«وزەنمۇنايگاز» وندىرىستىك فيليالىنداعى جاعدايدىڭ ءوربۋى تۋرالى
استانا، 28 ماۋسىم 2011 ج. «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») جاڭاوزەن قالاسىنداعى (ماڭعىستاۋ وبلىسى) «وزەنمۇنايگاز» («ومگ») وندىرىستىك فيليالىندا ءوتىپ جاتقان نارازىلىق اكتسياسىنا بايلانىستى جاعدايدىڭ ءوربۋى تۋرالى حابارلايدى.
2011 جىلدىڭ 26 مامىرىندا باستالعان نارازىلىق اكتسياسى بارىسىندا مۇناي وندىرۋدەگى جيىنتىق جوعالتۋ شامامەن 150 مىڭ توننانى قۇرادى.
كومپانيا وزەن كەن ورنىنداعى جىلدىق مۇناي ءوندىرۋ كولەمى بۇعان دەيىن جوسپارلانعان دەڭگەيگە جەتپەيدى جانە كەم دەگەندە 600 مىڭ تونناعا تومەن بولادى دەپ بولجاپ وتىر.
سونىمەن بىرگە كومپانيا «قازگەرمۇناي» بك» جشس مەن CCEL («قاراجانباسمۇناي» اق), «پەتروقازاقستان ينك.» جانە «نبك» جشس كومپانيالارىنداعى ۇلەستەردى ەسەپتەگەندە، شوعىرلاندىرىلعان ءوندىرۋ كولەمى 2011 جىلى بۇرىن جوسپارلانعان 13,5 ملن. تونن. دەڭگەيىنەن شامامەن 4%-عا تومەن بولادى دەپ بولجاپ وتىر. اتالعان بولجام نارازىلىق اكتسياسىنىڭ قانشالىقتى سوزىلاتىندىعىنا جانە وندىرىستىك فيليال قىزمەتىنىڭ قانشالىقتى جەدەل قايتا قالپىنا كەلتىرىلەتىنىنە بايلانىستى وزگەرۋى مۇمكىن.
استانا، 28 ماۋسىم 2011 ج. «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») جاڭاوزەن قالاسىنداعى (ماڭعىستاۋ وبلىسى) «وزەنمۇنايگاز» («ومگ») وندىرىستىك فيليالىندا ءوتىپ جاتقان نارازىلىق اكتسياسىنا بايلانىستى جاعدايدىڭ ءوربۋى تۋرالى حابارلايدى.
2011 جىلدىڭ 26 مامىرىندا باستالعان نارازىلىق اكتسياسى بارىسىندا مۇناي وندىرۋدەگى جيىنتىق جوعالتۋ شامامەن 150 مىڭ توننانى قۇرادى.
كومپانيا وزەن كەن ورنىنداعى جىلدىق مۇناي ءوندىرۋ كولەمى بۇعان دەيىن جوسپارلانعان دەڭگەيگە جەتپەيدى جانە كەم دەگەندە 600 مىڭ تونناعا تومەن بولادى دەپ بولجاپ وتىر.
سونىمەن بىرگە كومپانيا «قازگەرمۇناي» بك» جشس مەن CCEL («قاراجانباسمۇناي» اق), «پەتروقازاقستان ينك.» جانە «نبك» جشس كومپانيالارىنداعى ۇلەستەردى ەسەپتەگەندە، شوعىرلاندىرىلعان ءوندىرۋ كولەمى 2011 جىلى بۇرىن جوسپارلانعان 13,5 ملن. تونن. دەڭگەيىنەن شامامەن 4%-عا تومەن بولادى دەپ بولجاپ وتىر. اتالعان بولجام نارازىلىق اكتسياسىنىڭ قانشالىقتى سوزىلاتىندىعىنا جانە وندىرىستىك فيليال قىزمەتىنىڭ قانشالىقتى جەدەل قايتا قالپىنا كەلتىرىلەتىنىنە بايلانىستى وزگەرۋى مۇمكىن.
قازىرگى ۋاقىتتا كومپانيا ومگ وندىرىستىك نىساندارىندا قاۋىپسىزدىكتى قامتاماسىز ەتىپ، ۇزدىكسىز مۇناي ءوندىرىسىن ۇستاپ تۇرۋ ءۇشىن بارلىق قاجەتتى شارالاردى قولدانۋدا. قمگ ءبو باسشىلىعى ەڭبەك داۋىن زاڭدارمەن كوزدەلگەن راسىمدەر اياسىندا، الايدا تەك نارازىلىق اكتسياسى تولىق توقتاتىلىپ، ومگ قىزمەتكەرلەرىنىڭ بارلىعى جاپپاي جۇمىسقا قايتا شىققاننان كەيىن عانا قاراۋعا دايىن ەكەندىگىن باسا اتاپ، نارازىلىق اكتسياسىنا قاتىسۋشىلار اراسىندا ءتۇسىندىرۋ جۇمىستارىن ۇدايى جۇرگىزىپ كەلەدى.
