ورال. 28 ءساۋىر. قازاقپارات /ەلجان ەرالى/ - ءساۋىر ايىنداعى سۋ تاسقىنى كەزىندە وبلىستىق سۋدا قۇتقارۋ قىزمەتى بۇل سىناقتان ابىرويمەن ءوتتى.

بۇل تۋرالى وبلىستىق توتەنشە جاعدايلار دەپارتامەنتى سۋدا قۇتقارۋ قىزمەتى مەملەكەتتىك مەكەمەسىنىڭ اعا ادىسكەر-قۇتقارۋشىسى ايان قاراجانوۆ ءمالىم ەتتى.

-ءبىز جىلما جىلعى داعدىمىز بويىنشا بيىل دا كوكتەمگى سۋ تاسقىنى قاتەرىنىڭ الدىن الۋ جۇمىستارىنا دايىندالدىق، دەدى ول. كەيبىر شارالاردى سۋ تاسقىنىنان بۇرىن دا جۇزەگە اسىرعان ەدىك. ماسەلەن، قازتالوۆ اۋدانىنا بەس ادام، ءبىر قايىقتان تۇراتىن مۇز جارعىشتار توبى «ۋاز» كولىگىمەن جىبەرىلدى. ولار الدىن الا مۇز جارىپ، تاسقىندى بولدىرماۋ شارالارىن ىسكە اسىردى.

ورال. 28 ءساۋىر. قازاقپارات /ەلجان ەرالى/ - ءساۋىر ايىنداعى سۋ تاسقىنى كەزىندە وبلىستىق سۋدا قۇتقارۋ قىزمەتى بۇل سىناقتان ابىرويمەن ءوتتى.

بۇل تۋرالى وبلىستىق توتەنشە جاعدايلار دەپارتامەنتى سۋدا قۇتقارۋ قىزمەتى مەملەكەتتىك مەكەمەسىنىڭ اعا ادىسكەر-قۇتقارۋشىسى ايان قاراجانوۆ ءمالىم ەتتى.

-ءبىز جىلما جىلعى داعدىمىز بويىنشا بيىل دا كوكتەمگى سۋ تاسقىنى قاتەرىنىڭ الدىن الۋ جۇمىستارىنا دايىندالدىق، دەدى ول. كەيبىر شارالاردى سۋ تاسقىنىنان بۇرىن دا جۇزەگە اسىرعان ەدىك. ماسەلەن، قازتالوۆ اۋدانىنا بەس ادام، ءبىر قايىقتان تۇراتىن مۇز جارعىشتار توبى «ۋاز» كولىگىمەن جىبەرىلدى. ولار الدىن الا مۇز جارىپ، تاسقىندى بولدىرماۋ شارالارىن ىسكە اسىردى.

وكىنىشتىسى سول، تاسقالا، زەلەنوۆ جانە ورال قالاسىنىڭ توڭىرەگىن الىپ كەتكەن سۋ تاسقىنى توسىننان كەلگەن تابيعات اپاتى بولاتىن. اپات باستالعان كۇنى، ياعني 9 ساۋىردە جەدەل حابار الىسىمەن، ءۇش ادام  موتورلى  قايىقپەن تاسقالا اۋدانىنا اتتاندىق. اۋدانداعى ارىپتەستەرىمىزبەن تىعىز بايلانىس ۇستاپ، ىسكە كىرىستىك. راتسيامىز بار. ۇدايى بايلانىستىڭ ناتيجەسىندە كەشكى ساعات 6-دان تاڭعى  بەس جارىمعا دەيىن تەك ءبىر قايىقپەن 70-تەن استام ادامدى قاۋىپسىز جەرگە كوشىردىك. ەڭ ءبىرىنشى كەزەكتە مۇگەدەكتەر، قاريالار، اۋىر اياقتى ايەلدەر مەن بالالاردى جەتكىزۋگە ماڭىز بەرىلدى. كەلەسى كۇنى دە جۇمىس ودان ءارى جالعاستى. جانىمداعى ارىپتەستەرىم، ەلۋدى ەڭسەرگەن قوس قۇرداس تەمىرحان مولداشەۆ پەن يۋري راسسولوۆ ايانباي ارەكەت ەتتى. قانداي ما بولسىن قيىنشىلىقتان ىركىلگەن جوق. 10 ءساۋىر كۇنى تاسقالاعا قۇتقارۋشىلاردىڭ ەكىنشى توبى كەلىپ جەتتى. ءبىز سول كۇندەرى ۇزىن سانى 493 جاندى قۇتقارعان ەكەنبىز.

