نەگە وزىنەن ءوزى بومبا - سنارياد جارىلادى؟ نەگە جاۋاپتى قۇرىلىم مەكەمە ءوز مىندەتتەرىن ورىنداي المايدى؟ نەگە ەڭ بولماسا وسىنداي قاۋىپتى ورىنداردا ناعىز ماماندار ەمەس تامىر-تانىستىققا جول بەرىلەدى؟

بۇل ەلدە كوررۋپتسيا دەرتى نەگە شەكسىز جايىلىپ كەتتى؟ نەگە بيلىكتىڭ تاعايىنداۋلارى لايىقتى ماماندارعا ەمەس، "ليۋبيمششيك" جولدىبايلاردى تاڭدايدى؟ سوندا بيلىككە مەملەكەت تاعدىرى ويىنشىق پا؟ نەگە ءبىز وسىلاي تەك سالدارلارمەن كۇرەسەمىز؟ مەملەكەت دەگەن كيەلى ينستيتۋت بولسا، نەگە ونىڭ كيەسىنەن قورىقپايمىز؟..

ءبىزدىڭ سوعىس - قورعانىس سالاسى بەيبىت جارىلىستا مىنانداي حالدە ال سوعىس بولسا نە بولادى؟ نەگىزى "اپات ايتىپ كەلمەيدى" دەگەن ءسوز تابيعي جاعدايلارعا ارنالعان. ال مىنا اپات ناعىز جاۋاپسىزدىق پەن سالعىرتتىقتان، سوسىن ءبىلىم مەن عىلىمنان ماقرۇم قالعان مينيسترلىكتىڭ كەسىرىنەن دەپ ويلايمىن. نەمەسە ونىڭ باسقا ءبىر ساياسي استارى بولۋى ىقتيمال...

بىلمەيمىن. سەبەبى ءدال وسى تيپتەگى اپات ءدال سول جەردە سان رەت نەگە قايتالانا بەرەدى؟ بىلەتىندەر جاۋاپ بەرسىن. ۇيقىدان قالدىق...

دوساي كەنجەتايدىڭ facebook پاراقشاسىنان

Abai.kz