نيۋ-دەليدە ۇندىستانداعى قازاقستان مادەنيەتىنىڭ كۇندەرى جالعاسۋدا، دەپ حابارلادى قر مادەنيەت ءمينيسترىنىڭ ءباسپاسوز قىزمەتىنەن.

شارانىڭ رەسمي اشىلۋ سالتاناتى 11 مامىردا قر مادەنيەت ءمينيسترى مۇحتار قۇل-مۇحامەدتىڭ قاتىسۋىمەن ءوتتى. مەرەكەلى جيىنعا قاتىسۋشىلاردى مينيستر قازاقستاننىڭ يندياداعى مادەني كۇندەرىنىڭ تابىستى باستالۋىمەن قۇتتىقتاپ، ءالى كۇنگە دەيىن ءبىزدىڭ حالقىمىزدىڭ اراسىندا ءۇندى كينوسى مەن ونىڭ جارقىن جۇلدىزدارىن اسا قۇرمەت تۇتاتىن كورەرمەن جەتەرلىك. سول سەبەپتەن ءبىز سىزدەرگە وسى جولى قازاق مۋزىكا ونەرىنىڭ كەشەگىسى مەن بۇگىنگىسىن تانىتاتىن سونداي سىرلى سازدى شىعارمالاردىڭ ءبىر توپتاماسىن اكەلىپ، نازارلارىڭىزعا ۇسىنعالى وتىرمىز، - دەپ اتاپ ءوتتى.

رەسمي شارالار مامىردىڭ 11-ءى مەن 13-ءى ارالىعىندا وتەدى.

مادەنيەت كۇندەرى شەڭبەرىندە ءۇندىستان حالقىنىڭ نازارىنا قازاقستاننىڭ ۇزدىك مۋزەيلەرىنىڭ بىرەگەي ەكسپوناتتارى، جەتەكشى وركەسترلەر مەن تانىمال انشىلەردىڭ قويىلىمدارى ۇسىنىلاتىن بولادى.

نيۋ-دەليدە ۇندىستانداعى قازاقستان مادەنيەتىنىڭ كۇندەرى جالعاسۋدا، دەپ حابارلادى قر مادەنيەت ءمينيسترىنىڭ ءباسپاسوز قىزمەتىنەن.

شارانىڭ رەسمي اشىلۋ سالتاناتى 11 مامىردا قر مادەنيەت ءمينيسترى مۇحتار قۇل-مۇحامەدتىڭ قاتىسۋىمەن ءوتتى. مەرەكەلى جيىنعا قاتىسۋشىلاردى مينيستر قازاقستاننىڭ يندياداعى مادەني كۇندەرىنىڭ تابىستى باستالۋىمەن قۇتتىقتاپ، ءالى كۇنگە دەيىن ءبىزدىڭ حالقىمىزدىڭ اراسىندا ءۇندى كينوسى مەن ونىڭ جارقىن جۇلدىزدارىن اسا قۇرمەت تۇتاتىن كورەرمەن جەتەرلىك. سول سەبەپتەن ءبىز سىزدەرگە وسى جولى قازاق مۋزىكا ونەرىنىڭ كەشەگىسى مەن بۇگىنگىسىن تانىتاتىن سونداي سىرلى سازدى شىعارمالاردىڭ ءبىر توپتاماسىن اكەلىپ، نازارلارىڭىزعا ۇسىنعالى وتىرمىز، - دەپ اتاپ ءوتتى.

رەسمي شارالار مامىردىڭ 11-ءى مەن 13-ءى ارالىعىندا وتەدى.

مادەنيەت كۇندەرى شەڭبەرىندە ءۇندىستان حالقىنىڭ نازارىنا قازاقستاننىڭ ۇزدىك مۋزەيلەرىنىڭ بىرەگەي ەكسپوناتتارى، جەتەكشى وركەسترلەر مەن تانىمال انشىلەردىڭ قويىلىمدارى ۇسىنىلاتىن بولادى.

كەشە، 11 مامىر كۇنى «Taj Palace» قوناق ۇيىندە قازاقستان رەسپۋبليكاسى التىن جانە باعالى مەتالداردىڭ مەملەكەتتىك مۇراجايى جانە «قۇلانشى» قازىرگى زامانعى مادەنيەت ورتالىعىنىڭ كورمەلەرى اشىلدى. ونىڭ شەڭبەرىندە قازاق دالاسىنىڭ ساق داۋىرلەرىنەن باستالاتىن تىنىس-تىرشىلىگىنەن حابار بەرەتىن ەكسپوناتتار جەتكىزىلگەن. بۇلاردىڭ اراسىندا شىلىكتى قورعانىنان تابىلعان «التىن ادام» ءمۇسىنى مەن ونىڭ پايدالانعان بۇيىمدارىنىڭ كوشىرمەلەرى، شىلىكتى وباسىنان الىنعان ارحەولوگيالىق زاتتار، جالاۋلى، قارعالى كومبەلەرىنەن تابىلعان بۇيىمدار،  سونداي-اق XIX-XX عاسىرلارداعى قازاق زەرگەرلەرىنىڭ قىمبات مەتالدار مەن تاستاردان جاساعان اشەكەيلى-قولدانبالى كورنەكتى ونەر تۋىندىلارى بار. وسىلاردىڭ ءبارى قازاقستان جەرىنىڭ كونە زامانداردان بەرگى تاريحىنان حابار بەرەدى.

سونىمەن قاتار كەشە كلاسسيكالىق مۋزىكانى ءسۇيىپ تىڭدايتىن دەلي تۇرعىندارى «قازاقستان كامەراتاسى» مەملەكەتتىك ءانسامبىلىنىڭ كونتسەرتىن تاماشالاي الدى.

ال بۇگىن كەشكە تىلەك بىلدىرۋشىلەر «Siri Fort Auditorium» كونتسەرت زالىندا قازاقستان ونەرى شەبەرلەرىنىڭ قاتىسۋىنداعى گالا-كونتسەرتتى تاماشالاي الادى. ەركىن شۇكمانوۆ، ءدىلبار بۇرحانوۆا، گۋلزيرا بوكەيحان، اقمارال قاينازاروۆا، مەدەت چوتاباەۆ، گۇلفايرۋز قۇرمانعوجاەۆا، جاندوس اۋباكىروۆ، كۇمىس بازارباەۆا، گاۋحار مىرزابەكوۆا، مادينا باسپاەۆا، تاير گاتاۋوۆ، ازامات جىلتىرگوزوۆ، نۇرجامال ۇسەنباەۆا سىندى ورىنداۋشىلار ءۇندىستان استاناسىنىڭ تۇرعىندارىنا ءوز ونەرىن ۇسىناتىن بولادى.

ال ەرتەڭ، 13 مامىردا «Manekshaw Centre»-دە ن.تىلەنديەۆ اتىنداعى «وتىرار سازى» مەملەكەتتىك اكادەميالىق فولكلورلىق-ەتنوگرافيالىق وركەستردىڭ كونتسەرتىمەن قازاقستاننىڭ ۇندىستانداعى مادەنيە كۇندەرى رەسمي اياقتالادى.