«حالىقارالىق قاتىناستار جۇيەسىندەگى يسلام كونفەرەنتسياسى ۇيىمىنىڭ ءرولى»
«حالىقارالىق قاتىناستار جۇيەسىندەگى يسلام كونفەرەنتسياسى ۇيىمىنىڭ ءرولى» تاقىرىبىندا وتكەن دوڭگەلەك ۇستەلدىڭ
قورىتىندىسى
ۇستىمىزدەگى جىلدىڭ 22 ماۋسىم كۇنى الماتى قالاسى اكىمشىلىگىنىڭ ىشكى ساياسات باسقارماسىنىڭ قولداۋىمەن «لاۋحا» عىلىمي-زەرتتەۋ ورتالىعى قوعامدىق قورى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «حالىقارالىق قاتىناستار جۇيەسىندەگى يسلام كونفەرەنتسياسى ۇيىمىنىڭ ءرولى» تاقىرىبىندا دوڭگەلەك ۇستەل وتكىزدى (الماتى قالاسى، جامبىل كوشەسى، 25). اتالمىش شاراعا تاريحشى، ەكونوميست، ساياساتتانۋشى جانە حالىقارالىق قاتىناستار ماماندارى قاتىسىپ، وي ءبولىستى.
دوڭگەلەك ۇستەل بارىسىندا قازىرگى قالىپتاسقان حالىقارالىق قاتىناستار جۇيەسىنىڭ پايدا بولۋى، دامۋ كەزەڭدەرى، «قىرعي قاباق» سوعىسىنىڭ اياقتالۋى مەن بيپوليارلىق جۇيەنىڭ ىدىراۋىنا سەبەپ بولعان ماسەلەلەر قاراستىرىلدى. الەمدىك قاۋىپسىزدىكتى قامتاماسىز ەتۋدەگى، حالىقارالىق ساۋدا-ساتتىقتا جانە ءوزارا مادەني الماسۋدا حالىقارالىق ۇيىمداردىڭ، سونىڭ ىشىندە يسلام كونفەرەنتسياسى ۇيىمىنىڭ ءرولى مەن قىزمەتى تالقىعا سالىندى.
«حالىقارالىق قاتىناستار جۇيەسىندەگى يسلام كونفەرەنتسياسى ۇيىمىنىڭ ءرولى» تاقىرىبىندا وتكەن دوڭگەلەك ۇستەلدىڭ
قورىتىندىسى
ۇستىمىزدەگى جىلدىڭ 22 ماۋسىم كۇنى الماتى قالاسى اكىمشىلىگىنىڭ ىشكى ساياسات باسقارماسىنىڭ قولداۋىمەن «لاۋحا» عىلىمي-زەرتتەۋ ورتالىعى قوعامدىق قورى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «حالىقارالىق قاتىناستار جۇيەسىندەگى يسلام كونفەرەنتسياسى ۇيىمىنىڭ ءرولى» تاقىرىبىندا دوڭگەلەك ۇستەل وتكىزدى (الماتى قالاسى، جامبىل كوشەسى، 25). اتالمىش شاراعا تاريحشى، ەكونوميست، ساياساتتانۋشى جانە حالىقارالىق قاتىناستار ماماندارى قاتىسىپ، وي ءبولىستى.
دوڭگەلەك ۇستەل بارىسىندا قازىرگى قالىپتاسقان حالىقارالىق قاتىناستار جۇيەسىنىڭ پايدا بولۋى، دامۋ كەزەڭدەرى، «قىرعي قاباق» سوعىسىنىڭ اياقتالۋى مەن بيپوليارلىق جۇيەنىڭ ىدىراۋىنا سەبەپ بولعان ماسەلەلەر قاراستىرىلدى. الەمدىك قاۋىپسىزدىكتى قامتاماسىز ەتۋدەگى، حالىقارالىق ساۋدا-ساتتىقتا جانە ءوزارا مادەني الماسۋدا حالىقارالىق ۇيىمداردىڭ، سونىڭ ىشىندە يسلام كونفەرەنتسياسى ۇيىمىنىڭ ءرولى مەن قىزمەتى تالقىعا سالىندى.
دوڭگەلەك ۇستەلدى تاريح فاكۋلتەتىنىڭ دەكانى پروفەسسور ع.ك. كەنجەباەۆ اشىپ، بايانداماشىلارعا ءسات-ساپار تىلەدى. كىرىسپە ءسوزدى «لاۋحا» عىلىمي-زەرتتەۋ ورتالىعى قوعامدىق قورىنىڭ پرەزيدەنتى ت.ج. جۇمانوۆ وقىپ، رەسپۋبليكامىز يسلام كونفەرەنتسياسى ۇيىمىنا توراعالىق جاساۋىنا بايلانىستى 2011 جىل ەلىمىزدىڭ تاريحىنداعى ەلەۋلى وقيعالاردىڭ ءبىرى ەكەنىن ايتتى. توراعالىق وسى جىلدىڭ 28-30 ماۋسىم كۇندەرى سىرتقى ىستەر مينيسترلەرىنىڭ كونفەرەنتسياسىندا رەسمي تۇردە بەرىلەتىنىنە توقتالدى. سونىمەن قاتار، «قوعام مەن بيلىك» اراسىنداعى ارىپتەستىك تۋرالى ءسوز قوزعادى.
