استانا. 18 مامىردىڭ. قازاقپارات /ارمان اسقاروۆ/- ازيانىڭ دامۋ بانكى قازاقستان مەن ورتالىق ازيانىڭ جەكە مەنشىك سەكتورى ۇسىنعان ەكولوگيالىق جوبالاردى قولداۋعا دايار.

بۇگىن استانادا باستالعان قر پرەزيدەنتى جانىنداعى شەتەلدىك ينۆەستورلار كەڭەسىنىڭ 24-ءشى جالپى وتىرىسىندا  ازيا دامۋ بانكىنىڭ ۆيتسە-پرەزيدەنتى لاكشمي ۆەنكاتاچالام وسىلاي ايتتى.

ونىڭ پايىمداۋىنشا، داعدارىسقا دەيىنگى تۇراقتى دامۋ جولىنا تۇسكەن قازاقستانعا الداعى ۋاقىتتا ەنەرگيا تاپشىلىعى ماسەلەسىن شەشۋگە تۋرا كەلەدى. سوندىقتان ەلەكتر قۋات كوزدەرىنە دەگەن جوعارى سۇرانىستى تەك جاڭا تەحنولوگيالاردى ەنگىزۋ ارقىلى عانا قامتاماسىز ەتۋگە بولادى. «بۇگىندە قازاقستاننىڭ ونسىز دا جۇكتەمەسى جوعارى ەنەرگەتيكا سالاسى كومىرمەن جۇمىس ىستەيتىن ستانسالارعا تاۋەلدى بولىپ كەلەدى. سوناۋ كەڭەس زامانىندا سالىنعان بۇل ءوندىرىس وشاقتارى ۇلكەن قالالاردىڭ ماڭايىندا ورنالاسقاندىقتان،ۋلى حيميالىق زاتتار ەكولوگياعا تاراپ، حالىقتىڭ دەنساۋلىعىنا كەرى اسەرىن تيگىزۋدە. سوندىقتان وسى كاسىپورىنداردى شۇعىل جاڭارتۋ قاجەت. ولاردىڭ جۇمىسىنا «تازا كومىر» تەحنولوگياسىن كەڭىنەن ەنگىزگەن ءجون. نەگىزى، كەلەشەكتە وسى سالادا تابيعي گاز بەن بالامالى ەنەرگيا كوزدەرى ءبىرىنشى ورىنعا شىعۋى ءتيىس»،-دەدى  ل.ۆەنكاتاچالام.

استانا. 18 مامىردىڭ. قازاقپارات /ارمان اسقاروۆ/- ازيانىڭ دامۋ بانكى قازاقستان مەن ورتالىق ازيانىڭ جەكە مەنشىك سەكتورى ۇسىنعان ەكولوگيالىق جوبالاردى قولداۋعا دايار.

بۇگىن استانادا باستالعان قر پرەزيدەنتى جانىنداعى شەتەلدىك ينۆەستورلار كەڭەسىنىڭ 24-ءشى جالپى وتىرىسىندا  ازيا دامۋ بانكىنىڭ ۆيتسە-پرەزيدەنتى لاكشمي ۆەنكاتاچالام وسىلاي ايتتى.

ونىڭ پايىمداۋىنشا، داعدارىسقا دەيىنگى تۇراقتى دامۋ جولىنا تۇسكەن قازاقستانعا الداعى ۋاقىتتا ەنەرگيا تاپشىلىعى ماسەلەسىن شەشۋگە تۋرا كەلەدى. سوندىقتان ەلەكتر قۋات كوزدەرىنە دەگەن جوعارى سۇرانىستى تەك جاڭا تەحنولوگيالاردى ەنگىزۋ ارقىلى عانا قامتاماسىز ەتۋگە بولادى. «بۇگىندە قازاقستاننىڭ ونسىز دا جۇكتەمەسى جوعارى ەنەرگەتيكا سالاسى كومىرمەن جۇمىس ىستەيتىن ستانسالارعا تاۋەلدى بولىپ كەلەدى. سوناۋ كەڭەس زامانىندا سالىنعان بۇل ءوندىرىس وشاقتارى ۇلكەن قالالاردىڭ ماڭايىندا ورنالاسقاندىقتان،ۋلى حيميالىق زاتتار ەكولوگياعا تاراپ، حالىقتىڭ دەنساۋلىعىنا كەرى اسەرىن تيگىزۋدە. سوندىقتان وسى كاسىپورىنداردى شۇعىل جاڭارتۋ قاجەت. ولاردىڭ جۇمىسىنا «تازا كومىر» تەحنولوگياسىن كەڭىنەن ەنگىزگەن ءجون. نەگىزى، كەلەشەكتە وسى سالادا تابيعي گاز بەن بالامالى ەنەرگيا كوزدەرى ءبىرىنشى ورىنعا شىعۋى ءتيىس»،-دەدى  ل.ۆەنكاتاچالام.

سونداي-اق ءوز سوزىندە ل.ۆەنكاتاچالام سۋدى تازارتۋ تەحنولوگيالاردىڭ ۇدەمەلى دامۋىن ەرەكشە اتاپ ءوتتى. ونىڭ ايتۋىنشا، قازىرگى كەزدە ازيادا وسى سالاداعى بەدەلدى ينۆەستورلار توبى قالىپتاستى. بۇعان دەيىن بۇل سالادا ەۋروپالىق كومپانيالار كوش باستاپ كەلگەن. «سونداي-اق بۇگىنگى تاڭدا الەمدە جۇك تاسىمالداۋ تەحنولوگيالارىنا ەرەكشە ءمان بەرىلۋدە. قازاقستاننىڭ گەوگرافيالىق جاعدايىن جانە وسى ەلدەگى حالىقارالىق ساۋدا-ساۋتتىقتىڭ كولەمىن ەسكەرەتىن بولساق، بۇل مەملەكەتتە جۇك تاسىمالداۋ سالاسىنداعى جاڭا تەحنولوگيالاردى كەڭىنەن ەنگىزۋگە ابدەن بولادى. قازاقستان وسى جولدا ۇلكەن تابىستارعا جەتە الادى. جالپى، ازيا ايماعىندا جوعارى تەحنولوگيالىق جوبالاردى قولداۋ - ازيا دامۋ بانكى قىزمەتىنىڭ نەگىزگى باعىتى. جاقىندا ءبىز كۇن ەنەرگياسى سالاسىنداعى جوبالاردى نەسيەلەندىرۋدىڭ جاڭا ەرەجەلەرىن بەكىتتىك. ءبىز جەكەمەنشىك سەكتور تاراپىنان ۇسىنىلاتىن وسى سياقتى باستامالارعا قولداۋ بىلدىرۋگە دايارمىز»،-دەپ اتاپ كورسەتتى ل.ۆەنكاتاچالام.