ەلباسىنىڭ باستاماشىلىعىمەن قۇرىلىپ، ۇزاق جىل بويى جۇمىس ىستەپ كەلە جاتقان «قازاقستان حالقى اسسامبلەياسىنىڭ» ەل ومىرىندە الار ءوز ورنى بار. بۇگىندە كونستيتۋتسيالىق ورگان دەپ مويىندالاتىن اسسامبلەيادان ەل پارلامەنتىنە دەپۋتاتتار سايلانىپ ءجۇر. 2016 جىلعى 20 ناۋرىزدان كەيىنگى پارلامەنت سايلاۋىنىڭ ناتيجەسىندە بۇلارعا ماجىلىستەن توعىز ماندات بۇيىرعان. 

«قازاقستان حالقى اسسامبلەياسى» پارلامەنت قابىرعاسىندا وزەكتى ماسەلەلەردى كوتەرىپ قانا قويماي، وزبەتتەرىنشە دە ەلدىڭ ەرتەڭى، مەملەكەتتىڭ بولاشاعى ءۇشىن، قازاقستان حالىقتارىنىڭ دوستىعى جولىندا قال-قادىرىنشە حالىققا پايداسىن تيگىزىپ كەلەدى. ءتىپتى بۇل ۇيىمدى ەلىمىزدەگى كوپ ەتنوستاردىڭ باسىن بىرىكتىرىپ، ەل حالقىنىڭ ىنتىماعىن جاراستىرىپ وىترعان تاتۋلىق ورداسى دەۋگە نەگىز بار. ەندى ءسوزىمىز دالەلدى بولۋ ءۇشىن اسسامبلەيا قولعا العان بىرقاتار ءىس-شارالارعا توقتالايىق.

ەرەكشە ايتا كەتەرلىگى، بيىل اقپان ايىنان باستاپ مەملەكەت باسشىسىنىڭ وكىمىمەن جانسەيىت قانسەيىتۇلى تۇيمەباەۆ قازاقستان حالقى اسسامبلەياسى توراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىنە تاعايىندالدى. اسسامبلەيا تىزگىنىن ءىرى باسشىلىق قىزمەتتەردە ۇزاق ۋاقىت ءونىمدى قىزمەت اتقارعان جانسەيىت قانسەيىتۇلىنىڭ ۇستاۋىمەن، ۇيىم جۇمىسى بۇرىنعىدان دا جاندانا ءتۇستى.

اتاپ ايتار بولساق، جاقىندا جانسەيىت تۇيمەباەۆ الماتى قالاسىندا قازاقستان كورەيلەرى قاۋىمداستىعىنىڭ بەلسەندىلەرىمەن كەزدەستى. ەرەكشە ايتا كەتەرلگى، قحا توراعاسىنىڭ ورىنباسارىمەن كەزدەسۋگە قازاقستان كورەيلەرى قاۋىمداستىعىنىڭ وكىلدەرى بارىنشا قىزىعۋشىلىق تانىتتى. مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترىنىڭ شىعارماشىلىق ۇجىمىمەن كەزدەسكەن تۇيمەباەۆ اتالعان تەاتر ارتيستەرى دايىنداعان، ناۋرىز مەرەكەسىنە ارنالعان قويىلىمدى تاماشالادى.

قازاقستان كوپۇلتتى مەملەكەت. ءارى ەلىمىزدە ءومىر ءسۇرىپ وتىرعان 130 ۇلت وكىلدەرى ءوزارا تاتۋلىعىمەن الەمدى تامساندىرىپ وتىر. شىنىن ايتۋ كەرەك، بۇل تۇرعىدا الەمدىك ارەناداعى ءىرى ەلدەردىڭ ءوزى بىزگە قىزىعا قارايتىن جاعدايدى. قوناقتار قازاقستان كارىستەرى قاۋىمداستىعىنىڭ 15 جىلدىعىنا ورايلاستىرىپ سالىنعان مادەني ورتالىقتىڭ تاريحىمەن تانىسۋ بارىسىندا ەلىمىزدەگى كورەي ۇلتىنىڭ قازاقستان سىندى ماڭگىلىك ەلدىڭ ماڭگىلىك بولشەگىنە اينالعانىنا كوزدەرى جەتتى.

بۇل ويىمىزدى قازاقستان حالقى اسسامبلەياسى توراعاسىنىڭ ورىنباسارى تۇيمەباۆتىڭ سوزدەرى ناقتىلاي ءتۇستى. ول ءوز سوزىندە كورەي ەتنوسى قازاقستان حالقىنىڭ اجىراماس ءبولى ەكەنىن اتاپ كورسەتتى. ءارى كورەي ەتنوسىنىڭ ءبىزدىڭ تاۋەلسىز مەملەكەتىمىزدىڭ قالىپتاسۋى مەن دامۋىنا ءوز دەڭگەيىنە لايىقتى ۇلەس قوسىپ وتىرعانىن قايتالاپ ەسكە سالدى. سونىمەن قاتار، ەتنوسقا قوعامدىق سانانى جاڭعىرتۋ ۇدەرىسىنە تارتۋ، جاستار جىلىن وتكىزۋگە قاتىسۋ، جاستار ستارتاپتارىن قولداۋ جانە جاڭا الەۋمەتتىك تۇرعىدان قالىپتاستىرۋ باعىتىندا بىرقاتار ناقتى تاپسىرمالار بەردى.

ءبىز ءسوز ەتىپ وتىرعان ۇيىم ەلباسى «نۇر وتان» پارتياسىنىڭ سەزىندە ورتاعا قويعان از قامتىلعان وتبىلارعا كومەكتى كوبەيتۋ تاپسىرماسىنا دا ءۇن قوسىپ وتىر. اتاپ ايتساق، قازاقستان حالقى اسسامبلەياسى بيىل اقپان ايىنىڭ سوڭىنان باستاپ حالىقتىڭ الەۋمەتتىك وسال توپتارىن قولداۋدى كوزدەگەن جوبالاردى جانداندىرۋدا. ماسەلەن بەس جىلدان بەرى ۇيىمداستىرىلىپ كەلە جاتقان «قايىرىمدىلىق كەرۋەنى» جوباسى اياسىندا «شاشۋ» رەسپۋبليكالىق قايىرىمدىلىق اكتسياسىن جوعارى دەڭگەيگە كوتەرۋدى كوزدەپ وتىر. بۇندا ەلدەگى از قامتىلعان وتباسىلارعا كومەك قولىن سوزۋ باستى ماقسات بولماق. ەرەكشە ايتا كەتەرلىگى، بۇنداي قايىلىمدىلىق شارالارى جىلدىڭ əر ايىندا «قامقور»، «توقىمقاعار»، «ەرۋلىك»، «جىلۋ»، «كورىمدىك»، «باتا»، «بەس جاقسى»، «كəدە» دەگەن قازاقتىڭ دəستۇرلەرىنە نەگىزدەلگەن اتاۋلارمەن ۇيىمداستىرىلماق.

Abai.kz