زەرتتەۋشى ز.گ. دجاليلوۆ يكۇ-نىڭ پايدا بولۋ تاريحىنا توقتالىپ، ۇيىم مۇشە ەلدەرىن توپتارعا ءبولىپ قاراپ، ول ەلدەردەگى ساياسي جانە الەۋمەتتىك پروبلەمالاردى سارالادى. ول ءوزىنىڭ بايانداماسىندا اتالعان ماسەلەلەرگە عىلىمي باعا بەرىپ، ولاردىڭ شەشىلۋ جولدارىن ايتتى.
مودەراتور ءا. ەرمەكباەۆ قازىرگى تاڭدا ءدىني سەنىم بويىنشا الەم حالىقتارىنىڭ 20 پايىزىن يسلام ءدىنىن ۇستانۋشىلار قۇرايتىنىن ايتىپ، سولتۇستىك افريكا، شىعىس، ورتالىق ازيادان باتىس ەۋروپاعا دەيىنگى الىپ كەڭىستىكتى الىپ جاتقان يسلام ەلدەرى ءوزارا ينتەگراتسيانى دامىتۋ ماقساتىندا يسلام كونفەرەنتسياسى ۇيىمىنىڭ (يكۇ) قۇرىلعانى تۋرالى اقپاراتپەن تولىقتىردى. دوڭگەلەك ۇستەلگە قاتىسقان ساراپشىلار ءبىر اۋىزدان، ۇيىمنىڭ زاماننىڭ جاڭا تالاپتارىنا جاۋاپ بەرۋ قاجەتتىگىنە توقتالدى.
قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ءبولىم مەڭگەرۋشىسى، ساياساتتانۋشى ب. اۋەلباەۆ قازاقستاننىڭ يكۇ توراعالىق ەتۋدەگى تۇيىتكىلدى ماسەلەلەردى ايتىپ، ولاردى شەشۋ جولدارىنا توقتالدى.
پىكىر الماسۋ بارىسىندا ساراپشىلار اراسىندا ءتۇرلى قوزقاراستار ايتىلىپ، حالىقارالىق قاتىناستار جۇيەسى، يكۇ جانە قازاقستاننىڭ توراعالىق ەتۋدەگى ماسەلەلەر توڭىرەگىندە جان-جاقتى تالقىلاندى. سونىمەن قاتار، يسلام كونفەرەنتسيا ۇيىمىنىڭ اتىن وزگەرتۋ، يسلامدى زەرتتەۋ ورتالىعىن قۇرۋ تۋرالى ۇسىنىستار ايتىلدى.
«الاش ايناسى» قوعامدىق-ساياسي گازەتىنىڭ ساياسي ساراپشىسى ق. مەڭدىعالي قازاقستان مۇسىلمان ەلدەرىندە زايىرلى مەملەكەتتىڭ ۇلگىسىن كورسەتە وتىرىپ، توراعالىق جاساۋ بارىسىندا، بۇگىنگى كۇننىڭ سۇرانىسىنا سايكەس جاحاندى ۇسىنىستار جاساپ وتىرعانىن ەرەكشە اتاپ ءوتتى.
تاۋەلسىز زەرتتەۋشى، تاريحشى ن. سادىربەك يكۇ-نا توراعالىقتان كۇتىلەتىن ناتيجەلەرگە توقتالىپ، ەلىمىزگە كەلەتىن ينۆەستيتسيا، مادەني ىنتىماقتاستىق تۋرالى ساراپتاما جاسادى. مادەني ىقپالداستىق تاقىرىبىنداعى ويدى ال-فارابي اتىنداعى قازۇۋ دوكتورانتى، مادەنيەتتانۋشى ج.تولەن جالعاستىرىپ، باتىس پەن شىعىستى بىرىكتىرەتىن نەگىزگى مادەني ىقپالداستىققا توقتالدى. ال-فارابي اتىنداعى قازۇۋ دوكتوراندى، ساياساتتانۋشى مولداحمەت بيداس يكۇ قۇرىلىمىن ساراپتاپ، وتكەن مەن بولاشاعىنا بايلانىستى شولۋ جاسادى. دوڭگەلەك ۇستەلدىڭ ەكىنشى جارتىسى اياقتالعاننان سوڭ سۇراقتار قويىلىپ، وقىلعان باياندامالار قىزۋ تالقىعا ءتۇستى.
جالپى دوڭگەلەك ۇستەل بارىسىندا حالىقارالىق قاتىناستار جۇيەسىندەگى حالىقارالىق ۇيىمدار، سونىڭ ىشىندە يكۇ-نىڭ ءرولى مەن اتقاراتىن قىزمەتى ايقىندالىپ ءتۇسىندىرىلدى، قازاقستان رەسپۋبليكاسىنىڭ يكۇ توراعالىق ەتۋدەگى ساياسي، ەكونوميكالىق، الەۋمەتتىك جانە مادەني اسپەكتىلەرى قاراستىرىلدى.
الماتى. 22 ماۋسىم، 2011 جىل
