مۇحتار شەرىم. كابينەتىنەن قاشىپ كەتتى...
دەپارتامەنت باستىعى كرەسلوسىنا شالقايا ءتۇسىپ، ۇيىقتاپ وتىرعان. قۇشاعىنا قۇلاپ جۇرگەن، «ايلىعىمدى ءوسىرىڭىزشى» دەپ سۇراپ جۇرگەن حاتشى قىز ىشكە كىرىپ:
- اعاي، جەتپىس جەتى جىلدان كەيىن جۇزگە كەلەتىن كەمپىر كەلىپ تۇر،- دەدى.
- كىرسىن،- دەدى باسەكەڭ كوزىن اشپاعان كۇيى. كابينەتكە تارى جەگەن تاۋىقتاي بولىپ، جاس بويجەتكەن كىردى.
- سالەمەتسىز بە؟ امانسىز با؟-دەدى قىز بوساعادا تۇرىپ.
- امان بولماعاندا، ءولىپ قالدى دەپ پە ەدىڭ...
- سىزگە كەلىپ ەدىم.
- ماعان كەلمەگەندە، كەلەسى كوشەدە تۇراتىن كەڭكەلەسكە كەلىپ پە ەدىڭ، شىراعىم؟
- ۋنيۆەرسيتەت ءبىتىرىپ، ديپلوم الدىم...
- كىم الماي جاتىر...
- سىزدەردە بوس ورىن بار ەكەنىن ەستىپ...
- بار، وتىرا بەر.
- قايدا؟
- بوس ورىنعا.
- ارىز جازبايمىن با؟
- كىمنىڭ ۇستىنەن؟ مەنىڭ بە؟
- جوعا... جۇمىسقا تۇرۋىم ءۇشىن...
- بار دا وتىرا بەر،- دەدى باسەكەڭ كوزىن اشپاستان. ەكى قولىن ايقاستىرىپ العان.
- قايدا؟
- بوس ورىنعا....
- وتىرا بەرەيىن بە؟
- ءبىر ساعات وتىر دا، كەتە بەر...
- اعاي، كوزىڭىزدى اشىڭىزشى...
- كوزىم اشىلمايدى...
- قويىڭىزشى، سوقىر باستىق بولمايدى...
- مەنى سوقىر دەپ كىم ايتتى؟
- قىزىق ادام ەكەنسىز.
- قىزىق ەمەس ادام، قىزىق ەمەس سەريال.
- ءبىر ءتۇرلى...
- ەكى ءتۇرلى بولسا دا.
- ءسىز اۋىرىپ وتىرسىز با؟
دەپارتامەنت باستىعى كرەسلوسىنا شالقايا ءتۇسىپ، ۇيىقتاپ وتىرعان. قۇشاعىنا قۇلاپ جۇرگەن، «ايلىعىمدى ءوسىرىڭىزشى» دەپ سۇراپ جۇرگەن حاتشى قىز ىشكە كىرىپ:
- اعاي، جەتپىس جەتى جىلدان كەيىن جۇزگە كەلەتىن كەمپىر كەلىپ تۇر،- دەدى.
- كىرسىن،- دەدى باسەكەڭ كوزىن اشپاعان كۇيى. كابينەتكە تارى جەگەن تاۋىقتاي بولىپ، جاس بويجەتكەن كىردى.
- سالەمەتسىز بە؟ امانسىز با؟-دەدى قىز بوساعادا تۇرىپ.
- امان بولماعاندا، ءولىپ قالدى دەپ پە ەدىڭ...
- سىزگە كەلىپ ەدىم.
- ماعان كەلمەگەندە، كەلەسى كوشەدە تۇراتىن كەڭكەلەسكە كەلىپ پە ەدىڭ، شىراعىم؟
- ۋنيۆەرسيتەت ءبىتىرىپ، ديپلوم الدىم...
- كىم الماي جاتىر...
- سىزدەردە بوس ورىن بار ەكەنىن ەستىپ...
- بار، وتىرا بەر.
- قايدا؟
- بوس ورىنعا.
- ارىز جازبايمىن با؟
- كىمنىڭ ۇستىنەن؟ مەنىڭ بە؟
- جوعا... جۇمىسقا تۇرۋىم ءۇشىن...
- بار دا وتىرا بەر،- دەدى باسەكەڭ كوزىن اشپاستان. ەكى قولىن ايقاستىرىپ العان.
- قايدا؟
- بوس ورىنعا....
- وتىرا بەرەيىن بە؟
- ءبىر ساعات وتىر دا، كەتە بەر...
- اعاي، كوزىڭىزدى اشىڭىزشى...
- كوزىم اشىلمايدى...
- قويىڭىزشى، سوقىر باستىق بولمايدى...
- مەنى سوقىر دەپ كىم ايتتى؟
- قىزىق ادام ەكەنسىز.
- قىزىق ەمەس ادام، قىزىق ەمەس سەريال.
- ءبىر ءتۇرلى...
- ەكى ءتۇرلى بولسا دا.
