مەن - جاڭاوزەن قالاسىنىڭ تۇرعىنى، تەمىر بابانىڭ شىراقشىسى  قاشقىنباي مۇراداليەۆپىن. اللاتاعالانىڭ بەرگەن قاسيەتىنىڭ ارقاسىندا سىرقاتى بار جاندارعا ەمشىلىك كومەگىمدى بەرىپ، ەلگە قىزمەت ەتىپ كەلەمىن. دەرتىنە شيپا العان جاندارعا قاراپ قۋانامىن. مەنىڭ تىلەگىم - ەلدىڭ امانشىلىعى مەن بەيبىتشىلىگى.

مەن - جاڭاوزەن قالاسىنىڭ تۇرعىنى، تەمىر بابانىڭ شىراقشىسى  قاشقىنباي مۇراداليەۆپىن. اللاتاعالانىڭ بەرگەن قاسيەتىنىڭ ارقاسىندا سىرقاتى بار جاندارعا ەمشىلىك كومەگىمدى بەرىپ، ەلگە قىزمەت ەتىپ كەلەمىن. دەرتىنە شيپا العان جاندارعا قاراپ قۋانامىن. مەنىڭ تىلەگىم - ەلدىڭ امانشىلىعى مەن بەيبىتشىلىگى.

قازىرگى قالامىزدا بولىپ جاتقان جاعداي مەنى دە الاڭداتادى. ەندى وسىعان بايلانىستى جاقىندا ءوز باسىمدا بولعان جايتپەن سىزدەرمەن بولىسكىم كەلەدى. جاقىندا ءتۇس كوردىم.تۇسىمدە كوك اسپاندى قاق جارىپ شىعىپ، اتاقتى عالىم ورازماعانبەت تۇرماعانبەتۇلىنىڭ شاكىرتى، وسى ولكەدە 1812 جىلدارى ءومىر سۇرگەن ءدالۋ اتامىز بىلاي دەپ ايان بەردى: «بۇل جەر قاسيەتتى ءارى مۇنايدىڭ كىندىگى بولىپ ەسەپتەلەدى. مۇنىڭ بىردەن-ءبىر سەبەبى - بۇل ايماقتا 362 اۋليە جاتىر. سوندىقتان دا، ارتىق مال، دۇنيە جيناۋعا، بايلىققا ءۇيىر نەمەسە قۇمار بولۋعا بولمايدى. قاناعاتتى ۇمىتپاۋ قاجەت. بولاشاقتى ويلاڭدار! ورىنسىز داۋ شىعارىپ، ەرەگەسسەڭدەر، جەردىڭ بايلىعىن، كيەسىن قاشىرىپ الاسىڭدار. اركىم ءوزى ءبىلىم الىپ جاتقان ءبىلىم ورداسىن، ەڭبەك ەتىپ جاتقان جۇمىس ورنىن قادىرلەسىن! جەتكىز وسىنى بارلىعىنا! ەگەر ەشتەڭە بەرمەي قالسام، قايتەسىڭدەر!؟ ەسكەرت!  ەسكەرت! ەسكەرت!»،- دەپ وڭ جۇدىرىعىن ءۇش رەت كوتەردى. مەنەن سودان بەرى مازا كەتتى. ەلدىڭ جاعدايى قازىر جامان ەمەس. ءتىپتى بۇنداي جاعداي حالقىمىزدىڭ باسىندا بولىپ كورگەن جوق قوي. مىنە، وسىنداي زاماندا قاناعاتسىزدىققا ۇرىنىپ، بايلىقتىڭ جولىنا ءتۇسىپ، بارىمىزدان ايىرىلىپ قالمايىق، اعايىن! ەرەگەسكەننەن پايدا جوق، ەڭبەك ەتەيىك، بارعا قاناعات قىلايىق. ەلدىڭ اماندىعىن، تىنىشتىعىن ويلايىق، ازاماتتار! مەنىڭ بۇل ءسوزىم، اۋليەلەردىڭ، اتا-بابالاردىڭ ايتقانى دەپ تۇسىنىڭىزدەر. ەڭبەگىمىزدى جالعاستىرىپ، ەلدىڭ ءىشىن دۇرلىكتىرمەي، بارعا ريزا بولىپ، ىنساپقا بەرىك بولايىق. امان-ساۋ بولايىق.

قاشقىنباي مۇراداليەۆ،

جاڭاوزەن قالاسىنىڭ تۇرعىنى،

تەمىر بابانىڭ شىراقشىسى