بوزاشى تۇبەگىندەگى «قاراجانباس» كەنىشىندە مۇنايشىلار ەرەۋىلدەپ جاتىر. الەۋمەتتىك تەڭدىكسىزدىككە نارازىلىق تانىتقاندار شەتەلدىك جۇمىسشىلارمەن تەڭدەي جالاقى بەرۋدى تالاپ ەتۋدە. سونىڭ اسەرىنەن 17 مامىردان باستاپ، قاراجانباس كەنىشى توقتاپ تۇر. ەرەۋىلدەگەن «قاراجانباس» مۇنايشىلارى مەن اشتىق جاريالاعان «وزەنمۇنايگاز» جۇمىسشىلارى قاماۋعا الىنعان زاڭگەر ناتاليا سوكولوۆانى بوساتۋدى دا تالاپ ەتتى. ال 30 مامىر كۇنى اتىراۋدان ات سابىلتىپ جەتكەن مۇنايشىلار الماتىدا ءباسپاسوز ءماسليحاتىن وتكىزدى.

ەكى جاقتاپ جانشۋ

«قاراجانباس» مۇنايشىلارى اقپارات قۇرالدارىنان كومەك سۇراۋدا. بىلتىر، ناۋرىز ايىندا ەرەۋىل جاساعان «قاراجانباس» مۇنايشىلارى بيىل دا شيرىعىپ تۇر. بۇكىل مەملەكەتتىك ورگانداردان كۇدەر ۇزگەن ولاردىڭ باسپاسوزدەن كومەك سۇراۋىن، قالىڭ بۇقارادان جاردەم سۇراۋى دەپ تۇسىنگەن ءجون.

«قاراجانباسمۇناي» كومپانياسىنىڭ باسشىلارى ەرەۋىلگە شىققاندارى ءۇشىن جۇمىسشىلاردى جۇمىستان شىعارا باستاعان. ەڭبەكشىلەردىڭ جوعارى جالاقى تالاپ ەتۋگە قۇقى بار ەكەنىن دالەلدەگەن زاڭگەر ناتاليا سوكولوۆا 8 تاۋلىككە قامالسا، جەرگىلىكتى سوت ەرەۋىلدى زاڭسىز دەپ تانىعان. بىراق ودان ەڭسەسى تۇسكەن ەشكىم كورىنبەيدى. كەرىسىنشە، تاۋەلسىز كاسىپوداققا قىسىم كورسەتىلمەۋىن، زاڭگەردىڭ ادىلەتسىز جازالانبا-

ۋىن تالاپ ەتە باستادى. ءبىر سوزبەن ايتقاندا، جۇمىسشىلاردىڭ تالابى كۇن سايىن وسە تۇسكەن سەكىلدى.

بوزاشى تۇبەگىندەگى «قاراجانباس» كەنىشىندە مۇنايشىلار ەرەۋىلدەپ جاتىر. الەۋمەتتىك تەڭدىكسىزدىككە نارازىلىق تانىتقاندار شەتەلدىك جۇمىسشىلارمەن تەڭدەي جالاقى بەرۋدى تالاپ ەتۋدە. سونىڭ اسەرىنەن 17 مامىردان باستاپ، قاراجانباس كەنىشى توقتاپ تۇر. ەرەۋىلدەگەن «قاراجانباس» مۇنايشىلارى مەن اشتىق جاريالاعان «وزەنمۇنايگاز» جۇمىسشىلارى قاماۋعا الىنعان زاڭگەر ناتاليا سوكولوۆانى بوساتۋدى دا تالاپ ەتتى. ال 30 مامىر كۇنى اتىراۋدان ات سابىلتىپ جەتكەن مۇنايشىلار الماتىدا ءباسپاسوز ءماسليحاتىن وتكىزدى.

