الماتى. 3 ماۋسىم. قازاقپارات /ادىلەت مۇساحاەۆ/ - بۇل كۇندەرى الماتىداعى «بوبەك» ۇلتتىق عىلىمي-تاجىريبەلىك، ءبىلىم بەرۋ جانە ساۋىقتىرۋ ورتالىعىنداالەۋمەتتىك جاعدايى تومەن وتباسىدان شىققان تالانتتى بالالار مەن جەتكىنشەكتەرگە ارنالعان «سۋرەت ونەرى» ستۋدياسى جۇمىس ىستەۋدە.  وعان 9 بەن 15 جاس ارالىعىنداعى 40-قا جۋىق بالا قاتىسۋدا. وسى شارا اياسىندا قر سۋرەتشىلەر وداعىنىڭ مۇشەسى، تارلان مەملەكەتتىك سىيلىعىنىڭ لاۋرەاتى، بابالارعا ساباز بەرىپ جاتقان  دۋمان اليەۆتى اڭگىمەگە تارتىپ، سۋرەتشىلەردىڭ قازىرگى جاعدايىمەن تانىستىق.

- «سۋرەت ونەرى» ستۋدياسى شاراسى اياسىندا تالانتتى بالالارعا ساباق بەرىپ جاتىر ەكەنسىز. ساباقتارىڭىز قالاي ءتىپ جاتىر؟

- بۇگىن ءبىرىنشى رەت بالالارمەن جۇمىس ىستەگەندىكتەن ازداپ قوبالجىدىم. بىراق بالالار وتە  اقىلدى، ءارى مەيىرىمدى عوي. مەنى جاتىرقاعان جوق، سەنىم ءبىلدىرىپ، اقىل-كەڭەسىمدى سۇراپ جاتتى. بۇگىنگى دارىستەن وزىمە دە پايدالى تاجىريبە جيناقتادىم. العاشقى ساباقتا ادام پورترەتىن سالدىق. بۇل بالالار ءۇشىن قيىن تاقىرىپ، الايدا بالاقايلاردىڭ كوڭىلىن اۋلاپ، سىناماۋعا تىرىستىم. ولار قازىر كىشكەنتاي عوي، ءبارىن ەموتسيونالدىق تۇرعىدا قابىلدايدى. سوندىقتان، مۇمكىندىگىمشە قولداۋ كورسەتۋگە تىرىستىم. بىراق ارالارىندا جاسىنا قاراماستان تاماشا، تاڭ قالارلىق جۇمىستاردىڭ بارىن بايقادىم. الداعى ۋاقىتتا مۇنداي دارىستەردى ءارى قاراي جالعاستىرعىم كەلەدى.

الماتى. 3 ماۋسىم. قازاقپارات /ادىلەت مۇساحاەۆ/ - بۇل كۇندەرى الماتىداعى «بوبەك» ۇلتتىق عىلىمي-تاجىريبەلىك، ءبىلىم بەرۋ جانە ساۋىقتىرۋ ورتالىعىنداالەۋمەتتىك جاعدايى تومەن وتباسىدان شىققان تالانتتى بالالار مەن جەتكىنشەكتەرگە ارنالعان «سۋرەت ونەرى» ستۋدياسى جۇمىس ىستەۋدە.  وعان 9 بەن 15 جاس ارالىعىنداعى 40-قا جۋىق بالا قاتىسۋدا. وسى شارا اياسىندا قر سۋرەتشىلەر وداعىنىڭ مۇشەسى، تارلان مەملەكەتتىك سىيلىعىنىڭ لاۋرەاتى، بابالارعا ساباز بەرىپ جاتقان  دۋمان اليەۆتى اڭگىمەگە تارتىپ، سۋرەتشىلەردىڭ قازىرگى جاعدايىمەن تانىستىق.

- «سۋرەت ونەرى» ستۋدياسى شاراسى اياسىندا تالانتتى بالالارعا ساباق بەرىپ جاتىر ەكەنسىز. ساباقتارىڭىز قالاي ءتىپ جاتىر؟

