استانا. 12 مامىر. قازاقپارات  - قازاق اقپارات اگەنتتىگى رەسپۋبليكالىق باسىلىمداردا 12 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

مۇناي مول سانالاتىن قازاقستاندا جانارماي باعاسىنا قاتىستى ماسەلە دە مول. بيلىك سوڭعى جىلدارى جانارماي باعاسىنىڭ قۇبىلۋىمەن كۇرەسىپ الەك.  ايتسە دە تۇپكىلىكتى شەشىمنىڭ تيىمسىزدىگىنەن باعا قۇبىلىسى جاعاعا جارماسۋدان تىيىلعان ەمەس. بۇعان دەيىنگى اڭگىمەنىڭ بارلىعىندا دا باعا تۇراقسىزدىعىنا قاتىستى سەبەپ سىرتقى نارىقپەن بايلانىستىرىلىپ، وپ-وڭاي ءتۇسىندىرىلىپ كەلدى. بۇدان كەيىنگى دە سەبەپ سولاي جالعاسا بەرەتىن ءتارىزدى. ەندەشە، كەشەگى مۇناي جانە گاز ءمينيسترى ساۋات مىڭباەۆتىڭ ماجىلىسكە ماقۇلداتقان مۇناي ونىمدەرىنىڭ اينالىمىن رەتتەۋگە باعاتتىلاعان زاڭ جوباسىنان نە كۇتەمىز؟ بۇل جايىندا «الاش ايناسى» گازەتىنىڭ بەيسەنبىلىك سانىندا جارىق كورگەن «رەسەي نارىعىنا جۇگىنبەي، جانارماي باعاسىن رەتتەۋ مۇمكىن ەمەس» دەگەن ماقالادان ەگجەي-تەگجەيلى بىلە الاسىزدار.

استانا. 12 مامىر. قازاقپارات  - قازاق اقپارات اگەنتتىگى رەسپۋبليكالىق باسىلىمداردا 12 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

مۇناي مول سانالاتىن قازاقستاندا جانارماي باعاسىنا قاتىستى ماسەلە دە مول. بيلىك سوڭعى جىلدارى جانارماي باعاسىنىڭ قۇبىلۋىمەن كۇرەسىپ الەك.  ايتسە دە تۇپكىلىكتى شەشىمنىڭ تيىمسىزدىگىنەن باعا قۇبىلىسى جاعاعا جارماسۋدان تىيىلعان ەمەس. بۇعان دەيىنگى اڭگىمەنىڭ بارلىعىندا دا باعا تۇراقسىزدىعىنا قاتىستى سەبەپ سىرتقى نارىقپەن بايلانىستىرىلىپ، وپ-وڭاي ءتۇسىندىرىلىپ كەلدى. بۇدان كەيىنگى دە سەبەپ سولاي جالعاسا بەرەتىن ءتارىزدى. ەندەشە، كەشەگى مۇناي جانە گاز ءمينيسترى ساۋات مىڭباەۆتىڭ ماجىلىسكە ماقۇلداتقان مۇناي ونىمدەرىنىڭ اينالىمىن رەتتەۋگە باعاتتىلاعان زاڭ جوباسىنان نە كۇتەمىز؟ بۇل جايىندا «الاش ايناسى» گازەتىنىڭ بەيسەنبىلىك سانىندا جارىق كورگەن «رەسەي نارىعىنا جۇگىنبەي، جانارماي باعاسىن رەتتەۋ مۇمكىن ەمەس» دەگەن ماقالادان ەگجەي-تەگجەيلى بىلە الاسىزدار.

وسى باسىلمنىڭ تۇراقتى «دات!» ايدارىندا ەكونوميكا عىلىمىنىڭ دوكتورى، پروفەسسور، قر ديپلوماتياسىنا ەڭبەگى سىڭگەن قايراتكەر سايلاۋ باتىرشاۇلىمەن اراداعى سۇحبات «ءبىز مۇسىلمان ەلدەرىمەن بولاتىن بايلانىسقا مۇقيات قاراۋعا ءتيىسپىز» دەگەن تاقىرىپپەن بەرىلدى. باسىلىمنىڭ بارلىق ساۋالدارىنا تۇششىمدى جاۋاپ بەرگەن ول: «ەرتەڭ ءبىر جاعداي بولا قالسا، ەڭ الدىمەن كومەكتەسەتىن قارجىلاي، ءتىپتى ادام كۇشى ارقىلى كومەك بەرەتىن باۋىرلاس مۇسىلمان ەلدەرى بولادى. سوندىقتان يسلام كونفەرەنتسياسى ۇيىمى ارقىلى ولارمەن بايلانىستى بارىنشا نىعايتا تۇسكەن ءلازىم. توراعالىقتىڭ ءساتتى ءوتۋى دە سوعان بايلانىستى»، - دەيدى. سۇحباتتىڭ تولىق نۇسقاسى بۇگىنگى نومىردە.