ەكى جاقتاپ جانشۋ

«قاراجانباس» مۇنايشىلارى اقپارات قۇرالدارىنان كومەك سۇراۋدا. بىلتىر، ناۋرىز ايىندا ەرەۋىل جاساعان «قاراجانباس» مۇنايشىلارى بيىل دا شيرىعىپ تۇر. بۇكىل مەملەكەتتىك ورگانداردان كۇدەر ۇزگەن ولاردىڭ باسپاسوزدەن كومەك سۇراۋىن، قالىڭ بۇقارادان جاردەم سۇراۋى دەپ تۇسىنگەن ءجون.

«قاراجانباسمۇناي» كومپانياسىنىڭ باسشىلارى ەرەۋىلگە شىققاندارى ءۇشىن جۇمىسشىلاردى جۇمىستان شىعارا باستاعان. ەڭبەكشىلەردىڭ جوعارى جالاقى تالاپ ەتۋگە قۇقى بار ەكەنىن دالەلدەگەن زاڭگەر ناتاليا سوكولوۆا 8 تاۋلىككە قامالسا، جەرگىلىكتى سوت ەرەۋىلدى زاڭسىز دەپ تانىعان. بىراق ودان ەڭسەسى تۇسكەن ەشكىم كورىنبەيدى. كەرىسىنشە، تاۋەلسىز كاسىپوداققا قىسىم كورسەتىلمەۋىن، زاڭگەردىڭ ادىلەتسىز جازالانبا-

ۋىن تالاپ ەتە باستادى. ءبىر سوزبەن ايتقاندا، جۇمىسشىلاردىڭ تالابى كۇن سايىن وسە تۇسكەن سەكىلدى.

الماتىعا ءباسپاسوز ءماسليحاتىن وتكىزۋگە كەلگەن كومپانيانىڭ بۇرىنعى جۇمىسشىسى ءناۋرىزالى تولەباەۆ: «ءبىز مالدان دا جامان بولدىق. بارماعان جەرىمىز، باسپاعان تاۋىمىز جوق. حالىق ىزالى. بىراق بۇعان جەرگىلىكتى بيلىك ورگاندارى دا، اقوردا دا نازار اۋدارار ەمەس»،- دەيدى.

راسىندا، «قاراجانباسمۇنايداعى» ەرۋىلدىڭ باستالعانىنا جارتى ايدان استى. اۋزى-مۇرنىن تۇمشالاپ العان استانا تىپ-تىنىش. قازىر ەرەۋىلدەگەن 4 مىڭنان استام مۇنايشىنى قولداپ، جاڭاوزەننىڭ جۇزدەگەن جۇمىسشىسى اشتىق جاريالادى. اقوردا ءبارىبىر جۇمعان اۋزىن اشقان جوق.

كومپانيا باسشىلارى دا حالىقپەن ساناسىپ، ولاردىڭ تالاپ-تىلەگىن ەسكەرۋگە قۇلىقسىز. كەرىسىنشە، قىسىمدى كۇشەيتىپ، جۇرتتىڭ اشۋ-ىزاسىن قوزدىرىپ، جاعدايدى شيەلەنىستىرۋگە مۇددەلى ءتارىزدى. قازاقتى قىسپاققا الۋعا الپاۋىت كومپانيالاردىڭ باسشىلارى عانا ەمەس، جەرگىلىكتى جارامساق بيلىكتىڭ وكىلدەرى دە «جاردەمدەسۋدە». ماسەلەن،«قاراجانباسمۇنايعا» قاتىستى قۇرىلىس جۇمىسىن جۇرگىزىپ جاتقان «ەستاي» بىرلەستىگىنە كەلگەن قاراقيا اۋدانىنىڭ پروكۋرورى جەرگىلىكتى جۇمىسشىنى سوققىعا جىققان. ەندى حالىق پروكۋرور م.مىرزاقۇلوۆتىڭ جازاعا تارتىلۋىن تالاپ ەتۋدە. جەرگىلىكتى بيلىك پەن تۇرعىلىقتى حالىق اراسىنداعى بۇل قاقتىعىستىڭ سوڭى نەمەن اياقتالارى ازىرگە بەلگىسىز.

