ۇلكەن بۋىننىڭ ءىشىن ۋداي اشىتاتىن ءبىر انىق بار. ۋاقىت وتەدى. جاڭا بۋىن وسەدى. ولار ءۇشىن كەڭەس وداعى، قىزىل تۋ كومسومول دەگەن ۇعىمدار "شىرىگەن" كەرەكسىز تاريح بولىپ قالادى.

كەشىرىپ قويىڭىز، بىراق ولار ءۇشىن "ۇلى وتان سوعىسى" ءسوزى دە ماڭىزىن جوعالتۋى مۇمكىن. جەكەلەگەن شىن باتىرلاردىڭ ەسىمى عانا دەتال رەتىندە قولدانىلادى. ەگەر ەسكە السا تەك قازاقتىڭ كەزەكتى رەت جاپپاي قىرىلعان ناۋبەتىنىڭ ءبىرى دەپ ەسكە الادى. ەسكە السا تەك، وركەنيەتتىڭ دامۋىن شەكتەگەن كەزەڭ دەپ ەسكە الادى.

ولار نولدەن، اقىلمەن ويلانىپ ەمەس، جەكەشەلەندىرۋمەن بايىعان بايلاردى باعالامايدى. قازىر دە قاتتى سىيلايدى دەمەس ەدىم. جاڭا ۇرپاق وتكەننىڭ ەستەلىگىمەن ءومىر سۇرمەيدى. ءبىزدى قويشى، Z بۋىنى اعالاردىڭ اقىلى كەم بولسا، ولاردى جۇرە تىڭداۋدى ار سانامايدى. ول دۇرىس تا.