قازاقستان رەسپۋبليكاسىنىڭ پرەزيدەنتى ن. نازارباەۆپەن كەلىسىلگەن تۇردە، قر ۇكىمەتىنىڭ قاۋلىسىمەن دارحان امانۇلى كالەتاەۆ قر پرەمەر-ءمينيسترى كەڭسەسىنىڭ باسشىسى قىزمەتىنە تاعايىندالدى، دەپ حابارلايدى اباي-اقپارات Primeminister.kz-گە سىلتەمە جاساپ.

د. كالەتاەۆ 1972 جىلى شىعىس قازاقستان وبلىسىندا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن، مەملەكەتتىك باسقارۋ ۇلتتىق جوعارى مەكتەبىن تامامداعان.

ەڭبەك جولىن 1995 جىلى باستاعان. قر پرەزيدەنتى اكىمشىلىگىنىڭ، ءبىلىم جانە مادەنيەت، اقپارات جانە قوعامدىق كەلىسىم مينيسترلىكتەرىنىڭ قۇرىلىمىندا جۇمىس ىستەگەن. 2007–2008 جىلدارى — پرەزيدەنت اكىمشىلىگى باسشىسىنىڭ ورىنباسارى، 2008–2009 جىلدارى — «نۇر وتان» حدپ توراعاسىنىڭ ءبىرىنشى ورىنباسارى، 2009–2016 جىلدارى — «سامۇرىق-قازىنا» ۇلتتىق ءال-اۋقات قورى» اق باسقارۋشى ديرەكتورى قىزمەتتەرىن اتقارعان.

2016 جىلدىڭ قازان ايىندا قر پرەزيدەنتىنىڭ جارلىعىمەن قر پارلامەنتى سەناتىنىڭ دەپۋتاتى بولىپ تاعايىندالدى. 2017 جىلدىڭ قىركۇيەگىنەن باستاپ — قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى. 2018 جىلعى ساۋىردەن باستاپ قر قوعامدىق دامۋ ءمينيسترى قىزمەتىن اتقارعان.

Abai.kz