جۇمىستىڭ اۋىرلىعىنان ءولىم قۇشقاندار بار

ءبىر تاڭعالارلىعى، جاڭا بۇرعىلاۋ ورىندارى اشىلىپ، جاڭا ستانوكتار قويىلسا دا، وندىرىستەگى ادام سانى كوبەيمەي وتىر. جۇمىس كۇشى ازايعان ۇستىنە ازايۋدا. ادام كۇشىنىڭ جەتىسپەۋشىلىگىنەن ارتىعىمەن جۇمىس ىستەۋگە ءماجبۇر جۇمىسشىلاردىڭ الدى قايتىس بولا باستادى. بىراق زياندى جۇمىستىڭ زاردابىنان ادامداردىڭ قازاعا ۇشىرايتىنى رەسمي تۇردە ايتىلمايدى. اۋىر ەڭبەكتى كوتەرە الماي، ادامدار ناۋقاسقا شالدىعۋدا. ونىڭ ۇستىنە، باسشىلار تاراپىنان جاسالىپ وتىرعان الەۋمەتتىك-قۇقىقتىق قىساستىقتىڭ ادام جۇيكەسىنە قانشالىقتى سالماق سالاتىنىن ويلاپ كورىڭىز!

«قاراجانباسمۇناي» كومپانياسى 2007 جىلدان بەرى قىتايدىڭ CNPC ينۆەستيتسيالىق كورپوراتسياسىمەن بىرلەسىپ جۇمىس ىستەپ كەلەدى. ارادا بەس جىل وتكەندە كومپانيانىڭ 50 پايىز اكتسياسىنا قىتايلار يە بولدى. ەندى 5-10 جىلدا جاعدايدىڭ قالاي بولارىن ويلاۋدىڭ ءوزى قورقىنىشتى. ال ەڭ قورقىنىشتىسى، قىتايمەن ەكى اراداعى بىرلەسىپ جۇمىس ىستەۋگە قاتىستى قانداي كەلىسىم-شارت جۇرگىزىلگەنى - جۇرتشىلىق ءۇشىن قۇپيا.

كەيبىر اقپارات كوزدەرى قىتايلاردىڭ ءاۋ باستا «قاراجانباسمۇنايدى» تۇتاستاي ساتىپ العانىن ايتادى. بىراق «قازمۇنايگاز» رەيدەرلىك جاساعان. وسىنىڭ كەسىرىنەن قىتايلار 50 پايىز اكتسيانى ساتىپ الۋ ءۇشىن وزدەرى «قازمۇنايگازعا» نەسيە بەرەدى. ەندى «قازمۇنايگاز» «نەسيەنىڭ» وتەۋىنە مۇناي بەرىپ، ولارعا تەگىن جۇمىس ىستەپ جاتقانعا ۇقسايدى. ال بۇرعىنىڭ باسىندا تۇراتىن كىمدەر؟ ارينە، جۇمىسشىلار! دەمەك، جەرگىلىكتى جۇمىسشىلار قىتايلىقتارعا «كوكپارعا» تاستالعان لاق-تەكەمەن پاراپار. قالاي تارتىپ، قالاي جۇلقيمىن دەسە، قانشا جالاقى بەرەم دەسە، وزدەرى بىلەدى. ەشكىممەن ساناسپايدى. سولاردىكى - ءجون، سولاردىكى - زاڭ. وزگە زاڭ قانشا قىلعىنساڭ دا، جۇرمەيدى. قىتايلار تاۋەلسىز قازاقستان دەگەندى بىلمەيدى، ەسەسىنە مۇنداعى شەنەۋنىكتەردى وڭاي ساتىپ الۋعا بولاتىنىن بىلەدى.

