http://zhastulpar.kz/

تاقىرىپتىق نوميناتسياسى:جاڭالىقتار، ساياسات، سۇحباتتار;

رەسۋرستىق ءتىلى: قازاقشا;

اشىلعان ۋاقىتى: 2011 جىل;

باس رەداكتورى:;

http://zhastulpar.kz/

تاقىرىپتىق نوميناتسياسى:جاڭالىقتار، ساياسات، سۇحباتتار;

رەسۋرستىق ءتىلى: قازاقشا;

اشىلعان ۋاقىتى: 2011 جىل;

باس رەداكتورى:;

قۇرمەتتى وقىرمان!
قازاق تىلىندەگى ينتەرنەت - پورتالدىڭ قاتارى تاعى ءبىر سايتپەن تولىقتى.
حح -نشى عاسىردىڭ 60 - جىلدارى ماسكەۋدە وقىعان قازاق ستۋدەنتتەرى «جاس تۇلپار» ۇيىمىن قۇرعان. بولاتحان تايجان، مۇرات اۋەزوۆ، ماقاش ءتاتىموۆ باستاعان قايراتكەر جاستار سول كەزدەگى كەڭەستىك يدەولوگيانىڭ قىسپاعىنا قاراماستان، العاش رەت ۇيىم قۇرىپ، قازاق ۇلتى ءومىرىنىڭ ماڭىزدى ماسەلەلەرىن تالقىلاپ، ۇلتتىق تاريح پەن انا ءتىلى تۋرالى كوكەيكەستى وي-پىكىرلەرىن ورتاعا سالدى. قازاقستانمەن بايلانىس جاساپ، ستۋدەنت جاستاردىڭ باسىن قوسىپ، ءوز بىلىمدەرىنە سايكەس ءار ءتۇرلى باياندامالار جاساپ ءجۇردى. جەر-جەردە ءتۇرلى كەزدەسۋلەر، سالتاناتتى كەشتەر وتكىزىپ، بۇعان قازاقستاندىق ستۋدەنتتەردى كوپتەپ تارتىپ، شىن مانىندە وزىندىك دەربەس ۇستانىمى بار قوعامدىق قوزعالىس رەتىندە كوزگە ءتۇستى.
سول «جاس تۇلپار» قوزعالىسىنىڭ ساياسي يدەولوگتارىنىڭ ءبىرى بولعان، مەملەكەت جانە قوعام قايراتكەرى، كاسىبي ديپلومات، ۇلت جاناشىرى بولاتحان قۇلجانۇلى تايجان كوزى ءتىرى بولسا بيىل 70 تولار ەدى. قاشان دا تاۋەلسىزدىك ءۇشىن، ۇلتتىق مۇددە ءۇشىن، قازاق ءۇشىن قىزمەت ەتكەن بولاتحان قۇلجانۇلىنىڭ ەسىمى قازاقتىڭ جاڭا تاريحىندا التىن ارىپتەرمەن ماڭگىلىككە جازىلادى. وسى مەرەيتوي قارساڭىندا كەرەكۋ قالاسى جاستارىنىڭ باستاماسىمەن اشىلعان سايتىمىزدى بوكەڭنىڭ قۇرمەتىنە «جاس تۇلپار» دەپ اتادىق.
قادىرمەندى ازات ەلدىڭ ازات ويلى جاستارى! جاس تۇلپار سەنىڭ ساياسي مىنبەرىڭ! قازاقتىڭ ماقساتىن، قازاقتىڭ مۇراتىن، قازاقتىڭ ارمانىن، قازاقتىڭ پوزيتسياسىن جاس تۇلپاردىڭ مىنبەرىنەن ايتىڭىز! تىڭ وي، جاڭا يدەيا، باتىل پىكىر كۇتەمىز!
سايتىمىزدىڭ وقىرمانى بولعانىڭىز ءۇشىن ۇلكەن العىسىمىزدى بىلدىرەمىز.