استانا. 28 ءساۋىر. قازاقپارات - ەر-ريادتا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات وماروۆ ساۋد ارابياسى كورولدىگىنىڭ سىرتقى ىستەر جونىندەگى مەملەكەتتىك ءمينيسترى نيزار مادانيمەن كەزدەستى، دەپ حابارلادى قر ءسىم ءباسپاسوز قىزمەتى.

كەزدەسۋ بارىسىندا قر سىرتقى ىستەر ءمينيسترى ە.قازىحانوۆتىڭ 2011 جىلعى 28-30 ماۋسىمدا ‎استانادا وتەتىن يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىنىڭ 38-ءشى سەسسياسىنا قاتىسۋ ءۇشىن ساۋد ارابياسىنىڭ سىرتقى ساياسات ۆەدومستۆوسىنىڭ باسشىسى ءامىر ساۋد ءال-فەيسالعا جولداعان رەسمي شاقىرۋى تابىس ەتىلدى.

ق.وماروۆ جيىن بارىسىندا يسلام كونفەرەنتسياسى ۇيىمىنا توراعالىق لاۋازىمىن رەسمي تۇردە قابىلدايتىن قازاقستاننىڭ اتالمىش شاراعا ەرەكشە ءمان بەرىپ وتىرعانىن اتاپ ءوتتى. ساۋد تاراپىنا باستى حالىقارالىق مۇسىلمان ۇيىمىنا قازاقستاننىڭ توراعالىعى كەزەڭىندەگى قىزمەتىنىڭ باسىم باعىتتارى تانىستىرىلدى. سونىمەن قاتار، ارنايى وكىل ساۋد ديپلوماتىمەن يكۇ سىرتقى ىستەر مينيسترلەرىنىڭ استاناداعى كەزدەسۋى قارساڭىندا وتە ماڭىزدى بولىپ سانالاتىن تاقىرىپ - اراب الەمىندەگى سوڭعى وقيعالار اياسىنداعى حالىقارالىق جانە وڭىرلىك ساياساتقا قاتىستى وزەكتى ماسەلەلەر جونىندە كونسۋلتاتسيالار وتكىزدى.

استانا. 28 ءساۋىر. قازاقپارات - ەر-ريادتا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى قايرات وماروۆ ساۋد ارابياسى كورولدىگىنىڭ سىرتقى ىستەر جونىندەگى مەملەكەتتىك ءمينيسترى نيزار مادانيمەن كەزدەستى، دەپ حابارلادى قر ءسىم ءباسپاسوز قىزمەتى.

كەزدەسۋ بارىسىندا قر سىرتقى ىستەر ءمينيسترى ە.قازىحانوۆتىڭ 2011 جىلعى 28-30 ماۋسىمدا ‎استانادا وتەتىن يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىنىڭ 38-ءشى سەسسياسىنا قاتىسۋ ءۇشىن ساۋد ارابياسىنىڭ سىرتقى ساياسات ۆەدومستۆوسىنىڭ باسشىسى ءامىر ساۋد ءال-فەيسالعا جولداعان رەسمي شاقىرۋى تابىس ەتىلدى.

ق.وماروۆ جيىن بارىسىندا يسلام كونفەرەنتسياسى ۇيىمىنا توراعالىق لاۋازىمىن رەسمي تۇردە قابىلدايتىن قازاقستاننىڭ اتالمىش شاراعا ەرەكشە ءمان بەرىپ وتىرعانىن اتاپ ءوتتى. ساۋد تاراپىنا باستى حالىقارالىق مۇسىلمان ۇيىمىنا قازاقستاننىڭ توراعالىعى كەزەڭىندەگى قىزمەتىنىڭ باسىم باعىتتارى تانىستىرىلدى. سونىمەن قاتار، ارنايى وكىل ساۋد ديپلوماتىمەن يكۇ سىرتقى ىستەر مينيسترلەرىنىڭ استاناداعى كەزدەسۋى قارساڭىندا وتە ماڭىزدى بولىپ سانالاتىن تاقىرىپ - اراب الەمىندەگى سوڭعى وقيعالار اياسىنداعى حالىقارالىق جانە وڭىرلىك ساياساتقا قاتىستى وزەكتى ماسەلەلەر جونىندە كونسۋلتاتسيالار وتكىزدى.

ءوز كەزەگىندە مەملەكەتتىك مينيستر قازاقستاندىق ديپلوماتقا شاقىرۋ ءۇشىن العىس ايتىپ، الداعى يسلام كونفەرەنتسياسى ۇيىمىنىڭ سىرتقى ىستەر مينيسترلەرى كەڭەسىنىڭ 38-ء‎شى سەسسياسىنا كورولدىكتەن جوعارى دەڭگەيدە دەلەگاتسيا قاتىساتىندىعىنا جانە اتالمىش ۇيىمنىڭ توراعاسى مانسابىنداعى قازاقستاننىڭ بارلىق باستامالارىنا قولداۋ بىلدىرەتىندىگىنە، سونىمەن قاتار استانالىق فورۋمدى وتكىزۋ ءۇشىن ۇيىمداستىرۋشىلىق جانە تەحنيكالىق كومەك كورسەتەتىندىگىنە سەندىردى. نيزار ماداني قازاقستاننىڭ حالىقارالىق بەدەلىنىڭ، ونىڭ بىلگىر دە ساۋاتتى سىرتقى ساياساتىنىڭ، سونداي-اق ەۋروپاداعى قاۋىپسىزدىك جانە ىنتىماقتاستىق ۇيىمى سياقتى ءىرى حالىقارالىق قۇرىلىمداردى باسقارۋداعى باي تاجىريبەسىنىڭ ارقاسىندا اتالمىش ءىس-شارا تابىستى جانە جەمىستى وتەتىنىنە سەنىم ءبىلدىردى.

سونداي-اق، كەزدەسۋ بارىسىندا ەكىجاقتى ىنتىماقتاستىق ماسەلەلەرى دە كەڭىنەن تالقىلاندى. ق.وماروۆ ەلىمىزدىڭ يسلام كونفەرەنتسياسى ۇيىمىنا توراعالىعى جىلى قازاقستاننىڭ ساۋد كورولدىگىمەن قارىم-قاتىناسىن ستراتەگيالىق ارىپتەستىك دەڭگەيىنە كوتەرۋگە دەگەن تالپىنىسىن ءبىلدىردى.

ءوز تاراپىنان نيزار ماداني ساۋديانىڭ سىرتقى ساياساتىندا قازاقستاننىڭ ەرەكشە ورىن الاتىندىعىن جانە ەكى ەل اراسىنداعى ءوزارا سەنىم مەن ىنتىماقتاستىق دەڭگەيىنىڭ جوعارى ەكەندىگىن اتاپ ءوتتى. ونىڭ ايتۋىنشا، ساۋد ارابياسى قازاقستاندى ءوزىنىڭ ورتالىق ازياداعى سەنىمدى ارىپتەسى رەتىندە قاراستىرادى جانە بارلىق سالالار بويىنشا ءوزارا ىقپالداستىقتى دامىتۋعا نيەتتى.