اقوردا جاقتان جىبىر-سىبىر سىبىس شىقتى: نۇرعا بولەنگەن بيلىك پارتياسىنا بالاما «اق جول» بولادى دەگەن. ءورىپ جۇرگەن وسەك ەمەس، ەلورداعا ەتەنە جاقىن جۇرگەندەر ايتادى: «جۋىقتا «اق جولدىڭ» قۇرىلتايى ءوتىپ، اۋدەم جەر اۋپىرىممەن كەلگەن ءاليحان بايمەنوۆتىڭ ورنىنا ارقىراعان ازات پەرۋاشەۆ كەلەدى...» - دەپ. اتى «ازات» بولسا دا، زاتى بيلىكتىڭ كوگەنىنە بايلاۋلى پەرۋاشەۆتىڭ ءپاتۋاسى ءپانياتنا - ول جۇرگەن جەرگە ارام ءشوپ تە شىقپايتىنى ازاماتتىق پارتيادان بەرى بەلگىلى.

اگاركي سول سىبىس راس بولسا، قوعامنىڭ قومىندا ارلى-بەرى اۋناقشىپ جۇرگەن ءبىراز جۇك تۇسەيىن دەپ تۇر. ونىڭ ءبىرىنشىسى - بالگەر بىتكەننىڭ بولجامىنا بۇگىنگە دەيىن بوي بەرمەي كەلگەن پارلامەنتتىك سايلاۋدىڭ كۇنى تۋدى دەگەن ءسوز: اقوردا «اپاما جەزدەم ساي» سىبايلاسىن سايلاپ الۋدىڭ استارلى امالىن قامداپ جاتقانى. ياعني ايدىڭ-كۇننىڭ امانىندا ارقا جالى اربيىپ جۇرەتىن پەرۋاشەۆ پەرگىلەپ وتىرىپ، «اق جولدى» وپپوزيتسيا ويىنىنا وپ-وڭاي قوسادى دا جىبەرەدى. سويتەدى دە، بۇعان دەيىن بۇعىپ جۇرگەن «اق جول» بيلىكتىڭ «جاعاسىنان العان» پارتيا رەتىندە پارلامەنتتىڭ پارتاسىنا بىلش ەتىپ وتىرا قالادى.

اقوردا جاقتان جىبىر-سىبىر سىبىس شىقتى: نۇرعا بولەنگەن بيلىك پارتياسىنا بالاما «اق جول» بولادى دەگەن. ءورىپ جۇرگەن وسەك ەمەس، ەلورداعا ەتەنە جاقىن جۇرگەندەر ايتادى: «جۋىقتا «اق جولدىڭ» قۇرىلتايى ءوتىپ، اۋدەم جەر اۋپىرىممەن كەلگەن ءاليحان بايمەنوۆتىڭ ورنىنا ارقىراعان ازات پەرۋاشەۆ كەلەدى...» - دەپ. اتى «ازات» بولسا دا، زاتى بيلىكتىڭ كوگەنىنە بايلاۋلى پەرۋاشەۆتىڭ ءپاتۋاسى ءپانياتنا - ول جۇرگەن جەرگە ارام ءشوپ تە شىقپايتىنى ازاماتتىق پارتيادان بەرى بەلگىلى.

اگاركي سول سىبىس راس بولسا، قوعامنىڭ قومىندا ارلى-بەرى اۋناقشىپ جۇرگەن ءبىراز جۇك تۇسەيىن دەپ تۇر. ونىڭ ءبىرىنشىسى - بالگەر بىتكەننىڭ بولجامىنا بۇگىنگە دەيىن بوي بەرمەي كەلگەن پارلامەنتتىك سايلاۋدىڭ كۇنى تۋدى دەگەن ءسوز: اقوردا «اپاما جەزدەم ساي» سىبايلاسىن سايلاپ الۋدىڭ استارلى امالىن قامداپ جاتقانى. ياعني ايدىڭ-كۇننىڭ امانىندا ارقا جالى اربيىپ جۇرەتىن پەرۋاشەۆ پەرگىلەپ وتىرىپ، «اق جولدى» وپپوزيتسيا ويىنىنا وپ-وڭاي قوسادى دا جىبەرەدى. سويتەدى دە، بۇعان دەيىن بۇعىپ جۇرگەن «اق جول» بيلىكتىڭ «جاعاسىنان العان» پارتيا رەتىندە پارلامەنتتىڭ پارتاسىنا بىلش ەتىپ وتىرا قالادى.

