افينى وليمپياداسىنىڭ   چەمپيونى باقتيار ارتاەۆ جامبىل وبلىسىنىڭ "سپورت باسقارماسىن" نەبارى ءبىر جارىم جىل عانا باسقارعاندا  2010 جىلى تۇنعىش رەت جاسوسپىرىمدەر اراسىندا  وتكەن وليمپيادا  ويىندارىنان ءابۋناسىر ومىرزاق ليتسەنزيا ۇتىپ، ال جانىبەك قاندىباەۆ التىننان القا تاعىپ، جەڭىمپاز اتاندى.

دزيۋدو كۇرەسىنەن ماروككودا وتكەن جاستار اراسىنداعى الەم بىرىنشىلىگىندە چەمپيون اتانعان ەلدوس سمەتوۆ 2010 جىلى  قازاقستان رەسپۋبليكاسىنىڭ چەمپيونى اتانىپ، وليمپيادا ويىندارىنا قاتىسۋعا ۇمىتكەر سپورتشىلاردىڭ ءبىرى بولىپ وتىر.

افينى وليمپياداسىنىڭ   چەمپيونى باقتيار ارتاەۆ جامبىل وبلىسىنىڭ "سپورت باسقارماسىن" نەبارى ءبىر جارىم جىل عانا باسقارعاندا  2010 جىلى تۇنعىش رەت جاسوسپىرىمدەر اراسىندا  وتكەن وليمپيادا  ويىندارىنان ءابۋناسىر ومىرزاق ليتسەنزيا ۇتىپ، ال جانىبەك قاندىباەۆ التىننان القا تاعىپ، جەڭىمپاز اتاندى.

دزيۋدو كۇرەسىنەن ماروككودا وتكەن جاستار اراسىنداعى الەم بىرىنشىلىگىندە چەمپيون اتانعان ەلدوس سمەتوۆ 2010 جىلى  قازاقستان رەسپۋبليكاسىنىڭ چەمپيونى اتانىپ، وليمپيادا ويىندارىنا قاتىسۋعا ۇمىتكەر سپورتشىلاردىڭ ءبىرى بولىپ وتىر.

سونىمەن قاتار، سوڭعى ازيا ويىندارىندا التىننان القا تاققان رەگبيشى نيگورا نۇرماتوۆا، سۋ دوبىنان كۇمىس جۇلدەگەر اتانعان زاميرا مىرزابەكوۆا مەن ايجان اقىلباەۆا، فرانتسيادا وتكەن اكروباتيكادان الەمدىك باسەكەدە جەڭىمپاز بولعان راحات ەدىلباەۆ، سامبو كۇرەسىنەن الەم چەمپيوناتىنىڭ جەڭىمپازى ارداق قۇلجانوۆ، كيكبوكسينگتەن جاستار اراسىنداعى الەم چەمپيوناتىندا جەڭىمپاز اتانعان باحادىر سۇلەيمانوۆ، ءىى-ءشى ەۆرازيالىق ويىندارىندا جەڭىل اتلەتيكادان ءى ورىن يەلەنگەن سۆەتلانا يۆانچۋكوۆا، قول كۇرەسىنەن الەم چەمپيوناتىندا جەڭىمپاز اتانعان دميتري ترۋبين، تاتيانا ۆەرينا، ۆالي فارادجوۆ، انتونينا تاراسوۆا، ايدىن ۋسيپباەۆا سياقتى سپورتشىلارىمىزدىڭ كەلەشەگىنەن كوپ ءۇمىت كۇتەمىز. ال، ۇلتتىق سپورتتى جاستارىمىزدىڭ اراسىندا كەڭىنەن ناسيحاتتاپ جۇرگەن "اۋليەاتا" كوكپارشىلارى - جەڭىمپازدىق جۇلدەسىن التى رەت قانجىعاسىنا بايلاپتى.   سونىمەن قاتار، وبلىس كولەمىندە دامىتىلا باستاعان كوگالداعى حوككەي سپورت ءتۇرى بويىنشا 2010 جىلى وبلىس قۇراما كومانداسى قازاقستان رەسپۋبليكاسى كۋبوگىنىڭ يەگەرى اتاندى.

قىسقى ازيا ويىندارى تاريحىندا ەستافەتا الاۋىن جاعۋ ءداستۇرى تۇڭعىش رەت قازاق ەلىندە ءوتتى. الماتىدان باستالعان الاۋ ەستافەتاسى مەرەكەلى جاعدايدا 2000 جىلدان استام تاريحى بار تاراز شاحارىنا  الدىمەن جەتتى. الاۋ ەستافەتاسىن الىپ ءجۇرۋ ناتيجەسى بويىنشا رەسپۋبليكادا جامبىل وبلىسى ءبىرىنشى ورىنعا يە بولدى.

