ۇمىتكەر ءا.قوسانوۆتىڭ تىكەلەي ەفيرىن كەيىنگە قالدىرعانىن وزىمشە، حالىقتىڭ قولداۋىن كورگەن ءىرى كاسىپكەرلەر ءا.قوسانوۆتى جاعالاي باستاپ، سولاردىڭ بىرىمەن كەزدەسكەن بولار دەپ بولجادىم. كەلەسى اپتادا پريوريتەتىن جاسىرىن بولسا دا وزگەرتىپ، امىرجانعا قارجىلاي كومەكتەسەتىن كاسىپكەرلەردىڭ سانى ارتۋى مۇمكىن.

نەگىزگى ۇمىتكەرلەردىڭ ءبىرى بىرىنەن كەيىن ءبىر تاكتيكالىق تا، ستراتەگيالىق تا قاتەلىكتەر جىبەرىپ جاتقانىن بايقاعان بولارسىزدار..
ەل الدىندا سۇيكىمى كەتكەن كەلىنشەكتى كىم شتابقا قوسىپ، ەل الدىنا شىعاردى؟
ءوز ۇمىتكەرىن كۇلكىگە قالدىرۋ ءۇشىن بە؟
بۇرىن ايتىلعانىمەن ىسكە اسپاعان ءسوزدى ۇمىتكەردىڭ اۋزىنا كىم سالدى؟

دەگەنمەن، ءبىز ءۇشىن بۇگىنگى باستى وقيعا ساۋلە ابىلداحانقىزى facebook كە شىعارعان بەينەروليكتەر بولدى..
قاجىگەلدين، رىسقاليەۆتەر مەن ەرمۇرات باپي، ابزال قۇسپان، ساۋلە ابىلداحانقىزىن ەلدىڭ تاعدىرى بايلانىستىردى دەسەك تە، كوڭىلىمىزدە ءبىراز سۇراق قالىپ قويدى.

قۇرامىندا قاجىگەلدين مەن رىسقاليەۆ بار پارتيا شىنىمەن پارلامەنتتەن ماندات الۋعا ءۇمىتتى مە؟ ماندات تيسە، ونىڭ وتەۋى نە بولماق؟
"دويبىشىنى" وپپوزيتسيالىق الاڭنان مۇلدەم ىعىستىرۋ ما؟
بۇل سۇراقتاردىڭ جاۋابىن الداعى ۋاقىتتا ءبىلىپ قالارمىز...

ءومىر شىنىبەكۇلىنىڭ facebook پاراقشاسىنان

Abai.kz