- بۇگىن ءبىرىنشى رەت بالالارمەن جۇمىس ىستەگەندىكتەن ازداپ قوبالجىدىم. بىراق بالالار وتە  اقىلدى، ءارى مەيىرىمدى عوي. مەنى جاتىرقاعان جوق، سەنىم ءبىلدىرىپ، اقىل-كەڭەسىمدى سۇراپ جاتتى. بۇگىنگى دارىستەن وزىمە دە پايدالى تاجىريبە جيناقتادىم. العاشقى ساباقتا ادام پورترەتىن سالدىق. بۇل بالالار ءۇشىن قيىن تاقىرىپ، الايدا بالاقايلاردىڭ كوڭىلىن اۋلاپ، سىناماۋعا تىرىستىم. ولار قازىر كىشكەنتاي عوي، ءبارىن ەموتسيونالدىق تۇرعىدا قابىلدايدى. سوندىقتان، مۇمكىندىگىمشە قولداۋ كورسەتۋگە تىرىستىم. بىراق ارالارىندا جاسىنا قاراماستان تاماشا، تاڭ قالارلىق جۇمىستاردىڭ بارىن بايقادىم. الداعى ۋاقىتتا مۇنداي دارىستەردى ءارى قاراي جالعاستىرعىم كەلەدى.

«بوبەك» ۇلتتىق ورتالىعىنا ءبىرىنشى رەت كەلىپ وتىرمىن. ۇيىمداستىرۋشىلار تاراپىنان ءار بالاعا ەرەكشە كوڭىل بولىنگەندىگى، ستۋديانىڭ اشىلۋىنا ۇلكەن جاۋاپكەرشىلىكپەن قاراعانى بايقالادى. ساباق وتكىزۋ ءۇشىن بىزگە ارنايى كەڭ، جارىق، تىنىش اۋديتوريالار بەرىلدى. بۇگىنگى مەنىڭ ساباعىما 20-داي بالا قاتىستى. ءبىر دە ءبىر بالا كوڭىلىمنەن تاسا قالمادى، بىرلەسىپ اقىلداسىپ جۇمىس ىستەدىك.

- ساباق اياسىندا بالالارعا شەتەلگە بارعان ءىس-ساپارلارىڭىز، ساياحاتتاپ جۇرگەندە كورگەن مادەني ورىندار جايىندا بايانداپ بەردىڭىز. شەتەلگە ءجيى شىعىپ تۇراسىزدار ما؟

- شەتەلگە ءبىلىم جانە تاجىريبە الماسۋعا بارىپ تۇرامىز. 2007 جىلى اكەم دۋلات اليەۆپەن (قر سۋرەتشىلەر وداعىنىڭ مۇشەسى، «تارلان» مەملەكەتتىك سىيلىعىنىڭ لاۋرەاتى) بىرگە سۋرەتشىلەر ۇيىمىنىڭ ارنايى ۇيىمداستىرۋىمەن پاريجگە ەكى ايعا بارىپ قايتتىق. قالانىڭ ورتالىعىندا تۇرعاندىقتان بارلىق مۇراجايلار ۇيىمىزگە جاقىن بولدى. سۋرەتشىلەرمەن كەزدەسىپ، شىعارماشىلىعىمىزبەن ءبولىسىپ، جۇمىستارىمىزدى تانىستىردىق. بۇگىنگى تاڭدا ءبىزدىڭ ەلدە سۋرەتشىلەرگە ەركىن جۇمىس ىستەۋگە مۇمكىندىك بەرىلگەن. اكەم زامانىندا، ياعني كەڭەس وكىمەتى بيلەگەن تۇستا مۇنداي ەركىندىك جوق، قاتال باقىلاۋدا بولاتىن. ال قازىرگى تاڭدا وتاندىق سۋرەتشىلەر ءبىلىم الماسۋعا شەتەلگە بارۋعا جاعدايى بار. ءوز جۇمىستارىن شەتەلدىك كورمەلەردە ۇيىمداستىرىپ، ەلىمىزدىڭ مادەنيەتىن جات جۇرتقا تانىستىرىپ جاتقاندارى دا ءبىرشاما. قازاق حالقى ونەرلى عوي. الايدا ماقتاعانمەن كەمشىن تۇستارىمىز دا بار، ارينە. سانانى تۇرمىس بيلەگەن زاماندا ونەر جولىندا بىرگە جۇرگەن تالانتتى ارىپتەستەرىم وتباسىن اسىراۋ ءۇشىن باسقا سالادا قىزمەت ەتىپ كەلەدى. ەندى بىرەۋلەرى ديزاينەر بولىپ، ەكىنشىلەرى ءۇي جيھازىن جاساپ، قالعاندارى IT-تەحنولوگياسى بويىنشا بەزەندىرۋ جۇمىستارىمەن اينالىسىپ كۇيبەڭ تىرلىكتىڭ ارتىندا ءجۇر.