الايدا، جوعارىدا اتالعان ەسىل  ەڭبەگىن ەش ەسكەرمەستەن جامبىل وبلىسىنىڭ اكىمى قانات بوزىمباەۆ   مىرزا وبلىستىق سپورت باسقارماسىنىڭ باستىعى باقتيار ارتاەۆتى 2011 جىلدىڭ 26 قاڭتارىندا  قىزمەتىنەن بوساتىپ جىبەردى.

ازيا ويىندارىنىڭ الدىنداعى دايىندىق   جۇمىستارىن اياقتاتپاي  ارتاەۆتى جۇمىسىنان الىپ تاستاۋعا قانداي سەبەپتەر بولعانىن وبلىس جۇرتشىلىعى تۇسىنبەدى. وبلىس اكىمى ق.بوزىمباەۆ ونى ءتۇسىندىرۋدى ءجون كورمەدى.

بوزىمباەۆ وبلىستىق مەكەمەلەردىڭ باسشىلارىن بىلاي قويعاندا ولاردىڭ ورىنباسارلارىن، ءبولىم باستىقتارىنا دەيىن دەرلىك الماتىدان اكەلىپ قويۋدا. سوندا  جامبىل وبلىسىندا ءىلىپ الار ماماننىڭ  جوق بولعانى ما؟  الدە، جامبىل جاستارىنىڭ  مەملەكەتتىك، ەلدىك قىزمەتتى اتقارۋعا كۇش-جىگەرى، اقىل-ويى، قابىلەت-قارىمى   جەتپەي مە؟

جوعارىداعى اڭگىمەمىزگە ورالايىق. قىسقاسى  باقتيار ارتاەۆتى جۇمىستان بوساتقان  بوزىمباەۆ   مۇرنىنا سپورتتىڭ ءيسى بارمايتىن  وبلىس اكىمى اپپاراتىندا ۇيىمداستىرۋ بولىمىندە ينسپەكتور بولىپ،  ارتاەۆتىڭ ورنىنىن اڭساي كۇتكەن قايناربەكوۆ گاملەت تورەحانۇلىن تاعايىندادى.

قۋىرداقتىڭ كوكەسىن تۇيە سويعاندا كورەسىڭ دەمەكشى، سۇمدىق گاملەت كرەسلوگا وتىرعاننان كەيىن باستالدى.

ول كەلىسىمەن باقتيار ارتاەۆتقا استانا مەن الماتى قالالارىندا وتكەن 7-ءشى قىسقى ازيا ويىندارىنا بارعان ءىس-ساپار شىعىندارىن تولەمەۋدەن باستادى. تولەمەۋىنە سەبەپ - ب.ارتاەۆ گاملەتتىڭ قۇزىرىندا قىزمەت ەتپەيدى ەكەن.

سونىمەن باقتيار نە اندا، نە مۇندا جوق بولىپ، دالادا قالىپ شىعىنداردى وندىرە المادى. ال اتاقتى گاملەتتىڭ  ار جاعىندا سپورت ينتەرناتىنىڭ ديرەكتورى ماناربەك اعايداروۆ دەگەن ازۋىن ايعا بىلەگەن مىقتىنىڭ تۇرعانىن جۇرتتىڭ ءبارى بىلەدى. وبلىستاعى سپورت ماماندارىن، سپورت مەكتەپتەرىنىڭ ديرەكتورىن، قالا بەردى باس بۋحگالتەرىنە دەيىن ءبىرىن قالدىرماي جۇمىستا قالدىرۋ قالدىرماۋدى، جاڭا ادامداردى قابىلداۋدى گاملەت جەكە كەڭەسشىسى (ليچنىي سوۆەتنيك) ماناربەك اعايداروۆتىڭ ايتقانىمەن جاسايدى. ياعني، وبلىستىق سپورتىڭ تاعدىرى  گاملەتتىڭ   ەمەس،   ماناربەكتىڭ قولىندا.    وسىدان كەيىن  گاملەت تورەحانۇلىنىڭ جايى   كوپكە بەلگىلى بولعان شىعار دەپ ويلايمىز. ەندىگى سۇراق: باقتياردى باسىنىپ جۇرگەن كىم؟ باسىندىرىپ جۇرگەن كىم؟

«اباي-اقپارات»