نۇرلان گەرويحان. كۇيەۋ بالانىڭ كەسىرى
ماسكەۋگە ەمدەلۋگە اتتانباق بولىپ تۇرعان جەرىنەن قازاقتىڭ قاشقىن كۇيەۋ بالاسى حراپۋنوۆتىڭ اتاسى مەن ەنەسىن: 81 جاستاعى قاليبەك قاريا مەن 72-گە كەلگەن ءراسيلا اجەيدى قارجى پوليتسياسىنىڭ قىراعى قىزمەتكەرلەرى الماتى اۋەجايىنان باس سالىپتى. بۇل تۋرالى كتك ارناسى حابارلادى. ءسويتىپ، ونسىزدا باس اۋىرىپ، بالتىرى سىزداپ جۇرگەن شال مەن كەمپىردى قارجى پوليتسياسى اۋەجايدىڭ ىشىندە تەرگەۋگە الىپتى. ەكى ساعاتقا جۋىق قاريالاردان جاۋاپ العان سوڭ، ماسكەۋگە ۇشۋعا رۇقسات ەتىپتى. مۇنىڭ الدىندا حراپۋنوۆتىڭ قايىن اتاسى مەن ەنەسى تۇركياعا دەمالۋعا اتتانباق بولىپ تۇرعان جەرلەرىنەن تاعى دا قارجى پوليتسياسى جولدارىن كەسىپتى.
لاۋازىمدى قىزمەتتەردىڭ قۇلاعىن ۇستاپ ءبىراز جىل شەنەۋنىك بولىپ، اقىرى قايىن جۇرتىنان قاپقا سالعان بايلىعىن ۇشاققا تيەپ الىپ، جالعىز كۇندە ورنىن سيپاتىپ كەتكەن ۆيكتور جەزدەمىز قازىر شۆەيتساريادا تۇرادى. ءجاي تۇرمايدى. سول ەلدەگى اسا باي 300 ادامنىڭ قاتارىنا جاتاتىن «اقسۇيەك». جيەنىمىز ءىلياس ناعاشى ەلىنەن اكەسىنىڭ مەملەكەتتىك قىزمەتتەردە ءجۇرىپ كۇرەپ تاپقان اقشاسىنىڭ ارقاسىندا «مەنىڭ جاعاجايىم» دەگەن جوبانى قولعا الىپ، جانى قالماي جۇمىس ىستەپ جاتقان كورىنەدى.
قاشقىن كۇيەۋ بارعان جەرىنە تاستاي باتىپ، سۋداي ءسىڭىپ بولعان كەزدە ءبىزدىڭ قارجى پوليتسياسى ونىڭ قاپ-قاپ قارجىنى قايدان العانىن ەندى عانا ەستەرىنە ءتۇسىرىپ، تەكسەرۋگە العان سەكىلدى.
ماسكەۋگە ەمدەلۋگە اتتانباق بولىپ تۇرعان جەرىنەن قازاقتىڭ قاشقىن كۇيەۋ بالاسى حراپۋنوۆتىڭ اتاسى مەن ەنەسىن: 81 جاستاعى قاليبەك قاريا مەن 72-گە كەلگەن ءراسيلا اجەيدى قارجى پوليتسياسىنىڭ قىراعى قىزمەتكەرلەرى الماتى اۋەجايىنان باس سالىپتى. بۇل تۋرالى كتك ارناسى حابارلادى. ءسويتىپ، ونسىزدا باس اۋىرىپ، بالتىرى سىزداپ جۇرگەن شال مەن كەمپىردى قارجى پوليتسياسى اۋەجايدىڭ ىشىندە تەرگەۋگە الىپتى. ەكى ساعاتقا جۋىق قاريالاردان جاۋاپ العان سوڭ، ماسكەۋگە ۇشۋعا رۇقسات ەتىپتى. مۇنىڭ الدىندا حراپۋنوۆتىڭ قايىن اتاسى مەن ەنەسى تۇركياعا دەمالۋعا اتتانباق بولىپ تۇرعان جەرلەرىنەن تاعى دا قارجى پوليتسياسى جولدارىن كەسىپتى.
لاۋازىمدى قىزمەتتەردىڭ قۇلاعىن ۇستاپ ءبىراز جىل شەنەۋنىك بولىپ، اقىرى قايىن جۇرتىنان قاپقا سالعان بايلىعىن ۇشاققا تيەپ الىپ، جالعىز كۇندە ورنىن سيپاتىپ كەتكەن ۆيكتور جەزدەمىز قازىر شۆەيتساريادا تۇرادى. ءجاي تۇرمايدى. سول ەلدەگى اسا باي 300 ادامنىڭ قاتارىنا جاتاتىن «اقسۇيەك». جيەنىمىز ءىلياس ناعاشى ەلىنەن اكەسىنىڭ مەملەكەتتىك قىزمەتتەردە ءجۇرىپ كۇرەپ تاپقان اقشاسىنىڭ ارقاسىندا «مەنىڭ جاعاجايىم» دەگەن جوبانى قولعا الىپ، جانى قالماي جۇمىس ىستەپ جاتقان كورىنەدى.
قاشقىن كۇيەۋ بارعان جەرىنە تاستاي باتىپ، سۋداي ءسىڭىپ بولعان كەزدە ءبىزدىڭ قارجى پوليتسياسى ونىڭ قاپ-قاپ قارجىنى قايدان العانىن ەندى عانا ەستەرىنە ءتۇسىرىپ، تەكسەرۋگە العان سەكىلدى.
قارجى پوليتسياسىنىڭ قىران كوز قارشىعا جىگىتتەرى جۇرتتا قالعان شال مەن كەمپىردى تورۋىلداپ جۇرگەنى سودان بولسا كەرەك. ايتپەسە، كۇيەۋدىڭ قاي ەلدە، نە ىستەپ جۇرگەنىن بۇ كۇندە جالپاق جۇرت تەگىس بىلەدى. تەك قارجى پوليتسياسىنىڭ قۇلاعىنا ەندى جەتىپ جاتقانى بولماسا...
ايتپاقشى، قاليبەك قاريا مەن ءراسيلا اجەيدى نە ءۇشىن جولدارىنان قالدىرىپ، تەرگەۋگە العاندارىنىڭ ءمانىن قارجى پوليتسياسى اشىپ ايتپاپتى.
باسقا جۇرتتىڭ كۇيەۋلەرىن قايدام، ءبىزدىڭ كۇيەۋلەردىڭ جۇرگەن جەرىنە ءشوپ شىقپايتىن بولدى، ايتەۋىر.
«اباي-اقپارات»
