«اق جول» پارتياسىنان ۇمىتكەر دانيا ەسپاەۆانىڭ سايلاۋالدى شتابى تالدىقورعان قالاسىندا ۇگىت-ناسيحات كەزدەسۋلەرىن وتكىزدى.

ۇمىتكەردىڭ سايلاۋالدى باعادارلاماسىمەن اككۋمۋلياتور باتارەيالارىن ءوندىرۋشى «قاينار-ابك» جشس زاۆودىنىڭ قىزمەتكەرلەرى تانىستى. اتالمىش جەردە مىڭنان استام ادام جۇمىس جاسايدى. ونەركاسىپتىڭ قازاقستاندىق نارىقتا جۇرگەنىنە 40 جىلدان استى. سوڭعى جىلداردىڭ وزىندە شىعارىلاتىن ءونىم كولەمى 11 ەسە ارتىپ، ەكسپورت 14,5 ەسەگە ارتتى. ەگەر شىعارىلاتىن ءونىمنىڭ 40% جۋىعى ىشكى نارىققا كەلسە، 60% ەكسپورتتالادى. قازاقستاندىق اككۋمۋلياتوردى تەك كورشى رەسەي، قىتاي ەلدەرى ەمەس، گەرمانيا، بىرىككەن اراب امىرلىگى، افريكا قۇرلىعىنىڭ ەلدەرى سىندى مەملەكەتتەر دە پايدالانادى.

سايلاۋالدى شتابتىڭ جەتەكشىسى ازات پەرۋاشەۆتىڭ سوزىنشە وسىنداي ونەركاسىپتەرگە مەملەكەتتىك قولداۋدىڭ جاڭا مەحانيزمدەرىن ەنگىزۋ كەرەك. ولار «اق جول» پارتياسىنان ۇمىتكەر دانيا ەسپاەۆانىڭ سايلاۋالدى باعدارلاماسىندا كورىنىس تاپقان.

«سايلاۋالدى باعدارلامادا تەك شاعىن جانە ورتا بيزنەستى ىنتالاندىرۋ عانا ەمەس، مەملەكەت ەكونوميكاسىنىڭ باسىم بولىگىن قامتيتىن ءىرى ونەركاسىپتەرگە قولداۋ كورسەتۋ قاراسىتىرىلعان.  مىسالى، ونەركاسىپتىڭ باسىم سالالارى ءۇشىن، ونىڭ ىشىندە ماشينا جاساۋ وندىرىسىنە،  سالىق تولەمدەرىنىڭ تومەن مولشەرلەمەلەرىن ەنگىزۋ. سونداي-اق، بيزنەس سۋبەكتىلەرى ءۇشىن نەسيەنىڭ پايىزدىق مولشەرلەمەسىن ازايتۋ. قازىرگى ەكسپورتتى قولداۋ باعدارلاماسىن قايتا قاراپ، ونى كەڭەيتۋ قاجەت»،- دەدى پەرۋاشەۆ. 

سايلاۋالدى شتاب مۇشەلەرى تالدىقورعانداعى الەۋمەتتىك نىساندارعا، ونىڭ ىشىندە «نۇر اۆيتسەنۋم» مەديتسينالىق ورتالىعىنا باس سۇقتى.

ەمدەلۋشىلەرگە ءتۇرلى مەديتسينالىق قىزمەتتەر كورسەتەتىن ەمحانا 20 جىلدان استام جۇمىس جاسايدى. ەمحانانىڭ باستى باعىتى – كارديولوگيا. كەزدەسۋ بارىسىندا ايماقتارداعى مەديتسينالىق قىزمەت كورسەتۋ ساپاسىن جاقسارتۋ بويىنشا پىكىرلەر مەن ۇسىنىستار تىڭدالدى.

*ماتەريالدىڭ اقىسى قازاقستان پرەزيدەنتتىگىنە ۇمىتكەر د.م.ەسپاەۆانىڭ سايلاۋ قورى قاراجاتىنىڭ ەسەبىنەن تولەندى.

Abai.kz