ورال. 18 مامىر. قازاقپارات /ەلجان ەرالى/ - 17 مامىر كۇنى كەشكىسىن باتىس قازاقستان وبلىستىق قازاق دراما تەاترىندا تاتار حالقىنىڭ ۇلى اقىنى عابدوللا توقايدىڭ 125 جىلدىعىنا ارنالعان «اقىن جىرى - ازاتتىق» اتتى مەرەكەلىك شارا وتكىزىلدى.

وندا وبلىس اكىمىنىڭ ورىنباسارى سەرىك سۇلەيمەن ورال قالاسى ورتالىعىنداعى كوشەلەردىڭ بىرىنە عابدوللا توقايدىڭ ەسىمى بەرىلىپ، ءمۇسىنى ورناتىلعانىن، مۇراجايى جۇمىس جاسايتىنىن، الداعى ۋاقىتتا دا وسىنداي قۇرمەتتىڭ جالعاساتىنىن اتاپ اتاپ ءوتتى. تاتارستاننىڭ قازاقستانداعى وكىلەتتى وكىلىنىڭ ورىنباسارى، قر تاتار-باشقۇرت ەتنومادەني بىرلەستىگىنىڭ ۆيتسە-پرەزيدەنتى رافايل ابلاكوۆ ورالعا توعىز جاسىندا كەلىپ، قازانعا اقىن بولىپ اتتانعان عابدوللا توقايدىڭ ورنى تاتار حالقى ءۇشىن ايرىقشا ەكەندىگىن ايتتى. كەشكە سونداي-اق ع.توقايدىڭ تۋىسى سوفيا  زابيروۆا، قازاننان قالامگەر ءشامىل فاتكۋللين قاتىستى.

ورال. 18 مامىر. قازاقپارات /ەلجان ەرالى/ - 17 مامىر كۇنى كەشكىسىن باتىس قازاقستان وبلىستىق قازاق دراما تەاترىندا تاتار حالقىنىڭ ۇلى اقىنى عابدوللا توقايدىڭ 125 جىلدىعىنا ارنالعان «اقىن جىرى - ازاتتىق» اتتى مەرەكەلىك شارا وتكىزىلدى.

وندا وبلىس اكىمىنىڭ ورىنباسارى سەرىك سۇلەيمەن ورال قالاسى ورتالىعىنداعى كوشەلەردىڭ بىرىنە عابدوللا توقايدىڭ ەسىمى بەرىلىپ، ءمۇسىنى ورناتىلعانىن، مۇراجايى جۇمىس جاسايتىنىن، الداعى ۋاقىتتا دا وسىنداي قۇرمەتتىڭ جالعاساتىنىن اتاپ اتاپ ءوتتى. تاتارستاننىڭ قازاقستانداعى وكىلەتتى وكىلىنىڭ ورىنباسارى، قر تاتار-باشقۇرت ەتنومادەني بىرلەستىگىنىڭ ۆيتسە-پرەزيدەنتى رافايل ابلاكوۆ ورالعا توعىز جاسىندا كەلىپ، قازانعا اقىن بولىپ اتتانعان عابدوللا توقايدىڭ ورنى تاتار حالقى ءۇشىن ايرىقشا ەكەندىگىن ايتتى. كەشكە سونداي-اق ع.توقايدىڭ تۋىسى سوفيا  زابيروۆا، قازاننان قالامگەر ءشامىل فاتكۋللين قاتىستى.

ع.قۇرمانعاليەۆ اتىنداعى وبلىستىق فيلارمونيا داۋلەتكەرەي اتىنداعى قازاق ۇلت اسپاپتار وركەسترى، «ورال سازى» فولكلورلىق ءانسامبلىنىڭ قاتىسۋىمەن وتكەن كونتسەرتتە قازاقستاننىڭ ەڭبەك سىڭىرگەن ارتىستەرى قاناتقالي قوجاقوۆ، جۇماعانىم راحيموۆا باستاعان ونەرپازدار قاتارىندا وبلىستىق تاتار ەتنومادەني قوعامىنىڭ مۇشەلەرى، تاتارستاننىڭ ەڭبەك سىڭىرگەن مادەنيەت قىزمەتكەرى ەلميرا اميروۆا تاتار تىلىندە ءان سالسا، ءناديا تۋحۆاتۋللينا عابدوللا توقايدىڭ ولەڭىن مانەرلەپ وقىپ بەردى. ءان مەن بي، كۇي مەن ولەڭ  كەزەك وربىگەن كەشتە اقىننىڭ باسقا دا جىرلارى اسقاقتادى.