1967 جىلى جارىق كورگەن رومان ءبىرىنشى رەت ەكرانيزاتسيالانادى. 2014 جىلى ومىردەن وتكەن جازۋشىنىڭ وتباسى ونىڭ شىعارماسىن كينەماتوگرافيادا پايدالانۋعا قارسى بولىپ كەلگەن.

ەندى بەلگىلى بولعانداي، جازۋشىنىڭ ۇلدارى رودريگو مەن گونسالو كينوكارتينانىڭ باس پروديۋسەرلەرى بولماق. سەريالدى نەگىزىندە كولۋمبيادا تۇسىرمەك، ءتىلى - يسپانشا بولادى.

"اكەمىز ونداعان جىل بويى ء"جۇز جىلدىق جالعىزدىق" شىعارماسىنا كينو تۇسىرۋگە قارسى بولىپ كەلگەن ەدى، ول فيلم شىعارمانى بايانداۋ ءۇشىن وتە قىسقا جانر دەپ ەسەپتەگەن. مۇنان بولەك ءفيلمدى يسپان تىلىنەن وزگە تىلدە ءتۇسىرۋ مۇمكىن ەمەس دەپ كەلگەن", – دەيدى جازۋشىنىڭ ۇلى رودريگو گارسيا Variety باسىلىمىنا.

جازۋشىنىڭ ۇلى قازىر سەريالداردىڭ "التىن عاسىرى" ەكەنىن اتاپ ءوتىپ، اكەسىنىڭ شىعارماسىن وسى كەزەڭدە ءتۇسىرۋ كەرەكتىگىن ايتقان.

گابريەل گارسيا ماركەس ء"جۇز جىلدىق جالعىزدىق" شىعارماسى ءۇشىن نوبەل سىيلىعىنىڭ يەگەرى اتاندى. بۇگىنگى كۇنگە دەيىن بۇل رومانى الەمنىڭ 46 تىلىنە اۋدارىلىپ، 50 ملن داناسى ساتىلعان دەپ جازادى The New York Times.

Abai.kz