سونىمەن قاتار كومپانيا نارازىلىق اكتسياسىنا قاتىسۋشىلار سانى - 650 ادامعا دەيىن (كەزىندە ەڭ كوبى 2500 ادامدى قۇرادى) ايتارلىقتاي ازايعانىن اتايدى.
باس ديرەكتور اسقار بالجانوۆ بىلاي دەپ مالىمدەدى: «كومپانيانىڭ وسۋىمەن سوڭعى ۋاقىتتارى قمگ ءبو ۇلەس ساتىپ العان بىرلەسكەن كاسىپورىنداردىڭ قوسار ۇلەسى مەيىلىنشە سەزىلۋدە. كەڭ كولەمدەگى گەولوگيالىق بارلاۋ جۇمىستارىن جۇرگىزۋ جانە جاڭا اكتيۆتەردى ساتىپ الۋدى قاراستىراتىن ستراتەگيانى ىسكە اسىرۋ بارىسىنا قاراي نەگىزگى دەپ ەسەپتەلگەن تاريحي كەن ورىنداردىڭ كومپانيا ەكونوميكاسىنداعى ۇلەسى، ارينە، ازاياتىن بولادى. سونىمەن بىرگە ءبىز بۇل كەن ورىندارىنىڭ الەۋەتىن بارىنشا پايدالانا وتىرىپ، ەڭبەك ۇجىمدارىمەن اراداعى قارىم-قاتىناسىمىزدى نىعايتا بەرمەكشىمىز»
انىقتاما
قمگ ءبو مۇناي ءوندىرۋ كولەمى جاعىنان قازاقستاندا كوشباسشىلاردىڭ ۇشتىگىنە كىرەدى. كومپانيانىڭ ءوندىرۋ كولەمى «قازگەرمۇناي» بك جشس مەن CCEL («قاراجانباسمۇناي») «پەتروقازاقستان ينك.» جانە «نبك» جشس كومپانيالارىنداعى ۇلەستەردى ەسەپتەگەندە، 2010 جىلى 13,3 ملن. توننانى (تاۋلىگىنە 270 مىڭ باررەل) قۇرادى. قمگ ءبو-ءنىڭ مۇنايدىڭ دالەلدەنگەن جانە بولجامدى قورلارىنىڭ كولەمى 2010 جىلدىڭ سوڭىنداعى جاعداي بويىنشا 232 ملن. توننانى (1,7 ملرد. باررەلدى), ال ەنشىلەس كومپانيالارداعى ۇلەستى ەسەپتەگەندە 2,2 ملرد. باررەلدەن استامدى قۇرايدى. كومپانيانىڭ جاي جانە ارتىقشىلىقتى اكتسيالارى قازاقستان قور بيرجاسىندا، ال عالامدىق دەپوزيتارلىق قولحاتتارى - لوندوننىڭ قور بيرجاسىندا ليستينگتەن ءوتتى. 2006 جىلدىڭ قىركۇيەگىندەگى ءىرو كەزىندە كومپانيا 2 ميللياردتان استام اقش دوللارىن تارتتى. 2010 جىلدىڭ شىلدەسىندە حالىقارالىق Standard & Poor's اگەنتتىگى كومپانيانىڭ نەسيەلىك رەيتينگىن «ۆۆ+» دەڭگەيىندە، ال 2010 جىلدىڭ قاراشاسىندا «GAMMA-6» كورپوراتيۆتىك باسقارۋ رەيتينگىن راستادى.
2011 جىلدىڭ 26 مامىرىندا ومگ-دە نارازىلىق اكتسياسى باستالدى. ومگ جۇمىسكەرلەرىنىڭ ءبىر بولىگى، ەڭ الدىمەن تاسىمالداۋ كاسىپورىندارىنىڭ جۇمىسكەرلەرى ەڭبەكاقىنى كوتەرۋدى تالاپ ەتىپ جۇمىسقا شىقپاي وتىر. زاڭداردا كوزدەلگەن ەڭبەك داۋلارىن رەتتەۋ جونىندەگى تالاپتاردىڭ ساقتالماعانىنا قاراماستان قاتىسۋشىلار اتالعان اكتسيانى ەرەۋىلگە جاتقىزادى.
كومپانيا نارازىلىق اكتسياسىنا قاتىسۋشىلاردىڭ تالاپتارىن نەگىزسىز، ال نارازىلىق اكتسياسىن زاڭسىز دەپ ەسەپتەيدى، ونى جاڭاوزەن قالالىق سوتىنىڭ 2011 جىلدىڭ 24 مامىرى كۇنگى شەشىمى راستايدى. كومپانيا نارازىلىق اكتسياسىنا قاتىسۋشىلاردى ەڭبەك كودەكسىنە سايكەس، ەڭبەك ءتارتىبىن بۇزعانى ءۇشىن جۇمىستان شىعارۋدى جالعاستىرۋدا.