12 ءساۋىر كۇنى  تاڭعى ساعات توعىزدا «دەركۇل اۋىلى سۋ قۇشاعىندا» دەگەن سۋىت حابار الدىق. دەرەۋ وبلىس ورتالىعىنىڭ ىرگەسىندەگى ەلدى مەكەنگە اتتانۋعا تۋرا كەلدى. مۇندا ءبىر توپتاعى ۇشەۋمىز تاعى دا سمو زاۋىتى توڭىرەگىندەگى اۋماقتان 30 ادامدى قۇتقاردىق. باسقا دا قۇتقارۋشىلارمەن بىرگە تالاي ادامدى اجال مەن ازاپتان الىپ شىعۋعا مۇمكىندىك بولدى.

شىنى كەرەك، قۇتقارۋ بارىسىندا كۇردەلى جاعدايلار دا كەزدەستى. سۋدىڭ كەسىرىنەن اۋلانىڭ قاقپالارى اشىلماي، قايىق وتكىزۋگە كەدەرگى جاسادى. ءبىر جاعدايدا ءتىپتى سىم قورشاۋدى قىسقاشپەن قيىپ، جول اشۋعا ءماجبۇر بولعانىمىز دا بار. قانشا شارشاساق تا، قولعابىسىڭا دىلگەر جاندار كوز الدىڭا ەلەستەگەندە، قاجىعانىڭدى ۇمىتىپ  كەتەدى ەكەنسىڭ. تەمىرحان ەكەۋمىزدى كوپ ۇزاماي شتابقا ەسەپ بەرۋگە شاقىرتقاندا دا كەتكىمىز كەلگەن جوق.

ءبىزدىڭ ەسەبىمىز بويىنشا وڭىرىمىزدە سۋ تاسقىنى 9-17 ءساۋىر كۇندەرى ءوتتى. مىنە، وسى توتەنشە وقيعانىڭ جولىن كەسۋگە سۋدا قۇتقارۋ قىزمەتىنىڭ 49 ادامى، 11 ءجۇزۋ قۇرالى، 6 كولىگى جۇمىلدىرىلدى. تاسقىن بارىسىندا 48 كومەككە شاقىرۋ دابىلى ءتۇستى. ناتيجەسىندە 1965 ادام قاۋىپسىز جەرگە كوشىرىلدى.

«بۇگىندە ارىپتەستەرىمىز «ەۋرازيا» تۋريستىك-ساۋىقتىرۋ كەشەنى، ساياجايلار ايماعى جانە تاعى باسقا نىسانداردان سۋ سورۋ جۇمىسىن جۇرگىزىپ، تاسقىننىڭ زارداپتارىن جويۋعا بەلسەنە ارالاسۋدا. بۇدان باسقا اپاتتان زارداپ شەككەن دوستىق اۋىلىندا ادامداردىڭ سۋ ارقىلى قاتىناسىن ۇيىمداستىرۋعا كومەك بەرىپ جاتىر. ەڭ باستىسى سول - ءبىزدىڭ ۇجىم بۇل جولى دا كاسىپتىك پارىزىنا قانشالىقتى دايار ەكەنىن ءىس جۇزىندە دالەلدەپ شىقتى»، دەدى ا.قاراجانوۆ.