***

«نۇر وتان» پارتياسىنىڭ ورتالىق اپپاراتىندا «ەكونوميكالىق قىلمىستار ءۇشىن قىلمىستىق جاۋاپكەرشىلىكتى ودان ءارى ىزگىلەندىرۋ» تاقىرىبىندا دوڭگەلەك ۇستەل ءوتتى. وسىعان وراي «ايقىن» گازەتىنىڭ بۇگىنگى سانىندا «جازا باسقانداردى جازالاي بەرگەن دۇرىس ەمەس» دەگەن تاقىرىپپەن ماقالا جاريالاندى. باسىلىمنىڭ اتاپ وتۋىنشە، اكىمشىلىك قۇقىق بۇزۋشىلىق تۋرالى كودەكسكە اكىمشىلىك جازالاردىڭ جوعارعى شەگى ارتتىرىلىپ، جەكە تۇلعالارعا 500 اەك-كە دەيىن، ال جەكە كاسىپكەرلەرگە، لاۋازىمدى جانە زاڭدى تۇلعالارعا 1000 اەك-كە دەيىن سالىق سالىنباق.

***

«ايقىن» گازەتىنىڭ جازۋىنشا، «شاكەن جۇلدىزدارى-2011» الماتى حالىقارالىق كينوفەستيۆالى كەشە كەشكىسىن بالۋان شولاق اتىنداعى سپورت سارايىندا سالتاناتتى تۇردە اشىلىپ، بەسكۇندىك جۇمىسىن باستادى. بيىل 9-شى مارتە ۇيىمداستىرىلىپ وتىرعان  مادەني شاراعا الەمنىڭ 38 مەملەكەتىنەن جاس كينەماتوگرافيستەر جينالعان. ولاردان كەلىپ تۇسكەن جۇمىستار سانى  - 600.  ىرىكتەۋ كوميسسياسىنىڭ شەشىمىمەن 55 تۋىندى كونكۋرسقا جىبەرىلگەن. تاڭداۋلى جۇمىستار «دەبيۋتتەر»، «جاستار كينوسى»، «ستۋدەنتتىك كينو»، «انيماتسيا» سەكتسيالارى بويىنشا ساراپقا سالىنادى.

***

«ءسۇيىنشى، ءسۇيىنشى، ءسۇيىنشى! وسى ءسوزدى قازىر مىڭ رەت ايتساق تا جاراساتىن سەكىلدى. سەبەبى، 30 ءساۋىر مەن 8 مامىر ارالىعىندا پولشادا وقۋشىلار اراسىندا وتكەن الەم چەمپيوناتىندا قازاقتىڭ شاحماتشى قىزدارى الاش ەلىن الەمگە پاش ەتتى. بۇعان دەيىن جاستار شاحماتىن ءسوز ەتكەندە الەم چەمپيوندارى جانسايا ابدىمالىك پەن دينارا سادۋاقاسوۆا سىندى قازاقتىڭ قىزدارى بىردەن ەسكە تۇسەتىن ەدى. ەندى بۇلاردىڭ قاتارىنا تاعى ەكى چەمپيوندى قوسۋعا بولادى»، - دەپ جازادى «نۇر استانا» گازەتى. الەمدىك دودادا توپ جارعان قاراكوز قارىنداستارىمىزدىڭ ەسىمدەرىن بىلگىڭىز كەلسە، باسىلىمنىڭ تۇگىنگى نومىرىدەگى «قازاق قىزدارى كراكوۆتە «مات» قويدى» دەگەن ماقالاعا نازار اۋدارىڭىز.

***

«استانادا «قازاقستان مەكتەپتەرىندە ماتەماتيكالىق ءبىلىم بەرۋ ءىسىن دامىتۋ: قازىرگى جاي-كۇيى مەن دامۋ بولاشاعى» تاقىرىبىندا قازاقستاننىڭ ماتەماتيكا ءپانىنىڭ مۇعالىمدەرىنىڭ ءى-سەزى بولدى»، دەپ جازادى «كازاحستانسكايا پراۆدا» گازەتى. باسىلىمنىڭ اتاپ وتۋىنشە، سەزد جۇمىسىنا اشقان قر پرەمەر-ءمينيسترىنىڭ ورىنباسارى ەربول ورىنباەۆ قاتىسۋشىلارعا ەلباسى نۇرسۇلتان نازارباەۆتىڭ قۇتتىقتاۋىن وقىپ بەرگەن. مەملەكەت باسشىسىنىڭ قۇتتىقتاۋىندا: «مەن ەلىمىزدە ساپالى ءبىلىم بەرۋ ىسىندەگى ۇستاز ءرولىنىڭ ماڭىزدىلىعىن ءتۇسىنۋ قالىپتاسقانىن قاناعات سەزىممەن اتاپ وتكىم كەلەدى»، - دەلىنگەن.