العاشقى قۇجات ينتەرنەتتە قوعامعا ماڭىزى بار جالعان اقپاراتتى شىنايى مالىمەت رەتىندە تاراتۋعا تىيىم سالادى. زاڭدى بۇزعان ازاماتقا 100 مىڭ رۋبلگە دەيىن، قىزمەتتەگى تۇلعاعا 200 مىڭعا دەيىن، ال زاڭدى تۇلعاعا جارتى ميلليونعا دەيىن ايىپپۇل سالىنادى. زاڭدى قايتا بۇزعان زاڭدى تۇلعانىڭ ايىپپۇلى ءبىر جارىم ملن رۋبلگە دەيىن جەتۋى مۇمكىن.

مەملەكەتتىك بەلگىلەر مەن بيلىككە ءتىل تيگىزگەنى ءۇشىن ازاماتتار 100 مىڭ رۋبلگە دەيىن ايىپپۇل تولەپ نەمەسە 15 كۇنگە دەيىن اكىمشىلىك قاماۋعا الىنۋى مۇمكىن. زاڭدى قايتا بۇزعاندارعا سالىناتىن ايىپپۇل كولەمى 200 مىڭ رۋبلگە دەيىن وسەدى.

زاڭ جوباسىن مەملەكەتتىك دۋماعا زاڭناما جونىندەگى فەدەراتسيا كەڭەسى كوميتەتىنىڭ باسشىسى اندرەي كليشاس پەن دەپۋتاتتار ليۋدميلا بوكوۆا جانە دميتري ۆياتكين ۇسىندى. قۇجاتتى پارلامەنت 7 ناۋرىزدا قابىلدادى. كەيىن ونى فەدەراتسيا كەڭەسى ماقۇلدادى.

ادام قۇقىقتارى جونىندەگى پرەزيدەنتتىڭ كەڭەسى مەن باسقا دا ادام قۇقىقتارىن قورعاۋ ۇيىمدارى زاڭ جوبالارىنا قارسى شىققان.

Abai.kz