ال جۇمىسشىلاردىڭ حال-جاعدايىنا باس اۋىرتپايتىن كومپانيا باسشىلارى ەرەۋىلدىڭ «زاڭسىز» ەكەنىن ايتىپ، جۇمىسشىلاردى قىتاي تەپكىسىنە يتەرمەلەپ، كومپانيانىڭ ميلليونداعان شىعىنىن ەسەپتەپ الەك.

مامىردىڭ 20-سى كۇنى وتكەن تۇپقاراعان اۋداندىق سوتى «قاراجانباسمۇناي» اق، «ارعىماقترانسسەرۆيس» جشس، «تۇلپارمۇنايسەرۆيس» جشس جۇمىسشىلارىنىڭ ەرەۋىلىن زاڭسىز دەپ تانۋ تۋرالى شەشىم شىعاردى. وندا: «قاراجانباسمۇناي» كومپانياسى باسشىلىعى تاراپىنان جاعدايدى رەتتەۋ جايلى بىرنەشە رەت ۇسىنىس جاسالعانىمەن، ەرەۋىلدى ۇيىمداستىرۋشىلار اكتسيونەرلىك قوعامنىڭ ءوندىرىسىن تۇراقسىزداندىرۋعا تىرىسىپ وتىر. وندىرىستەگى بولعان جاعدايدىڭ سالدارىنان اكتسيونەرلىك قوعامنىڭ تارتقان شىعىنى - 240 ميلليون تەڭگەدەن استام» دەلىنگەن.

جۇمىسشىلاردىڭ پىكىرى بۇعان قاراما-قايشى. ەرەۋىل باستالعاننان بەرى كومپانيا باسشىلارى تاراپىنان ءبىر شەشىمگە كەلۋگە قاتىستى قادام جاسالماعان. كەرىسىنشە، قاراجانباس باسىندا ەرەۋىلدەپ جاتقان مۇنايشىلارعا «قازمۇنايگاز» بارلاۋ ءوندىرۋ» اكتسيونەرلىك قوعامى باس ديرەكتورىنىڭ ورىنباسارى اسقار اۋباكىروۆ «قاراجانباسمۇناي» كومپانياسى ۆيتسە-پرەزيدەنتىمەن بىرگە كەلىپ، قوقان-لوقى جاساعان. جانە ءار تسەحتان ءبىر جۇمىسشىدان بىتىمگەرشىلىك كوميسسياسىن قۇرۋدى ۇسىنعان. جۇمىسشىلاردىڭ قۇقىن قورعايتىن بىلىكتى زاڭگەر قامالىپ جاتقان سوڭ، جۇمىسشىلار مۇنداي ۇسىنىسقا كەلىسپەي وتىر. ويتكەنى ۋادەسىن ورىندامايتىن باسشىلىققا سەنبەيدى. زاڭگەردىڭ قامالۋى جاعدايدى ۋشىقتىرا ءتۇسۋى مۇمكىن ەكەنىن ويلاماعان كومپانيا باسشىلىعى بەلسەندى دەگەن جۇمىسشىلاردى تەرگەۋگە الىپ، ولاردى جۇمىستان شىعارۋدىڭ العىشارتتارىن قاراستىرۋدا. بىراق سوڭعى دەرەكتەرگە قاراعاندا، جۇمىسسىز قالۋ قاۋپى تەك بەلسەندىلەردىڭ عانا باسىنا تۋىپ وتىرماعان ءتارىزدى. قازىر جۇمىسشىلار اراسىندا: «سوت ەرەۋىلدى زاڭسىز دەپ تانىعاننان كەيىن، بەلسەندىلەر عانا ەمەس، ەرەۋىلگە قاتىسقانداردىڭ ءبارى (4 مىڭ جۇمىسشى) جۇمىستان قۋىلىپ، ولاردىڭ ورنىنا جاڭادان جۇمىسشىلار قابىلدانادى ەكەن»، - دەگەن ءسوز جەلدەي ەسىپ تۇر. ەگەر بۇل اقپار راستالسا، قىتايلىق كومپانيا جەدەل ارادا 4 مىڭ جۇمىسشىنى قايدان تابادى؟ الدە قازاقستانعا زاڭسىز كەلىپ، قۋىس-قۋىستا قاشىپ-پىسىپ جۇرگەن قىتايلاردى جيناي ما؟ ولاي بولسا، جەرگىلىكتى مۇنايشىلاردى قىسپاققا الۋ - ادەيى ىستەلىپ وتىرعان شارا بولماسىنا كىم كەپىل؟

