استانا. 4 شىلدە. قازاقپارات /قانات مامەتقازىۇلى/ - بۇگىن استاناداعى «كورمە» كەشەنىندە «قايراتتى كوشباسشى - قۋاتتى بيزنەس» فورۋمى بارىسىندا مەملەكەت باسشىسى ن. نازارباەۆ  «حالىقتىق قۇرىلىس» اتانعان ەكى جوبانىڭ قۇرىلىس الاڭدارىنا تىكەلەي بايلانىسقا شىقتى.

«ونلاين» رەجيمىندەگى شارا بارىسىندا ەل پرەزيدەنتى  الماتى وبلىسىندا قۇرىلىسى ءجۇرىپ جاتقان «جەتىگەن-قورعاس» تەمىر جولىنىڭ جۇمىس بارىسىمەن تانىستى. جەتىگەن-قورعاس جەلىسىنىڭ ۇزىندىعى - 293 شم. جوبا بويىنشا 14 جاڭا بولەك پۋنكتتەر اشۋ قاراستىرىلعان. جوبانىڭ قازاقستاندىق قامتۋ كورسەتكىشى 80 پايىزدان اسادى. قۇرىلىس جۇمىستارىنا 1 700 بىرلىك قۇرىلىس تەحنيكاسى، تارتىلىپ، 5000-نان استام جۇمىسشى قامتىلعان. ءبىرىنشى وتكىزۋ كەشەنىنىڭ  قۇرىلىسىن اياقتاۋ جانە جۇمىس قوزعالىسىنىڭ اشىلۋى 2011 جىلدىڭ جەلتوقسانىنا بەلگىلەنگەن.

بۇدان سوڭ، پرەزيدەنتتىڭ تەلەكوپىر ارقىلى قاتىسۋىمەن پاۆلودار وبلىسىنداعى «ەكىباستۇز 2-ءشى ماەس-ءىن كەڭەيتۋ جانە قايتا جابدىقتاۋ»  جوباسىنىڭ تۇساۋى كەسىلدى.

استانا. 4 شىلدە. قازاقپارات /قانات مامەتقازىۇلى/ - بۇگىن استاناداعى «كورمە» كەشەنىندە «قايراتتى كوشباسشى - قۋاتتى بيزنەس» فورۋمى بارىسىندا مەملەكەت باسشىسى ن. نازارباەۆ  «حالىقتىق قۇرىلىس» اتانعان ەكى جوبانىڭ قۇرىلىس الاڭدارىنا تىكەلەي بايلانىسقا شىقتى.

«ونلاين» رەجيمىندەگى شارا بارىسىندا ەل پرەزيدەنتى  الماتى وبلىسىندا قۇرىلىسى ءجۇرىپ جاتقان «جەتىگەن-قورعاس» تەمىر جولىنىڭ جۇمىس بارىسىمەن تانىستى. جەتىگەن-قورعاس جەلىسىنىڭ ۇزىندىعى - 293 شم. جوبا بويىنشا 14 جاڭا بولەك پۋنكتتەر اشۋ قاراستىرىلعان. جوبانىڭ قازاقستاندىق قامتۋ كورسەتكىشى 80 پايىزدان اسادى. قۇرىلىس جۇمىستارىنا 1 700 بىرلىك قۇرىلىس تەحنيكاسى، تارتىلىپ، 5000-نان استام جۇمىسشى قامتىلعان. ءبىرىنشى وتكىزۋ كەشەنىنىڭ  قۇرىلىسىن اياقتاۋ جانە جۇمىس قوزعالىسىنىڭ اشىلۋى 2011 جىلدىڭ جەلتوقسانىنا بەلگىلەنگەن.

بۇدان سوڭ، پرەزيدەنتتىڭ تەلەكوپىر ارقىلى قاتىسۋىمەن پاۆلودار وبلىسىنداعى «ەكىباستۇز 2-ءشى ماەس-ءىن كەڭەيتۋ جانە قايتا جابدىقتاۋ»  جوباسىنىڭ تۇساۋى كەسىلدى.

بۇگىنگى فورۋم اياسىنداعى تەلەكوپىر بارىسىندا يندۋستريالاندىرۋ كارتاسىنىڭ 8 جوباسى كورسەتىلدى. جالپى يندۋستريالاندىرۋ كارتاسىنا قۇنى 8,3 ترلن. تەڭگە 469 جوبا كىرەدى. جوبالاردى ىسكە اسىرۋ بارىسىندا 141 مىڭ جۇمىس ورىنى اشىلادى. كاسىپورىنداردى پايدالانۋ كەزىندە 166 مىڭ ادام تۇراقتى جۇمىس ىستەيدى. توقتالا كەتەتىن جايت، وتكەن جىلى - ەلباسىنىڭ يندۋستريالىق-يننوۆاتسيالىق دامۋ باعدارلاماسىنىڭ ءبىرىنشى كەزەڭىندە - 152 ينۆەستجوبا ىسكە قوسىلعان بولاتىن. بۇل جوبالار قازىردىڭ وزىندە ۇلتتىق ەكونوميكانىڭ باسەكەلەستىگىن ارتتىرىپ، ءارتاراپتاندىرۋ ءۇردىسىن ۇدەتە ءتۇستى.

يندۋستريالاندىرۋ تەك جوبالار عانا ەمەس. بۇل - قازاق ەلىنىنىڭ جاعىمدى ينۆەستيتسيالىق جانە بيزنەس احۋالى قولايلى بەدەلىن قالىپتاستىرۋعا باعىتتالعان قارجى-نەسيەلىك، فيسكالدىق، تاريفتىك ەكونوميكالىق ساياسات. مەملەكەت تەك مىندەت قويماي، قارجى جانە قارجىلىق ەمەس رەسۋرستاردى قاراستىرىپ كەلەدى. بۇگىندە كاسىپكەرلىكتى قولداۋعا باعىتتالعان جۇزدەگەن تەتىك ىسكە اسىرىلىپ وتىر. ولار - ينۆەستورلاردى، يننوۆاتورلاردى، ەكسپورتاۋشى كومپانيالاردى كولداۋعا باعىتتالعان جانە «بيزنەستىڭ جول كارتاسى-2020» مەن «ونىمدىلىك-2020» باعدارلامالارى.