇلتان نازارباەۆ جاڭادان قۇرىلعان تۇركىستان وبلىسىنا ەرەكشە نازار اۋدارىپ وتىرعانى بەلگىلى. وسى ماقساتتا وڭىردەگى ءار سالانى دامىتۋعا ناقتى تاپسىرمالار دا بەرگەن بولاتىن. بۇدان بولەك، ەلباسىنىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ" اتتى قازاقستان حالقىنا ارناعان جولداۋىندا وڭىرلەردىڭ ينۆەستيتسيالىق الەۋەتىن كوتەرۋگە باس نازار اۋدارعانى دا بەلگىلى.

تۇركىستان وبلىسىنىڭ جۋرناليستەرى سارىاعاش اۋدانى، قۇركەلەس اۋىلدىق وكرۋگىنە قاراستى ەڭكەس ەلدى مەكەنىندە ورنالاسقان «Fresboom» جانە «ZIZI» كونديتەرلىك ءونىم وندىرەتىن تسەحىنىڭ جۇمىسىمەن تانىستى.

ايتا كەتۋ قاجەت، بۇل تسەح 2012 جىلى ءوز جۇمىسىن باستاعان. شاعىن ءوندىرىس ورنى التى جىل ىشىندە جان-جاقتى داامىپع قۋاتتىلىعىن ارتتىرىپ وتىر.بۇگىنگى تاڭدا تسەحت ءبىر اۋىسىمدا ءتورت مىڭ بلوك ءونىم (ساعىز) وندىرەدى. جوبانىڭ جالپى قۇنى جەتپىس ميلليون تەڭگەنى قۇرايدى. كاسىپورىن ديرەكتورى ق.جانازاروۆ ساعىز شىعارۋعا قاجەتتى شيكىزاتتاردى  قازىرگى تاڭدا تۇركيا ەلىنەن الىپ وتىرعانىن ايتادى. جانە دە وندىرىلگەن ونىمدەر ىشكى نارىقتا اسا جوعارى سۇرانىسقا يە ەكەن.

سونىمەن قاتار قاتار، كاسىپكەر بۇل ساعىزداردى ورتا ازيانىڭ  قىرعىزستان، وزبەكستان، تۇركىمەنستان سەكىلدى ەلدەرىنە ەكسپورتتاپ جاتقانىن دا ايتىپ قالدى. مۇنان وزگە «Fresboom» جانە «ZIZI» كونديتەرلىك ءونىم وندىرەتىن تسەحىندا 1 اۋىسىمنىڭ وزىندە 30 ادامدى  جۇمىسپەن قامتىلعانىن دا ايتىپ كەتۋ كەرەك. كاسىپورىندا نەگىزگى جۇمىسشىلارىن جاستار قۇرايدى.

Abai.kz