ازات شىراقتىڭ شىڭعىرىسى ساياساتتىڭ سايىنداعى سۋىردىڭ ايعىرىنان اينىماسا دا، وعان «اق جولدىڭ» ارقان-ءجىبىن كىم ۇستاتادى؟ بۇل - قوعامنىڭ قومىندا جۇرگەن ەكىنشى جۇكتىڭ سۇراۋى. ەلدىڭ ەسىندە: پرەزيدەنتتىڭ پارلامەنتتەن وپپوزيتسياعا ورىن بەرەمىز دەگەنى. التىنبەك-بولاتتارمەن ايىرىلىسقان سوڭ، قاڭقاسى قالعان «اق جولعا» دەم سالماق بولعانى - بەرمەك بولعانى دەي بەرىڭىز. ەندەشە، ول «وپپوزيتسيانى» وعاشتىڭ ويىنشىعى قىلماسى - بۇل قوعامعا تاعى دا قانىق قاعيدا.

«قاعيدا» دەگەننەن شىعادى، ەستىلگەن سىبىستىڭ سىپسىڭ ءسوز ەمەستىگىن «ستراتەگيا» دەگەن يتبىلمەس ينستيتۋت دالەلدەپ جاتىر. ول دا پەرۋاشەۆتىڭ پوشىمىنداي پرەزيدەنتتىڭ اكىمشىلىگى امەڭگەر ەتكەن ينستيتۋت بولعاندىقتان، بۇ قوعامدا «نۇر وتاننان» كەيىنگى دوكەي پارتيا «اق جول» دەگەن «تۇجىرىم» ءتۇيىپتى. قالجىڭ ەمەس، ينستيتۋت ءيىن قاندىرعان حاباردى وقىڭىز: «ەگەر «نۇر وتان» پارتياسىمەن باسەكەگە تۇسە الاتىن جاڭا پارتيانىڭ پايدا بولۋ قاجەتتىگى تۋرالى ايتاتىن بولساق، بۇل - اتالعان ورىندى باسىپ الا الاتىن ساياسي كۇش... «اق جول» بولادى» - دەپتى (قازتاگ). قۇي كۇل، قۇي جىلا: «اق جول» پارتياسى «نۇر وتان» ەلەكتوراتىنىڭ باستى «مۇراگەرى» رەتىندە 14% پايىز داۋىس الادى دەپ، دوعال دولبار دايىنداعان ەكەن.

قىلقىنىپ قالساڭ دا سول - شەشىم شىعىپ قويعان! سىبىستا سىپسىڭ جوق: «اق جول» ەندى وپپوزيتسيا ويىنىنا كىرىسەدى. بايمەنوۆتىڭ كەزىندە ءماندى ءبىر ميتينگ تۇگىلى، دەنى دۇرىس دوڭگەلەك ۇستەل وتكىزبەگەن پارتيا ەندى ون ءتورت پايىز حالىقتى سوڭىنان شۇبىرتادى-اي كەپ-كەپ-كەپ!

ولاي بولسا، «اق جولدىڭ» ەندىگى يەسى كىم بولادى دەيسىز عوي؟ تاڭداناتىن تۇگى جوق، ارينە - تيمۋر. ماشكەۆيچتىڭ مەنشىگىنەن كەتكەلى پەرۋاشەۆ تيمۋردىڭ توبىندا. ال تيمۋر جانە ونىڭ كومانداسى - اتاسىنىڭ بالاسى. ءبارى قيسىندى. باسقانىڭ وپپوزيتسيا بولۋى - وقىس.

...ايتپاقشى، «وقىس» دەمەكشى، سوندا «اق جول» اقورداعا اتتانعاندا، جارماحان-بولاتتاردىڭ «ازات» پارتياسى قايدا قالادى؟

قايدا قالۋشى ەدى؟! ادەتتە، ادىلەت حالىق جاعىندا ەمەس پە ەدى...

«وبششەستۆەننايا پوزيتسيا»

(پروەكت «DAT» № 23 (106) 22 ماۋسىم 2011 جىل