22 مامىردا استانا قالاسىنداعى  № 28 ورتا مەكتەبىنىڭ سپورت الاڭىندا قازاقستان رەسپۋبليكاسى تاۋەلسىزدىگىنىڭ 20-جىلدىعىنا وراي «قازمۇنايگاز» كۋبوگى ءۇشىن وتكىزىلگەن شاعىن فۋتبولدان قالالىق بالالار-جاسوسپىرىمدەر ءتۋرنيرى جەڭىمپازدارىن ماراپاتتاۋدىڭ سالتاناتتى ءراسىمى بولىپ ءوتتى..

شارانى «قازمۇنايگاز» ۇك اق، قازاقستان فۋتبول فەدەراتسياسى، استانا قالاسى ءبىلىم باسقارماسى جانە «شىعىس» بالالار جاسوسپىرىمدەر ورتالىعى ۇيىمداستىردى.

تۋرنير قازاقستاندا بۇقارالىق بالالار سپورتىن دامىتۋ جانە بالالار مەن جاسوسپىرىمدەر فۋتبولىن كوپشىلىككە دارىپتەۋ اياسىندا وتكىزىلۋدە. شاراعا 2000-2001 جىلدارى تۋعان استانا قالاسى جالپى ءبىلىم بەرۋ مەكتەپتەرىنىڭ 80 وقۋشىسى قاتىستى.

وتكىزىلگەن ويىنداردىڭ ناتيجەسى بويىنشا ءبىرىنشى ورىندى  №59 ورتا مەكتەپتىڭ كومانداسى، №54 ورتا مەكتەپتىڭ كومانداسى ەكىنشى ورىندى، ءۇشىنشى ورىندى  №48 ورتا مەكتەپتىڭ كومانداسى يەلەندى.

جەڭىمپازداردى «قازمۇنايگاز» ۇك اق باسقارماسىنىڭ توراعاسى قايىرگەلدى قابىلدين، قازاقستان فۋتبول فەدەراتسياسىنىڭ ۆيتسە-پرەزيدەنتى سەيىلدا بايشاقوۆ قۇتتىقتادى.

22 مامىردا استانا قالاسىنداعى  № 28 ورتا مەكتەبىنىڭ سپورت الاڭىندا قازاقستان رەسپۋبليكاسى تاۋەلسىزدىگىنىڭ 20-جىلدىعىنا وراي «قازمۇنايگاز» كۋبوگى ءۇشىن وتكىزىلگەن شاعىن فۋتبولدان قالالىق بالالار-جاسوسپىرىمدەر ءتۋرنيرى جەڭىمپازدارىن ماراپاتتاۋدىڭ سالتاناتتى ءراسىمى بولىپ ءوتتى..

شارانى «قازمۇنايگاز» ۇك اق، قازاقستان فۋتبول فەدەراتسياسى، استانا قالاسى ءبىلىم باسقارماسى جانە «شىعىس» بالالار جاسوسپىرىمدەر ورتالىعى ۇيىمداستىردى.

تۋرنير قازاقستاندا بۇقارالىق بالالار سپورتىن دامىتۋ جانە بالالار مەن جاسوسپىرىمدەر فۋتبولىن كوپشىلىككە دارىپتەۋ اياسىندا وتكىزىلۋدە. شاراعا 2000-2001 جىلدارى تۋعان استانا قالاسى جالپى ءبىلىم بەرۋ مەكتەپتەرىنىڭ 80 وقۋشىسى قاتىستى.

وتكىزىلگەن ويىنداردىڭ ناتيجەسى بويىنشا ءبىرىنشى ورىندى  №59 ورتا مەكتەپتىڭ كومانداسى، №54 ورتا مەكتەپتىڭ كومانداسى ەكىنشى ورىندى، ءۇشىنشى ورىندى  №48 ورتا مەكتەپتىڭ كومانداسى يەلەندى.

جەڭىمپازداردى «قازمۇنايگاز» ۇك اق باسقارماسىنىڭ توراعاسى قايىرگەلدى قابىلدين، قازاقستان فۋتبول فەدەراتسياسىنىڭ ۆيتسە-پرەزيدەنتى سەيىلدا بايشاقوۆ قۇتتىقتادى.

