قاراعاندى. 11 مامىر. قازاقپارات /ۆالەنتينا ەليزاروۆا/ - قاراعاندى وبلىسىنىڭ اكىمى سەرىك احمەتوۆ جول قوزعالىسى قاۋىپسىزدىگىن قامتاماسىز ەتۋ ماسەلەلەرى بويىنشا ارنايى كەڭەس وتكىزدى.

بۇل تۋرالى ايماق باسشىسىنىڭ ءباسپاسوز قىزمەتى حابارلاپ وتىر.

وبلىس اكىمى جول قوزعالىسى قاۋىپسىزدىگىن قامتاماسىز ەتۋ قۇقىقتىق، الەۋمەتتىك-ەكونوميكالىق، اكىمشىلىك جانە تەحنيكالىق جاعىنان كەشەندى ماسەلە ەكەندىگىن قاداپ ايتتى.

وسىعان وراي وبلىس باسشىلىعى جول پوليتسياسى بولىمشەلەرىن ماتەريالدىق-تەحنيكالىق جاعىنان قامتاماسىز ەتۋ بويىنشا بارلىق قاجەتتى جاعدايلاردى جاساپ كەلەدى. جىل سايىن قوماقتى قارجى ءبولىنىپ، وعان 46 اۆتوموبيل الىندى، سىرتقى باقىلاۋدىڭ 211 بەينەكامەراسى، 24 ستاتسيونارلىق جىلدامدىق ولشەگىش قۇرال ورناتىلدى، 57 ىقشام جىلدامدىق ولشەگىش الىندى، كومپيۋتەرلىك تەحنيكالار جاڭارتىلدى.

سونىمەن قاتار جولداردى جوندەۋ جۇمىستارى دا جالعاسىن تاۋىپ كەلەدى. اتاپ ايتقاندا، بيىلعى جىلى تەك قاراعاندى قالاسىنا وبلىستىق بيۋدجەتەن «اۆتوموبيل جولدارىنىڭ قىزمەتىن قامتاماسىز ەتۋ» باعدارلاماسىن جۇزەگە اسىرۋعا 1,4 ملرد. تەڭگە ءبولىندى. ونىڭ ىشىندە اۆتوموبيل جولدارىن ورتاشا جوندەۋگە - 940 ملن. تەڭگە، «الماتى-استانا» اينالما اۆتوموبيل جولىنا - 219 ملن. تەڭگە، اۆتوموبيل جولدارىن كۇردەلى جوندەۋگە جانە جاڭادان سالۋعا - 250 ملن. تەڭگە ءبولىندى.

قاراعاندى. 11 مامىر. قازاقپارات /ۆالەنتينا ەليزاروۆا/ - قاراعاندى وبلىسىنىڭ اكىمى سەرىك احمەتوۆ جول قوزعالىسى قاۋىپسىزدىگىن قامتاماسىز ەتۋ ماسەلەلەرى بويىنشا ارنايى كەڭەس وتكىزدى.

بۇل تۋرالى ايماق باسشىسىنىڭ ءباسپاسوز قىزمەتى حابارلاپ وتىر.

وبلىس اكىمى جول قوزعالىسى قاۋىپسىزدىگىن قامتاماسىز ەتۋ قۇقىقتىق، الەۋمەتتىك-ەكونوميكالىق، اكىمشىلىك جانە تەحنيكالىق جاعىنان كەشەندى ماسەلە ەكەندىگىن قاداپ ايتتى.

وسىعان وراي وبلىس باسشىلىعى جول پوليتسياسى بولىمشەلەرىن ماتەريالدىق-تەحنيكالىق جاعىنان قامتاماسىز ەتۋ بويىنشا بارلىق قاجەتتى جاعدايلاردى جاساپ كەلەدى. جىل سايىن قوماقتى قارجى ءبولىنىپ، وعان 46 اۆتوموبيل الىندى، سىرتقى باقىلاۋدىڭ 211 بەينەكامەراسى، 24 ستاتسيونارلىق جىلدامدىق ولشەگىش قۇرال ورناتىلدى، 57 ىقشام جىلدامدىق ولشەگىش الىندى، كومپيۋتەرلىك تەحنيكالار جاڭارتىلدى.

سونىمەن قاتار جولداردى جوندەۋ جۇمىستارى دا جالعاسىن تاۋىپ كەلەدى. اتاپ ايتقاندا، بيىلعى جىلى تەك قاراعاندى قالاسىنا وبلىستىق بيۋدجەتەن «اۆتوموبيل جولدارىنىڭ قىزمەتىن قامتاماسىز ەتۋ» باعدارلاماسىن جۇزەگە اسىرۋعا 1,4 ملرد. تەڭگە ءبولىندى. ونىڭ ىشىندە اۆتوموبيل جولدارىن ورتاشا جوندەۋگە - 940 ملن. تەڭگە، «الماتى-استانا» اينالما اۆتوموبيل جولىنا - 219 ملن. تەڭگە، اۆتوموبيل جولدارىن كۇردەلى جوندەۋگە جانە جاڭادان سالۋعا - 250 ملن. تەڭگە ءبولىندى.

دەي تۇرعانمەن، ايماق باسشىسى اتاپ وتكەندەي، جول قوزعالىسى قاۋىپسىزدىگىن قامتاماسىز ەتۋ ءالى دە بولسا ءوز دەڭگەيىندە بولماي وتىر. جۇرگىزۋشىلەردىڭ ءتارتىبى بوساڭسىپ كەتكەن، تۇرعىندار اراسىندا جولدا ءجۇرۋ ەرەجەلەرىن ساقتاۋ بويىنشا تۇسىندىرمە جۇمىستارى جانە ءىرى اۆتوبۋس پاركتەرىندە، جەكە تاسىمالداۋشىلار اراسىندا جول اپاتىنا جول بەرمەۋ بويىنشا پروفيلاكتيكالىق جۇمىستارى كەمشىن سوعىپ جاتىر.

تەك قاراعاندىنىڭ وزىندە ءبىرىنشى توقساندا 70 جول-كولىك وقيعاسى تىركەلگەن، ولاردا 9 ادام قازا تاۋىپ، 81 جاراقات العان.

وسىعان بايلانىستى كەڭەستە قاراعاندى وبلىستىق باسقارماسى جانە قالالىق جول پوليتسياسى ءبولىمى باسشىلارىنىڭ، قاراعاندى قالاسى اكىمىنىڭ ەسەپتەرى تىڭدالدى.

وبلىس اكىمى اتالعان باسشىلاردان جولداعى ءتارتىپتى كۇشەيتۋ ءۇشىن قاتاڭ شارالار قولدانۋدى تالاپ ەتتى. ول سونداي-اق وبلىستىق ىشكى ىستەر دەپارتامەنتى باسشىلارىنىڭ نازارىن قاراعاندى جول پوليتسياسى ءبولىمىنىڭ جەكە قۇرامىمەن جۇمىستى كۇشەيتۋ كەرەكتىگىنە اۋداردى. «جول پوليتسياسى حالىقتىڭ ويىنشا بيلىك دەگەن ۇعىممەن استاسىپ جاتادى. سوندىقتان دا ولاردىڭ ءىس-ارەكەتى جاڭا تالاپتارعا ساي بولۋى ءتيىس»، - دەپ اتاپ ايتتى وبلىس اكىمى.