توپىراعىڭ تورقا بولعىر كانىستانتىن سەرگەيۇلى ستانيسلاۆسكي اكتەر قاۋىمىن "نە ۆەريۋ!" - دەگەن ايعايمەن وقىتۋدى ۇيرەتىپ كەتتى. قاشان "ۆەريۋ!" - ەستىلەگنشە ازاپقا ءتۇسىپ ۇيرەندىك.
كەشەگى دەباتقانداردى كورىپ وتىرىپ "نە ۆەريۋ!" - ءوز اۋزىمنان دا شىعىپ كەتتى. نە دەگەن جاساندىقۇمار، جاساندىجەرىك، جاساندىتۋار ەل بولىپ بارامىز؟!

بيلىك تۇگىل سوعان قارسى تۇرماق وپپوزيتسيانىڭ ءوزى سول جاساندى ستسەناريدەگى رولگە رازى سياقتى. مەنىڭ فبتاعى جازعاندارىمدى وقىپ جۇرگەندەر بولسا وۋ باستا-اق وسى سايلاۋعا باس تىككەن ازاماتتارعا "قارسىلاستىڭ ويىن ءتارتىبىن قابىلدادى" - دەپ قىنجىلىپ ەدىم. ەندى نە بولدى؟

اينالىپ كەتەيىندەر، جاساندىلىق ءبىزدىڭ كاسىپكە ءتان قىلىق. بىراق ءبىز جاڭاعى "نە ۆەريۋ!" - دەگەن ايعاي شىقپاس ءۇشىن سەندىرەمىز. ساحناداعى بىزگە سەنگەن سوڭ سىزدەر كورەرمەن زالىندا وتىرىپ بىردە كۇلەسىز، بىردە جىلايسىز. ءسويتىپ ءبىز الدىمىزدا وتىرعان شاعىن توپتى يلاندىرا الامىز. ول توپ ءبىزدىڭ جاساندى ءومىردى شىنايى سۇرگەنىمىزگە ريزا بولادى، سوعان دايىن بولىپ كەلەدى. ونەر ادامىن ساياساتقا تىقپالاپ جىبەرگىلەرىڭ كەلەدى قايسىبىرلەرىڭ. وندا نە ۇتاسىز؟ ءبىزدىڭ ءسوزىمىزدىڭ دۋالى كەزى ساحنادا عانا. بەلگىلى، دايىن اۋديتوريادا عانا. ەكونوميكالىق، قۇقىقتىق ءبىلىم جوق بىزدە. كەيدە ءبىر ۇتىمدى وي، تۇشىمدى ءسوز ايتىپ قالساق، ول - ەموتسيانىڭ، باستاعى ميدىڭ، ساناداعى ءبىلىمنىڭ ناتيجەسى عانا. بىراق، ەل-جۇرتتىڭ حال-احۋالىن ءبىر كىسىدەي ۇعامىز، سول ءۇشىن شىرىلدايمىز. ساياساتكەرگە كوپشىلىك ەلوكتورات بولسا، بىزگە ولار - مارتەبەلى كورەرمەن! كورەرمەنسىز ونەر تۇل! سوندىقتان ەلدىڭ مۇڭى مەن جوعىن جوقتايمىز.

ال، مىناۋ نە بولدى سوندا؟! ەل تۇگىل شاعىن توپ، توپ ەمەس توبىر ەرتەتىن ەرتەگى ايتا الماي كەتتىڭدەر عوي!
بىرەۋلەر وتىز كۇن ۇستاعان ورازاسىن پەشكەش قىلىپ، قايتا-قايتا ەسكە سالادى. بىلە بىلسەڭدەر كۇللى قازاق وتىز جىل ورازادا ! ايتارىن ايتپاي، عايبات كەتپەي، ءوز قولىن ءوزى كەسپەي، "سەن" دەسپەي، بەلدەسپەي تۇتىلىپ وتىر. بيلىكتىڭ ستسەناريى بويىنشا بي بيلەپ سەنگەندەرىمىز، سەنەيىك دەگەندەرىمىز ءجۇر.

نە دەباتسىڭدار سوندا؟ سايلاۋ وتكەن سوڭ نە دەباتاسىزدار؟ سول ەفير كەرەك پە ەدى ءوزى؟ باس قارسىلاس كەلمەيتىنىن ەستىگەندە باس تارتۋعا بولماس پا ەدى؟...
ۋاتساپ پەن ينستاگرام، يۋتۋبتان ودان دا جاقسى تارالىم جاساۋعا بولاتىن ەدى عوي.
ميىم جەتپەدى، قويىلىم ءساتسىز بولدى. نە ۆەريۋ!