بايلانىستىق اقپارات:
«قمگ ءبو» اق، جۇرتشىلىقپەن بايلانىس (+7 7172 97 7600)
داۋلەت ءجۇمادىل
e-mail: pr@kmgep.kz
«قمگ ءبو» اق، ينستيتۋتسيونالدىق ينۆەستورلارمەن بايلانىس (+7 7172 97 5433)
اسەل قاليەۆا
e-mail: ir@kmgep.kz
Pelham Bell Pottinger (+44 207 861 3147)
ەلەنا دوبسون
ە-mail: edobson@pelhambellpottinger.co.uk
بولاشاققا قاتىستى مالىمدەمە
وسى قۇجاتتا «بولاشاققا قاتىستى مالىمدەمە» بولىپ تابىلاتىن نەمەسە ەسەپتەلەتىن مالىمدەمە قامتىلعان. باسقالارىنىڭ اراسىنداعى «سانايدى»، «الدىن الا باعالاۋ بويىنشا»، «كۇتىپ وتىر»، «بولجام بويىنشا»، «ۇيعارىپ وتىر» ، «جوسپارلاپ وتىر»، «ۇيعاردى»، «بولادى» نەمەسە «بولۋى ءتيىس» دەگەن سوزدەردى قوسا العاندا بولاشاقتى سيپاتتاۋعا ارنالعان تەرمينولوگيا، نە، ءار جاعدايدا وسىعان ۇقساس نەمەسە پارا-پار تەرمينولوگيا، نە تالقىلاۋعا ارنالعان سىلتەمەلەر، بولاشاق وقيعانىڭ نەمەسە نيەتتىڭ جوسپارلارى، ماقساتتارى، مىندەتتەرى كەلەشەككە قاتىستى مالىمدەمەنى تۇسىندىرۋگە ارنالعان. بولاشاققا قاتىستى اتالعان مالىمدەمە تاريحي فاكتىلەر بولىپ تابىلمايتىن بارلىق مالىمدەمەلەردى قامتيدى. ولار نيەتتەر، پىكىرلەر تۋرالى مالىمدەمەلەردى جانە كومپانيانىڭ سولارمەن قاتار قىزمەتتىڭ ناتيجەلەرىنە، قارجىلىق جاعدايعا، كومپانيا جۇمىس ىستەپ وتىرعان ستراتەگيالار مەن سالالاردىڭ جويىلىمدىلىعىنا، پەرسپەكتيۆالارىنا، وسۋىنە قاتىستى كۇتۋلەرى تۋرالى مالىمدەمەلەردى شەكتەۋسىز قاميتدى. ءوز تۇرعىسىندا بولاشاققا قاتىستى وتىنىمدەر ولار بولۋى مۇمكىن كەلەشەكتەگى وقيعالار مەن جاعداياتتارعا قاتىستى بولعاندىقتان تاۋەكەلمەن جانە بەلگىسىزدىكپەن بايلانىستى. بولاشاققا قاتىستى مالىمدەمەلەر قىزمەتتىڭ بولاشاق ناتيجەلەرىنىڭ كەپىلدىگى بولىپ تابىلمايدى جانە كومپانيا قىزمەتىنىڭ ءىس جۇزىندەگى ناتيجەلەرى، قارجىلىق جاعدايى جانە قىزمەتىن توقتاتۋى جانە كومپانيا جۇمىس ىستەيتىن ەلدەر مەن سالالاردىڭ دامۋى وسى قۇجاتتا سيپاتتالعان نۇسقالاردان ايتارلىقتاي وزگەشە بولۋى نەمەسە وسى قۇجاتتا قامتىلعان بولاشاققا قاتىستى مالىمدەمەلەرگە سايكەس جۇزەگە اسۋى مۇمكىن. كومپانيا جاڭا اقپاراتتار الۋدىڭ، بولاشاق وقيعالاردىڭ نەمەسە قانداي دا ءبىر وزگە دە جاعدايدىڭ ناتيجەسىندە بولسا دا وسى قۇجاتتا قامتىلعان سالاعا قاتىستى قانداي دا بولماسىن اقپاراتتى نەمەسە بولاشاققا قاتىستى قانداي دا بولماسىن مالىمدەمەنى جاڭارتۋدى جوسپارلامايدى جانە ول جونىندە وزىنە مىندەتتەمە المايدى. كومپانيا بولاشاققا قاتىستى مۇنداي مالىمدەمەلەردە ايتىلعان ناتيجەلەرگە قول جەتكىزىلەتىندىگىنە قاتىستى ەشقانداي مالىمدەمە جاسامايدى، ەشقانداي راستاۋ بەرمەيدى جانە ەشقانداي بولجام جاريالامايدى.
