جاستار جىلىن وتكىزۋ جونىندەگى جول كارتاسى 4 نەگىزگى بلوكتارعا توپتاستىرىلعان 89 تارماقتان تۇرادى.

«مينيسترلىك مەملەكەت باسشىسىنىڭ تاپسىرمالارىن ەسكەرە وتىرىپ، جاستار جىلىن وتكىزۋ جونىندەگى جول كارتاسىن ازىرلەدى. بۇگىنگى تاڭدا جوبا بارلىق مۇددەلى مەملەكەتتىك ورگاندارمەن پىسىقتالدى. جول كارتاسىنىڭ ماقساتى – جاستاردىڭ الەۋەتىن جۇزەگە اسىرۋ جانە دامىتۋ ءۇشىن جاعداي جاساۋ، ولاردىڭ قوعامدىق ءومىردىڭ بارلىق سالالارىنداعى باسەكەگە قابىلەتتىلىگىن ارتتىرۋ»، - دەدى قر اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى مىندەتىن اتقارۋشى اسحات ورالوۆ.

ءبىرىنشى بلوك جاستار جىلىن وتكىزۋدىڭ نەگىزىن قۇرايتىن ءىس-شارالار تىزبەگىن قامتيدى. ونىڭ نەگىزىندە بەس ءىرى ءىس-شارا جوسپارلانۋدا.

«ءبىرىنشى جوبا- «ZEREN 2019» رەسپۋبليكالىق ءبىلىم بەرۋ جاستار لاگەرىن وتكىزۋ. وتكەن جىلى بۇل جوبا ءساتتى جۇزەگە استى. بۇل جولى ءبىز جوبانى كەڭەيتۋدى ءجون كوردىك. سونىمەن قاتار، شىمكەنت قالاسىندا ەڭبەك جاستارىنىڭ فورۋمىن وتكىزۋ.بۇل جەردەگى نەگىزگى وي، حالىق تىعىز قونىستانعان وڭتۇستىك وڭىرلەردەن جاستاردى تارتۋ جانە جۇمىسپەن قامتۋ مەن ءبىلىم بەرۋدى قولداۋ قۇرالدارىنا دەگەن سۇرانىستى ارتتىرۋ»، - دەپ اتاپ ءوتتى اسحات ورالوۆ.

قوستاناي قالاسىندا قازاقستان-رەسەي جاستار ىنتىماقتاستىعى فورۋمىن وتكىزۋ دە جول كارتاسىنا ەنگىزىلگەن.

«وزدەرىڭىز بىلەسىزدەر، وتكەن جىل رەسەي فەدەراتسياسىندا ۆولونتەرلىك جىلى بولدى، قازىر ءبىز ولارمەن بەلسەندى جۇمىس ىستەي باستادىق. ءبىرىنشى جارتىجىلدىقتىڭ سوڭىنا دەيىن ءبىز قوستانايدا ۇلكەن قازاقستان-رەسەي فورۋمىن جوسپارلاپ وتىرمىز. ءبىز رەسەيدىڭ وڭ تاجىريبەسىن قابىلداعىمىز كەلەدى»، - دەدى ا. ورالوۆ.

سونىمەن قاتار، قازاقستان حالقى اسسامبلەياسىنىڭ «جاستار سينەرگياسى» فورۋمىن وتكىزۋدى جانە وسى جىلدى ءبىز پرەزيدەنت جانىنداعى جاستار ءىسى جونىندەگى كەڭەستىڭ قورىتىندى وتىرىسىن جوسپارلاپ وتىر.

ايتا كەتسەك، 2018 جىلدىڭ 5 قازانىندا مەملەكەت باسشىسى ءوزىنىڭ جىل سايىنعى جولداۋىندا 2019 جىلدى جاستار جىلى دەپ جاريالاۋدى ۇسىنعان بولاتىن. ال 2018 جىلدىڭ 13 قاراشاسىندا پرەزيدەنت "جاستار جىلىن جاريالاۋ تۋرالى" جارلىققا قول قويدى.

Abai.kz