- سۋرەت ونەرى جولىندا جۇرگەن جاستارعا قانداي تىلەك ايتار ەدىڭىز؟

- بۇلدىرشىندەردىڭ العا قويعان ماقساتتارىنا كامىل سەنىممەن جەتۋىنە تىلەكتەسپىن. ارينە، بۇل جەردە اتا-انا مەن ۇستازدىڭ ورنى ەرەكشە. تارىداي بولىپ كىرىپ، تاۋداي بولىپ شىعۋىمىزعا سەپتىگىن تيگىزەتىن باستى تۇلعا، ارينە، ۇستاز عوي. الەۋمەتتىك جاعدايى تومەن وتباسىنان شىققان بالالار مەن اتا-اناسى جوق جەتىمدەر بالالارعا  ەرەكشە مەيىرىممەن قاراۋ كەرەك. سول مەيىرىمدى بىزگە ۇيرەتەتىن ۇستازدارىمىز. مەنىڭ بۇگىنگى جەتىستىكتەرىم ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ ەسكەن سەرگەباەۆ، اناتولي استاحوۆ، ەركىن مەرگەنوۆ، فاتيما جۇماشەۆا، مالىك جۇنىسباەۆ سىندى حاس شەبەرلەردىڭ بەرگەن ءتالىم-تاربيەسىنىڭ جەمىسى دەپ بىلەمىن. جاس سۋرەتشىلەر مەن مۇسىنشىلەرگە بەرەر ءبىر كەڭەسىم - ءاردايىم ءوز كۇشىڭە سەنىمدى بول!. سوندا عانا العا قويعان مۇراتىڭا اداسپاي جەتىپ، اينالاداعى ورتامەن بەيبىت ءومىر سۇرەتىن بولاسىڭ. سەبەبى، وركەنيەتتى ەلدىڭ ونەگەلى ۇرپاعى - قازىرگى جاستار!

- سوڭعى سۇراق. ءسىز سۋرەت ونەرىنە قالاي كەلدىڭىز، سول جايىندا ايتىپ بەرسەڭىز؟

- ەس كىرىپ، اينالامدى تۇسىنگەن كۇننەن باستاپ سۋرەتشىلەر قاۋىمىنىڭ ورتاسىندا ءوستىم. ۇيدە اكەم جۇمىس ىستەپ وتىرعاندا مەن دە قىزىعىپ بالالىق قۇلشىنىسپەن جانىنا وتىرا قالىپ، شيماي-شاتپاقتارىمدى سىزاتىنمىن. ءتىپتى، جۇمىس ىستەپ وتىرعان ساتىندە سۋرەتىنە ءوز قولتاڭبامدى قالدىرىپ كەتەتىنمىن. اكەم وعان ەش قارسىلىق بىلدىرمەيتىن. مەنى ءاردايىم قولداپ، بار بىلگەنىن ۇيرەتىپ، اقىل-كەڭەسىن بەرەتىن. بەينەلەۋ ونەرىنەن بىلگەنىم از بولار دەپ 5-سىنىپتا ارنايى رەسپۋبليكالىق كوركەم ونەر كوللەدجىنە وقۋعا ءتۇستىم. 11-سىنىپتى سول جەردە تامامداعان سوڭ، ت. جۇرگەنوۆ اتىنداعى قازاق ۇلتتىق ونەر اكادەمياسىنا وقۋعا تاپسىردىم. ءسويتىپ ءجۇرىپ ءمۇسىنشى ماماندىعى بويىنشا ءبىلىم الىپ شىقتىم. كەيىن ەكى جىل ماگيستراتۋرادا وقىپ، فاكۋلتەتتە ستۋدەنتتەرگە ساباق بەرە باستادىم. قازىر تاۋەلسىز سۋرەتشى، ءارى ءمۇسىنشىمىن. ساباق بەرمەگەنىمە ءبىراز جىل بولدى، سوندىقتان «بوبەك» ۇلتتىق ورتالىعىنىڭ قىزمەتكەرلەرى «سۋرەت ونەرى» ستۋدياسىنا شاقىرعاندا قۋانىپ قالدىم. ۇسىنىستارىن بەي-جاي قالدىرماي بوبەكتەرمەن بىرلەسىپ جۇمىس ىستەۋگە، اعا رەتىندە بىلگەن-تەرگەندەرىمدى ۇيرەتۋگە ءازىرمىن.

-    اڭگىمەڭىزگە راحمەت!