كەشە قر پرەمەر-ءمينيسترى اسقار مامينا ايماق باسشىلارىنا بالالاردىڭ جازعى دەمالىس ۋاقىتىن ۇيىمداستىرۋدى باقىلاۋعا الۋ قاجەتتىگىن ەسكەرتتى. جانە، اتالعان ماسەلە بويىنشا قر ءبىلىم جانە عىلىم مينيسترلىگىنىڭ لاگەرلەردىڭ سانىن ارتتىرۋ ۇسىنىسىنا قولداۋ ءبىلدىردى.

وسىعان سايكەس، وڭىرلەردە دە ىرگەلى ىستەر اتقارىلماق. ماسەلەن، قىزىلوردا وبلىسىندا مەكتەپ جانىنان ۇيىمداستىرىلعان 550 ورتالىق پەن 9 لاگەردە 145 مىڭ بالا دەمالماق. ودان بولەك، قىزىلوردالىق بالاقايلار الماتى، تۇركىستان، اقمولا وڭىرلەرىنىڭ دەمالىس ورىندارىنا جىبەرىلەدى. سونىمەن قاتار، 20 مىڭداي وقۋشى تاريحي-مادەني ورىندارمەن تانىسپاق. ايتا كەتەرلىگى وقۋشىلاردىڭ بۇل ساياحات ەلباسىمىز ن.نازارباەۆتىڭ «رۋحاني جاڭعىرۋ» باعدارلاماسىنىڭ اياسىندا جۇزەگە اسپاق.

تاعى ءبىر ايتا كەتەرلىگى، تولىق ەمەس وتباسىنىڭ بالالارى مۇمكىندىگى شەكتەۋلى وتباسىلاردان شىققان 26 مىڭداي بالا لاگەرگە تەگىن باراتىن بولادى.

قازىر وڭىردەگى ساۋىقتىرۋ ورىندارى وقۋشىلاردى قابىلداۋعا ازىرلىك جۇرگىزىپ جاتقان كورىنەدى. دەمالىس كەزىندە بالالارعا ءبىلىم بەرۋ، پسيحولوگيالىق جانە كوممۋنيكاتيۆتىك قىزمەت كورسەتۋ ورتالىقتارىندا بالا قاۋىپسىزدىگى قاتاڭ باقىلاۋدا بولادى.

بۇگىندە تيپتىك جوباداعى لاگەر قىزىلوردا وبلىسى بويىنشا تەك قارماقشى جوق. الايدا، وبلىستىق ءبىلىم باسقارماسىنىڭ ءبولىم باسشىسى ءمادي بەكماعامبەتوۆتىڭ ايتۋىنشا، قازىر قارماقشى اۋدانىندا جىل بويى جۇمىس ىستەيتىن لاشەردىڭ قۇرىلىسى ءجۇرىپ جاتقان كورىنەدى. وعان وبلىس بيۋدجەتىنەن قاجەتتى قاراجات تا بولىنگەن. ال، نىسان پايدالانۋعا بەرىلگەنشە قارماقشى اۋدانىنىڭ وقۋشىلارى باسقا ايماقتاعى 9 بالالار ساۋىقتىرۋ ورتالىقتارىنا جىبەرىلەدى.جانە، وڭىرەدىگ قالتالى ازاماتتاردىڭ قولداۋىمەن قوسىمشا 16 مىڭ بالا جازعى دەمالىسىن ارانيى ورىنداردا وتكىزەتىن بولادى.

داۋرەن سەيىتجانوۆ

Abai.kz