- ءسىز اۋىرىپ وتىرسىز با؟
- ارقاما ماسساج جاسايىن دەپ پە ەدىڭ؟ ەسىكتى سىرتىنان جابا سال!
اشۋلانعان جاس مامان ىشتەي: «پارا بەرمەسە، قىزمەتكە الىنبايتىنىن» ءتۇسىندى دە، تەرەڭ كۇرسىنىپ، كەتىپ قالدى. ارتىنشا وزىنە ەركەلەپ جۇرگەن حاتشى قىز باسىن قىلتيتتى:
- اعاي، جەتپىس بەس جىلدان كەيىن شامامەن جۇزگە كەلەتىن «شال» كەلىپ تۇر.
- كىرسىن.
ىشكە قوقيلانعان بالا قورازداي بولىپ، ءىسىپ-كەۋىپ جاس جىگىت كىردى.
- پريۆەت! سىزگە كەلدىم،- دەدى ول سالعان جەردەن.
- كەل،كۇندە كەلە بەر. ەسىگىم دە، تەرەزەم دە، كوڭىلىم دە اشىق...
- اي سايىن اقشا الايىن دەپ كەلدىم..
- بىردەڭە شايناپ تۇرسىڭ با؟
- يا. ساعىز.
- سيىرسىڭ با، نە؟
- جوق، جاس بۋكاچيكپىن...
- بۇقا بالامىن دە... يا، ەت جەيتىندەي ەنتىگىپ، نەگە كەلدىڭ؟
- ورىنباسارىڭىز بولعىم كەلەدى...-دەپ ىرجيدى بالا.
- سەن كىمسىڭ ءوزى؟- دەدى ەسىنەگەن باستىق كوزىن اشپاستان.
- شىرەنگەن باستىقبولاروۆپىن.
- مۇندا نەگە كەلدىڭ دەيمىن؟
- زام بولايىن دەپ...... ءبىر جىلدان كەيىن ورنىڭىزعا باستىق بولايىن دەپ...
- بولار بالا دامبالىنان دەگەن... جوسپارىڭ جىندى ەكەن،-دەدى باستىق كوزىن اشپاستان.
- وسىلاي سوپايىپ تۇرا بەرەمىن بە؟
- نەمەنە، جاپىراق جايىپ، گۇلدەپ كەتەسىڭ بە؟
ءبىر كەزدە جاس جىگىت ۇيالى تەلەفونىمەن اكەسىنە حابارلاستى.
- پاپ، مىنا ماۋباس ۇيىقتاپ وتىرىپ سويلەسەدى مەنىمەن. ورىنباسارى بولعىم كەلمەيدى. نە دەيسىز؟ وندا ءوزىنىڭ ورنىنا وتىرا عوي دەيمىسىز؟ پاپ، بىردەن باستىق بولعانعا «نەۋدوبنو» ەمەس پە؟ جارايدى، بەرەيىن... ءاي، مىسىقباس! اكەم سىزبەن سويلەسەمىن دەيدى. استانادان. ۇكىمەت ۇيىنەن.
دەپارتامەنت باستىعىنىڭ ۇيقىسى شايداي اشىلدى. ورنىنان ۇشىپ تۇرىپ، جاس بالا ۇسىنعان ۇيالى تەلەفوندى قۇلاعىنا توستى.
--ويباي... بۇل ءسىزدىڭ بالاڭىز با ەدى؟ ءسىز شىنىمەن شىڭعىرعان شىبىشباەۆپىسىز؟ كەشىرىڭىز، بولدى، بولدى، ورىنباسارىم بولسىن... نە دەيسىز؟ ءا--ءا، مەن ونىڭ ورىنباسارى بولايىن با؟ ج-جارايدى، انە بالاڭىز دا ماعان تۇنەرە قارايدى... س-ساۋ بولىڭىز...
ول ۇيالى تەلەفونىن مىقتىنىڭ بالاسىنا بەرىپ جاتقان. اناۋ ۇيالى تەلەفونىن الىپ جاتىپ، قولىنان تارتىپ قالدى.
- اشالاۋ...-دەدى جىگىت جىمىسقى جىميىپ.
- اشالاۋ، اشالاۋ- ماعاليكۋم، باسەكە!
جاس مامان باستىقتىڭ كرەسلوسىنا وتىرىپ جاتىپ:
- ءسىز سياقتى ءبىر مىزعىپ الايىن. ەسىكتى سىرتىنان جابىڭىز!-دەدى. اناۋ باسىن تومەن ءيىپ، قولىن قۋسىرىپ، ارتقا قاراي شەگىنە جۇرە بەرگەن، ەسىكتەن كىرىپ كەلە جاتقان حاتشى قىزعا سوقتىعىسىپ، ونىڭ قولىنداعى ىستىق كوفە ارقاسىنا توگىلدى. بەلى قايقاڭداعان ەكس- باستىق: « ايەبا-اي،ا- ارقام!»- دەپ ايقايلاپ جىبەردى دە، كابينەتتەن قاشا جونەلدى. جاڭا باستىق پاڭ، حاتشى قىز اڭ-تاڭ...
«اباي-اقپارات»