ۇرلانعان مۇناي دا قازاقتىڭ موينىندا

جەرگىلىكتى مەملەكەتتىك ورگاندار مەن قۇقىق قورعاۋ ورىندارىنان، جەرگىلىكتى باسشىلار مەن سوتتان كوڭىلى قالعان جۇمىسشىلار ەندى وزدەرى تاعايىنداعان زاڭگەرلەر ارقىلى «قازمۇنايگاز» بارلاۋ ءوندىرۋ» اكتسيونەرلىك قوعامى باس ديرەكتورى اسقار بالجانوۆ پەن «سامۇرىق-قازىنا» ءال-اۋقات قورى جەتەكشىسى تيمۋر قۇلىباەۆتىڭ كەزدەسۋىن تالاپ ەتۋدە. ال بۇل تالاپقا قاتىستى «قازمۇنايگاز» بارلاۋ ءوندىرۋ» اكتسيونەرلىك قوعامىنىڭ بۇقارامەن بايلانىس جونىندەگى دەپارتامەنت ديرەكتورى داۋلەت ءجۇمادىل: «ەرەۋىلشىلەردىڭ باسشىلاردىڭ كەلۋىن تالاپ ەتەمىز دەگەنىن بىلەمىز، بىراق «بارلاۋ ءوندىرۋدىڭ» باس ديرەكتورى كەلسىن دەگەندەرىن ەستىگەن جوقپىز»، - دەپ سىرعىتپا جاۋاپ بەرىپتى.

جاڭاوزەندىكتەر ءساۋىردىڭ 15-ىندە پرەمەر-مينيستر كارىم ماسىموۆكە، وبلىس اكىمى قىرىمبەك كوشەرباەۆقا ارىزدانعان، بىراق وسى كۇنگە دەيىن جاۋاپ الا الماپتى. وسىنداي ارىز جاڭاوزەن قالاسىنىڭ اكىمى و.سارىبوپەەۆكە، قالا پروكۋرورى م.تويجانعا، «وزەنمۇنايگاز» وندىرىستىك فيليالى ديرەكتورى ك.ەشمانوۆقا، «وزەنمۇنايگاز» كاسىپوداعى توراعاسى ن.ساقتاعانوۆقا دا جونەلتىلگەن. ناتيجە - ءنول. ءبىر ەسكەرەتىن نارسە، ەرەۋىل باستالعان كۇننەن بەرى جۇمىسشىلار تاراپىنان جاسالعان قادامنىڭ ءبارى - وركەنيەتتى ەلدىڭ (ەگەر قازاقستان وركەنيەتتى ەل بولۋعا ۇمتىلىپ وتىرعانى راس بولسا) ساياساتىنا سىياتىن-اق ءىس-ارەكەت.