- بۇل تۋرنير سپورت پەن سالاۋاتتى ءومىر سالتىن ناسيحاتتاۋ جونىندەگى «قازمۇنايگاز» ۇلتتىق كومپانياسى الەۋمەتتىك ساياساتىنىڭ ءبىر بولىگى بولىپ تابىلادى. وسى كەزدەسۋلەردىڭ قمگ سپورت الاڭدارىندا وتكىزىلۋى كوڭىلگە قۋانىش ۇيالاتادى. بۇل الاڭدار ەلباسىمىز نۇرسۇلتان نازارباەۆتىڭ ەلىمىزدە بۇقارالىق سپورتتى دامىتۋ جونىندەگى باستاماسىن جۇزەگە اسىرۋ ماقساتىندا سالىندى، - دەپ اتاپ كورسەتتى قايىرگەلدى قابىلدين.

- تۋرنيرگە قاتىسقان ۇزدىك ويىنشىلار جاتتىقتىرۋشىلاردىڭ كوزىنە ءتۇستى - سىزدەر ەندى فۋتبولمەن بۇدان گورى جوعارى دەڭگەيدە اينالىسا الاسىزدار. ەستەرىڭىزدە بولسىن، فۋتبولدا دارىندى بولۋ  اسا ماڭىزدى ەمەس. الەمدەگى ۇزدىك ويىنشىلار تابىسقا شىدامدىلىق پەن ەڭبەكقورلىقتىڭ ارقاسىندا جەتتى. سەندەر جەڭىمپاز اتاندىڭدار، جارايسىڭدار!،- دەدى سەيىلدا بايشاقوۆ.

بيىلعى جىلى وسىنداي سپورت شارالارى قمگ ەنشىلەس كومپانيالارىنىڭ قولداۋىمەن شىمكەنت جانە پاۆلودار قالالارى مەكتەپ وقۋشىلارىنىڭ اراسىندا دا وتكىزىلەدى.

ميني-فۋتبولدان تۋرنيرلەر «قازمۇنايگاز» ۇك كوپ فۋنكتسيونالدى سپورت الاڭدارىندا وتكىزىلەدى. قۇرىلىس باعدارلاماسىنا سايكەس 2010 جىلى قمگ جانە ونىڭ ەنشىلەس كومپانيالارى 29 سپورت الاڭىنىڭ قۇرىلىسىن اياقتادى. اعىمداعى جىلى 20 سپورت الاڭىن سالۋ جوسپارلانىپ وتىر.

سپورت الاڭىنىڭ قۇرىلىسىنا قولدانىلاتىن ماتەريالدار مەن تەحنولوگيالار ەكولوگيالىق، سانيتارلىق-گيگيەنالىق، ورتكە قارسى جانە باسقا دا ەرەجەلەر مەن تالاپتارعا ساي كەلەدى جانە سپورتتىق جامىلعىنى كاسىبي تۇردە ورناتۋ كوزدەلىپ وتىر. فۋتبول الاڭىنداعى جاساندى كوگال FIFA جانە UEFA-دا سەرتيفيكاتتالىپ، اتتەستاتسيالاۋدان وتكەن.

قالالىق تۋرنيردە جەڭىمپاز اتانعان كوماندا جانە كوماندالار، سونىمەن قاتار 2-ءشى، 3-ءشى ورىن العان كوماندالار «قازمۇنايگاز» كۋبوگىمەن، ديپلومدارمەن، سايكەس دارەجەدەگى  مەدالدار جانە ەستەلىك سىيلىقتارمەن ماراپاتتالدى.

انىقتاما:

ميني-فۋتبولدان تۋرنير جەڭىلدەتىلگەن ەرەجە بويىنشا وتكىزىلەدى.

الاڭدا ويىنشىلار سانى 4ح4 +1 قاقپاشى، «ويىننان تىس» ەرەجەسى قولدانبايدى.قالالىق جارىستاردىڭ ءبىرىنشى كەزەڭىندە 8 كوماندا ەكى توپقا بولىنەدى. ءار توپتا «بىرىمەن ءبىرى» جۇيەسى بويىنشا ءبىر اينالىمدا ويىندار وتكىزىلەدى. ءوز توپتارىندا 1-ءشى ورىن العان كوماندالار 1-ورىن ءۇشىن جارىسادى. ءوز توپتارىندا 2-ءشى ورىن العان كوماندالار 3-ءشى ورىن ءۇشىن جارىسادى.

بۇل ويىندارداعى جەڭىمپاز ءبىر ويىننان بەلگىلى بولادى، تەڭ تۇسكەن جاعدايدا جەڭىمپاز پەنالتيلەردىڭ (7-مەترلىك) كومەگىمەن انىقتالادى.