• مەيىرلەن، الاش!

اسا مەيىرىمدى الاش بالاسى!

ءبىزدىڭ حالىقتىق بولمىسىمىزعا قاي زاماننان دا قانداس قارىنداسىن تاعدىردىڭ تالكەگىنە تاستاپ، جاقىنىنىڭ جانارىنداعى جاس پەن مۇڭعا جانى جىبىمەس بەزبۇيرەك مەيىرىمسىزدىك جات مىنەز. قازاقتىڭ كەڭدىگى ونىڭ توگىلىپ تۇرار مەيىرىمى مەن جات تا بولسا جاتىرقاماي قينالعان قيىن شاقتا اۋزىنان جىرىپ بەرىپ، كومەككە جۇگىرەتىنى. وسى اسىل مىنەزىمىز ۇلت بولىپ ۇيىسۋعا، ۇرپاقتىڭ عۇمىرىن ۇزارتۋعا نەگىز بولعانىنا كارى تاريح كۋاگەر.

زامانا تولقىنى قانشا اۋناسا دا ءتانى مەن جانىنىڭ، ساناسىنا مىڭ باتپان جۇك بولعان جەرتولە تۇرمىسىنىڭ اۋىر حالىنە تاپ بولعان باۋىرلار ءبىزدىڭ دە قوعام از ەمەس. ۇمىتىنە يەك سۇيەپ، جاراتقانعا جالبارىنۋمەن جالعاننىڭ بەس كۇنىندەگى اۋرۋىنا داۋا، ارقاسىن ايازداي قارىعان قيىنشىلىعىنا جەڭىلدىك ىزدەگەن قازاق بالاسىنا تيتتەي دە بولسا كومەگى تيەر، تۋمىسىنان ۇلت جۇرەگى مەيىرگە تولعان جۇرت جاقىنى مەن باۋىرىنا قولىنان كەلگەنشە قارايلاسار دەگەن ىزگىلىككە تولى نيەتپەن «مەيىرلەن، الاش!» دەگەن اتپەن ارنايى ايدار اشىپ وتىرمىز.

• مەيىرلەن، الاش!

اسا مەيىرىمدى الاش بالاسى!

ءبىزدىڭ حالىقتىق بولمىسىمىزعا قاي زاماننان دا قانداس قارىنداسىن تاعدىردىڭ تالكەگىنە تاستاپ، جاقىنىنىڭ جانارىنداعى جاس پەن مۇڭعا جانى جىبىمەس بەزبۇيرەك مەيىرىمسىزدىك جات مىنەز. قازاقتىڭ كەڭدىگى ونىڭ توگىلىپ تۇرار مەيىرىمى مەن جات تا بولسا جاتىرقاماي قينالعان قيىن شاقتا اۋزىنان جىرىپ بەرىپ، كومەككە جۇگىرەتىنى. وسى اسىل مىنەزىمىز ۇلت بولىپ ۇيىسۋعا، ۇرپاقتىڭ عۇمىرىن ۇزارتۋعا نەگىز بولعانىنا كارى تاريح كۋاگەر.

زامانا تولقىنى قانشا اۋناسا دا ءتانى مەن جانىنىڭ، ساناسىنا مىڭ باتپان جۇك بولعان جەرتولە تۇرمىسىنىڭ اۋىر حالىنە تاپ بولعان باۋىرلار ءبىزدىڭ دە قوعام از ەمەس. ۇمىتىنە يەك سۇيەپ، جاراتقانعا جالبارىنۋمەن جالعاننىڭ بەس كۇنىندەگى اۋرۋىنا داۋا، ارقاسىن ايازداي قارىعان قيىنشىلىعىنا جەڭىلدىك ىزدەگەن قازاق بالاسىنا تيتتەي دە بولسا كومەگى تيەر، تۋمىسىنان ۇلت جۇرەگى مەيىرگە تولعان جۇرت جاقىنى مەن باۋىرىنا قولىنان كەلگەنشە قارايلاسار دەگەن ىزگىلىككە تولى نيەتپەن «مەيىرلەن، الاش!» دەگەن اتپەن ارنايى ايدار اشىپ وتىرمىز.

بۇل ايدار - تاعدىردىڭ تاۋقىمەتىن تارتىپ، كوزىنەن جاسى قۇرعاماي، كوڭىلىنەن مۇڭى سەيىلمەي، كەۋدەسىنەن كۇرسىنىسى كەتپەگەن ءار قازاقتىڭ اعايىن، جۇرتىنا دەگەن جان ءسوزىن جەتكىزەدى. قارايعان قازاقتى ەت جاقىنى كورەتىن قايىرىمدى جۇرت «كوپ تۇكىرسە - كول» دەگەندەي، ءبىر قازاقتىڭ تاعدىرىنا اراشا تۇسەر، جىرتىق ۇمىتىنە جاماۋ، ەرتەڭىنە دەگەن ويىنا دەمەۋ بولار دەگەن ويدامىز.

«مەيىرلەن، الاش» ايدارىنىڭ العاشقى سانىندا ون سەگىز جىل بويىنا قارا جەرگە تابانى تيمەي، قاناتى قىرقىلعان قۇستاي كۇي كەشىپ كەلە جاتقان قازاق قىزى داميرا جيدەباەۆانىڭ جانىنا باتقان دەرتىنە اراشا سۇراپ وتىر.