الايدا جۇمىسشىلاردىڭ ءوز قۇقىن وركەنيەتتى، زاڭدى تۇردە قورعاۋعا قابىلەتتى ەكەنىنە قۋانۋدىڭ ورنىنا، بيلىكتىڭ تەك باسىپ-جانشۋ ءادىسىن عانا قولدانىپ وتىرعانى وكىنىشتى. پرەزيدەنت اكىمشىلىگى مەن ۇكىمەت باسشىلارىن بىلاي قويعاندا، بۇل تۋرالى دەپۋتتاتتار دا ءلام-ميم دەۋدەن اۋلاق. ولار ءۇشىن بوزاشى تۇبەگى دە، «قاراجانباسمۇناي» دا، ەرەۋىلدەپ جاتقان جۇمىسشىلار دا جوق سياقتى... بىراق ەڭبەكشى حالىقتىڭ ەرەۋىلى تىم سالماق الىپ بارادى. «قاراجانباسمۇناي» كەنشىلەرىنىڭ شەرۋىنە جاڭوزەندەگى «وزەنمۇنايگاز» وندىرىستىك فيليالىنا قاراستى ۋوس-5 مەكەمەسىنىڭ جۇمىسشىلارى دا ءۇن قوسىپ جاتىر. قازىر ۋوس-5 جانە ۋوس-2 مەكەمەلەرىنىڭ جۇمىسى تولىق توقتاپ تۇر. مۇنداي ءىس-ارەكەتكە جۇمىسشىلاردى يتەرمەلەگەن نارسە - باسشىلارعا دەگەن سەنىمسىزدىك.

ولارعا بىلتىردىڭ وزىندە جالاقىنىڭ كوبەيەتىنى تۋرالى باسشىلار ۋادە بەرگەن. بىراق جالاقى كوبەيۋدىڭ ورنىنا، كەرىسىنشە، ازايىپ كەتكەن. وسىنىڭ ءوزى-اق مۇناي الپاۋىتتارىنىڭ جۇمىسشى جاعدايىنا الاڭداماق تۇگىلى، ولاردىڭ ادامي قۇقىن تاپتاپ، ەڭبەگىن جەپ، قاناپ وتىرعانىنا دالەل بولسا كەرەك.

جاڭاوزەندىكتەردىڭ نارازىلىعىنا سەبەپ بولعان ەكىنشى ءبىر نارسە جۇمىس بەرۋشىلەر ولارعا «جوسپار ورىندالمادى» دەپ ءتيىستى سىياقىلارىن تولەمەگەن. ال جۇمىسشىلاردىڭ ايتۋىنشا، جوسپاردىڭ ورىندالماۋىنا ولاردىڭ كىناسى جوق. وندىرىلگەن مۇنايدى ەكى ورتادا ۇرلايتىندار بار. مۇنان ءبىراز ۋاقىت بۇرىن اقتاۋ پورتىندا ۇرلانعان 57 ۆاگون شيكى ماي تاركىلەنگەن بولاتىن. «بۇل ءبىز وندىرگەن مۇناي، نەگە ول ءبىز ورىنداعان جوسپارعا كىرمەيدى؟» - دەگەن جۇمىسشىلاردىڭ تالابى ورىندى. سوندا جۇمىسشىلار وندىرگەن مايدى ۇرلاپ - ءبىر، ورنى تولماي قالعان مايدى «جوسپار ورىندالمادى» دەپ جۇمىسشىلاردىڭ موينىنا ءىلىپ، سىياقىلارىن بەرمەي قالتالارىنا باسىپ، ەكى جەپ بيگە شىعىپ وتىرعاندار كىمدەر؟

«قازمۇنايگاز» بارلاۋ ءوندىرۋ» اكتسيونەرلىك قوعامى 26 مامىر كۇنى جاڭاوزەن قالالىق سوتىنىڭ شەشىمىنە سۇيەنە وتىرىپ، جۇمىسشىلارعا اشتىق جاريالاۋعا «رۇقسات بەرمەگەندەرىن» ايتتى. دەمەك، قاراجانباستاعى قارا حالىقتىڭ تولقۋى ءالى دە جالعاساتىن سىڭايلى.

