الماتى. 14 ماۋسىم. قازتاگ – وڭتۇستىك قازاقستان وبلىسىنىڭ تۇركىستان قالاسىنداعى اۋرۋحاناعا قىرىم قاندى بەزگەگى دياگنوزىمەن جاتقىزىلعان 13 جاسار جاس ءوسپىرىمنىڭ جاعدايى وتە اۋىر، دەپ حابارلايدى تجم.

بەلگىلى بولعانداي، 8-ءشى ماۋسىمدا وقو-نىڭ تۇركىستان قالاسىنا جاقىن جەردەگى دوستىق اۋىلىنىڭ فەلشەرلىك پۋنكتىنە ، كەنە شاققان جەرگىلىكتى تۇرعىن كەلگەن. ول 3 كۇن بويىنا امبۋلاتورلىق ەمدەلۋدە بولىپتى.

دەنساۋلىعى ناشارلاعان سوڭ ول، 11 ماۋسىمدا ەسكى يكان اۋلىنىڭ اۋىلدىق ۋچاسكەلىك ەمحاناسىنا جىبەرىلگەن دە، ول جەردە الدىن الا قىرىم قاندى بەزگەگى دەگەن دياگنوز قويىلىپتى.

«13 ماۋسىمدا دياگنوز راستالدى، ناۋقاستىڭ جاعدايى وتە اۋىر»، - دەلىنەدى حاباردا.

كونگو-قىرىم قاندى بەزگەگى (كەيدە ونى ورتاازيالىق بەزگەك دەپ تە اتايدى) – ۆيرۋستىق تابيعي-وشاقتالعان كەسەل. ونىڭ قوزدىرعىشتارى كەنەنىڭ شاعۋى ارقىلى بەرىلەدى. تارالعان جەرلەرى - رەسەيدىڭ وڭتۇستىگى مەن، بولگاريا، يۋگوسلاۆيا،ورتا ازيا، پاكىستان، قىتاي، افريكانىڭ كەيبىر ەلدەرى. ەڭ العاش بۇل كەسەلدىڭ ۆيرۋسى 1945 جىلى قىرىمدا انىقتالدى. ودان كەيىن 1956 جىلى كونگودا وسىنداي كەسەل انىقتالىپ، ونىڭ دا ۆيرۋسى قىرىمداعىداي بولعان سوڭ، بۇل كەسەل سودان بەرى كونگو-قىرىس گەمورروگيالىق بەزگەك دەپ اتالادى.

الماتى. 14 ماۋسىم. قازتاگ – وڭتۇستىك قازاقستان وبلىسىنىڭ تۇركىستان قالاسىنداعى اۋرۋحاناعا قىرىم قاندى بەزگەگى دياگنوزىمەن جاتقىزىلعان 13 جاسار جاس ءوسپىرىمنىڭ جاعدايى وتە اۋىر، دەپ حابارلايدى تجم.

بەلگىلى بولعانداي، 8-ءشى ماۋسىمدا وقو-نىڭ تۇركىستان قالاسىنا جاقىن جەردەگى دوستىق اۋىلىنىڭ فەلشەرلىك پۋنكتىنە ، كەنە شاققان جەرگىلىكتى تۇرعىن كەلگەن. ول 3 كۇن بويىنا امبۋلاتورلىق ەمدەلۋدە بولىپتى.

دەنساۋلىعى ناشارلاعان سوڭ ول، 11 ماۋسىمدا ەسكى يكان اۋلىنىڭ اۋىلدىق ۋچاسكەلىك ەمحاناسىنا جىبەرىلگەن دە، ول جەردە الدىن الا قىرىم قاندى بەزگەگى دەگەن دياگنوز قويىلىپتى.

«13 ماۋسىمدا دياگنوز راستالدى، ناۋقاستىڭ جاعدايى وتە اۋىر»، - دەلىنەدى حاباردا.

كونگو-قىرىم قاندى بەزگەگى (كەيدە ونى ورتاازيالىق بەزگەك دەپ تە اتايدى) – ۆيرۋستىق تابيعي-وشاقتالعان كەسەل. ونىڭ قوزدىرعىشتارى كەنەنىڭ شاعۋى ارقىلى بەرىلەدى. تارالعان جەرلەرى - رەسەيدىڭ وڭتۇستىگى مەن، بولگاريا، يۋگوسلاۆيا،ورتا ازيا، پاكىستان، قىتاي، افريكانىڭ كەيبىر ەلدەرى. ەڭ العاش بۇل كەسەلدىڭ ۆيرۋسى 1945 جىلى قىرىمدا انىقتالدى. ودان كەيىن 1956 جىلى كونگودا وسىنداي كەسەل انىقتالىپ، ونىڭ دا ۆيرۋسى قىرىمداعىداي بولعان سوڭ، بۇل كەسەل سودان بەرى كونگو-قىرىس گەمورروگيالىق بەزگەك دەپ اتالادى.

كەسەلدىڭ ينكۋباتسيالىق مەرزىمى 14 كۇنگە دەيىن بارادى، بىراق كوبىندە 3-5 كۇن. ءوتۋى وتە تەز. ءبىرىنشى كەزەڭدە ادامنىڭ ىستىعى تسەلسيا بويىنشا 39-40 گرادۋستان اسىپ، باسى اۋرىپ، دەنەسى تۇرشىگىپ، كەيدە قالشىلداپ، بەتى مەن ادامنىڭ شىرىشتى قابىرشىقتارى قىزارادى. ادامنىڭ ءدىرمانى قۇرىپ، بۇلشىق ەتتەرى اۋرىپ، بۋىندارى قاقساپ، جۇرەگى اينىپ، قۇسادى. 2-4 كۇننەن كەيىن كەسەلدىڭ گەمورراگيالىق كەزەڭى باستالادى. ناۋقاستىڭ جاعدايى كۇرت ناشارلاپ، شىرىشتى قابىرشاقتارى مەن تەرىلەرىنىڭ كەيبىر جەرلەرى قانتالاپ، ءبورتىپ، قىزىل داقتانىپ كەتەدى. ادانمىڭ مۇرنىنان، تىستەرىنىڭ قىزىل ەتتەرىنەن، كەنە شاققان جەرلەردەڭ قان اعادى. ءىشى ءوتىپ، باۋىرى اۋرادى، سارى اۋرۋدىڭ بەلگىلەرىن بەرەدى. بۇل كەسەلدەن ادامداردىڭ ءولۋى 2-دەن 50 %-عا دەيىن بولادى.