مەيىرلەن، الاش!

«اباي-اقپارات»

ونىڭ قوس دوڭگەلەكتى ارباعا تاڭىلعانىنا 18 جىل  تولدى. وسىنشا جىل جەر باسىپ كورمەگەن ول ەكى اياعىن ارباعا  الماستىرعاندا وڭ-سولىن تانىپ ۇلگەرمەگەن بالعىن ەدى. «ءالى-اق ايىعىپ، ورتاعا قوسىلامىن» دەگەن ءتاتتى ءۇمىت جەتەگىندە جۇرگەندە جاسىنىڭ وتىزدان اسقانىن دا بايقاماي قالدى. تىرنەكتەپ جيعان تيىن- تەبەنىمەن سان دارىگەرگە قارالىپ، الدانىپ جۇرگەندە ءومىر ارباسى ونى دوڭگەلەتىپ جونەلىپتى. انادان ون ەكى مۇشەسى ساۋ تۋعان داميرا ءومىرىنىڭ جارتىسىنان كوبىن، جالىندى جاستىق شاعىن جارىمجان كۇيدە وتكىزدى.  ەل قاتارلى ەكى اياعىمەن جۇرسەم دەگەن ارمانىمەن قوشتاستىرعان اق حالاتتى دەپ اسىرەلەيتىن دارىگەرلەر بولاتىن. بەسىنشى سىنىپقا قادام باسقان جىلى اسقىنعان مينيگيتكە شالدىققان وعان دارىگەرلەر پولەارتريت دەگەن دياگنوز قويادى. اۋرۋىن ءدوپ باسىپ تابا الماعان سوڭ، ءدارى دارمەك كەرى اسەرىن بەرگەن داميرانىڭ وڭ قولى مەن سول اياعى ىستەن شىعىپ، جۇرۋگە جارامسىز بولىپ قالدى. وسىلايشا،  ءدال دياگنوز قويا الماعان ءبىلىمسىز ءارى ءوزى ىسىنە، ادام تاعدىرى مەن دەنساۋلىعىنا جاۋاپكەرشىلىكتەن ادا، ءجۇردىم-باردىم قاراعان جانداردىڭ كەسىرىنەن   ەلدەگى مۇگەدەكتەر سانى تاعى ءبىر ادامعا ارتقان ەدى. اللادان ەمەس، ادامنان كەلگەن اۋرۋعا مويىنسۇنىپ، ءومىرىنىڭ سوڭىنا شەيىن مۇگەدەك بولىپ وتۋگە، ارباسىنان اجىراماۋعا داميرا ەرىكسىز كەلىسەر ەدى... ەگەر، اياعىندا جان بولماسا... داميرانىڭ ارپالىسپەن وتكەن ومىرىنە شىراي كىرگىزىپ، شىدامىن ارتتىرا تۇسكەن، جارىق دۇنيەدەن تالاي رەت كوڭىلى قالعان ساتتەردە رايىنان قايتارعان ءبىر عانا نارسە بار. ول  -  اياعىنداعى جانى.  ەكى اياعى ەشتەڭەنى سەزبەگەندە، ءومىردى تەك اربا ۇستىنەن تاماشالاۋعا كوندىگەر ەدى... بۇگىندە داميرا جيدەباەۆا ءبىرىنشى توپتاعى مۇگەدەك. ەڭبەككە ارالاسۋعا قابىلەتى جوق. مۇگەدەكتىگى ءۇشىن مەملەكەتتەن الاتىن 24 مىڭ تەڭگە ونىڭ اياققا تۇرىپ كەتۋىنە جەتكىلىسىز. كەنتاۋدان ءۇمىت جەتەگىمەن الماتىعا كەلگەن ول, اياعىنا جاسايتىن وتا قۇنىنىڭ اسپانداپ تۇرعانىن ايتادى. تەك قانا تىركەلۋ ءۇشىن ءجۇز مىڭ (100,000) تەڭگەنى ساناپ بەرۋ كەرەك. ال، ءبىر جىل بويىنا ەمدەلىپ، پروتەز كيۋگە ارنالعان كۋرستان ءوتىپ، وتا جاساتۋ ءۇشىن اي سايىن ەكى مىڭ (2000) دوللار كولەمىندە قاراجات كەرەك.   جالعىز زەينەتاقى ازاپپەن ورىلگەن ءومىرىنىڭ جىرتىعىن جاماۋعا مۇلدە جەتپەيدى. ال، وتانى ءتىپتى ويلاماي-اق قويىڭىز. داميرا قازاقتىڭ مەيىرىمدى، جاناشىر ازاماتتارىنان جاردەم بەرۋىن وتىنەدى. مۇگەدەكتەرگە تەگىن بولعاسىن، شەتەلگە شىعۋعا جارايتىن كۋالىك دايىنداتۋ ۇستىندە. بىراق، داميرانىڭ جاس جانى قىتايعا بارىپ ەمدەلۋ تەك ارمان كۇيىندە قالا ما دەپ قورقادى.

«اباي-اقپارات»

داميرا جيدەباەۆاعا كومەك بەرگىسى كەلەتىن ازاماتتار تومەندەگى بتا بانكتىڭ كارتوچكالىق نومىرىنە اقشا اۋدارۋلارىنا بولادى.

512 801 520 112 30 01