گۇلميرا

تويبولدينا،

جۋرناليست

بەت قاتتالىپ جاتقاندا

ايماق مۇنايشىلارىنىڭ ەرەۋىلىنەن نە حابار بار دەپ، بەت قاتتالىپ جاتقاندا «ازات» جسدپ-سى ماڭعىستاۋ وبلىستىق فيليالىنىڭ توراعاسى جانىبەك قوجىققا تەلەفون شالدىق. «جۇمىسشىلار ءالى ەرەۋىلدە، - دەيدى جانىبەك. - ولار قويعان تالاپتاردىڭ بىردە-ءبىرى بۇگىنگە دەيىن ورىندالعان جوق. جەرگىلىكتى اكىمدىك، سوت، پروكۋراتۋرا كومپانيا باسشىلىعىنىڭ ءسوزىن سويلەۋدە. بيلىك حالىقپەن تەكەتىرەسىپ تۇر. جۇمىسشىلارعا شەگىنۋگە بولمايدى، ولاردىڭ وزدەرى دە وسىعان بەل بۋعان».

ال ءبىزدىڭ ساۋالىمىزعا قكپ-نىڭ ماڭعىستاۋ وبلىستىق فيليالىنىڭ ءتورايىمى نۇرياش ابدىرەيىموۆا بىلاي دەيدى: «قاراجانباسمۇنايدىڭ» ءتورت مىڭ جۇمىسشىسى مەن جاڭاوزەننىڭ 1,5 مىڭ مۇنايشىسى ءالى ەرەۋىل ۇستىندە. قازىر «قاراجانباسمۇناي» كەنىشىندە 20 جۇمىسشىنى جۇمىستان شىعارۋ تۋرالى بۇيرىق شىققان. كومپانيا كۇزەتشىلەرىنە: «اشتىق جاريالاپ جاتقاندار جۇمىستان شىعارىلدى، ولاردى اۋلادان شىعارىپ تاستاڭدار»، - دەگەن نۇسقاۋ بەرىلگەن. بىراق ولار: «بۇل ءبىزدىڭ مىندەتىمىزگە كىرمەيدى»، - دەپ، بۇيرىقتى ورىنداۋدان باس تارتىپتى. جۇمىستان شىعارىلعانداردىڭ  اراسىندا  شىرىلداپ شىندىقتى ايتىپ جۇرگەن جالعىزباستى ايەل، ءتورت بالانىڭ اناسى تولەتاەۆا روزا دا بار.

ەستۋىمشە، 150-دەي پوليتسيا قىزمەتكەرلەرى «ەرساي كاسپيان كونتراكتور» كومپانياسىنىڭ باسىندا قونىپ جاتقانعا  ۇقسايدى. وسى كومپانيانىڭ 700-دەي جۇمىسشىسى مەن ولاردىڭ تۋعان-تۋىسقاندارى كومپانياعا باراتىن جولدى جاۋىپ تاستاعان بولاتىن. ەندى قازىر جۇمىسشىلار مەن ولاردىڭ تۋعان-تۋىسقاندارىنىڭ اراسىن پوليتسيا ءبولىپ تاستادى. جۇمىسشىلارعا سۋ، تاماق اپارۋ جاعدايى قيىنداپ كەتتى. «وسى كومپانيانىڭ 136 ادامىن جۇمىستان شىعارۋ تۋرالى بۇيرىققا قول قويىلىپتى»، - دەپ ەستىدىم. كومپانيا باسشىلارى جۇمىس كۇشىن سىرتتان اكەلىپ جاتقان كورىنەدى.

سوڭعى دەرەكتەر بويىنشا، ەرەۋىلشىلەر سانى وسە تۇسكەن.  كومپانياعا اسپازدىق قىزمەت كورسەتەتىن 66 قىزمەتشى ەرەۋىلشىلەرگە قوسىلعاندىقتان  جۇمىستان شىعارىلعان. كومپانيا الدىندا اشتىق جاريالاپ جاتقان 40 ادامنىڭ 10-ى اۋرۋحاناعا جەتكىزىلگەن.

«وبششەستۆەننايا پوزيتسيا»

(پروەكت «DAT» № 20 (103) 01 ماۋسىم 2011 جىل