2009 جىلى ارىستاعى جارىلىس كەزىندە 3 ادام قازا تاۋىپ، 17 ادام جارالانعان. بۇل ءدال كەشەگىدەي شۋ تۋعىزباعان سەكىلدى بولىپ كورىنەر. سەبەبى، ول كەزدە ەكىنىڭ ءبىرى ينتەرنەت جەلىسىندە وتىرمايتىن. قولدارىندا زامان تالابىنا ساي كەلەتىن سمارتفون جوقتىڭ قاسى ەدى. دەگەنمەن، سيگنال ءتۇستى. نەلىكتەن ول سيگنالعا بەي-جاي قارادىق؟

ءبىز سۇراۋ سالىپ، تالاپ قويار بولساق سول كەزەڭدەردەگى قورعانىس مينيسترلەرىنەن باستاۋىمىز قاجەت. ءتىپتى، ەلباسىنىڭ ءوزى دە قالىس قالماۋى كەرەك. سول كەزدەگى پارلامەنتتە بولعان "حالىق قالاۋلىلارى" نەگە ماسەلە كوتەرىپ تابانداپ جاتىپ الماعان؟

ال، بۇگىن بارلىق بالالار اتا-اناسىمەن قاۋىشتى دەپ رەسمي مالىمەت بەرىپ وتىرعان ىشكى ىستەر ءمينيسترىنىڭ ءوزى دە، ءباسپاسوز حاتشىسى دا ورنىن بوساتقانى ءجون. حالىق جالعان اقپاراتقا تويعان. وتىرىكتىڭ قۇيرىعى ءبىر-اق تۇتام. ونىڭ ۇستىنە ازاماتتىق جۋرناليستيكا دامىعان تۇستا شىن اقپاراتتى تۇساۋلاۋ مۇمكىن ەمەس. ەسكى ادىسپەن جۇمىس ىستەۋدى قويۋ كەرەك.

دوستار، وسىنىڭ ءبارى قازىرگى جۇيەنىڭ ىشتەن شىرىگەنىن كورسەتەدى. جۇيەدە جاقسى ادامدار جوق ەمەس، بار. تەك، جالعىزدار جۇيەگە جۇتىلىپ كەتەدى نەمەسە جۇيەنىڭ ءبىر ۆينتيگىنە اينالادى. ءبىزدىڭ رەسپۋبليكا قوزعالىسىن قۇرۋىمىزدىڭ باقسى ماقساتىنىڭ ءبىرى وسى. حالىق بار ماسەلەدە اشىق اقپارات الۋى كەرەك. بيلىكشىل كارى-قۇرتاڭ مەن وليگارحتاردىڭ ورنىنا ورنىنا حالىقتىڭ اراسىنان شىققان مەملەكەتشىل جاستار بارۋى ءتيىس.

ايسۇلتان جاقىپتىڭ facebook پاراقشاسىنان

Abai.kz