اقپاننان بەرى انالار بارلىق وبلىستاردا بەلسەندى تۇردە قوزعالىپ، اكىمدەرىنە تىنىشتىق بەرمەگەنىن جاقسى بىلەسىزدەر. بارلىق رەگيونداردا جۇزدەگەن چاتتار اشىلىپ، چاتتاعى انالار بەلسەندى پىكىرتالاستار وتكىزدى.
ودان بولەك، 70 مىڭ انا مەنىڭ پوشتاما ەلەكتروندى ارىز تاپسىرسا، 3 مىڭعا جۋىق انانىڭ قولمەن جازىپ تاپسىرعان ارىزدارىن پرەزيدەنت اپپاراتىنا، ۇكىمەتكە، پارلامەنتكە تاپسىردىق. ءار حات بويىنشا ماسەلەلەر شەشىلىپ (ياكي شەشىلمەي) جاتىر، ول باسقا اڭگىمە...

ايتايىن دەگەنىم ول ەمەس.
ايتايىن دەگەنىم - بارلىق وڭىرلەردىڭ انالارى "اقجۇنىس" انالار قوزعالىسىنا وتە بەلسەندى قاتىستى، تەك ءبىر عانا وبلىستىڭ انالارى بۇل قوزعالىستا الدەقايدا "پاسسيۆنىي" بولدى. ول - اتىراۋ وبلىسى. ارىز جازعاندار دا بۇل وبلىستا وتە از بولدى.
ونىڭ سەبەبى نەدە، بىلەسىزدەر مە؟

ونىڭ سەبەبىن اتىراۋلىق انالار، ادميندەر بىلاي ءتۇسىندىردى: اتىراۋ وبلىسىندا مۇقتاج وتباسىلار، قاڭعىپ جۇرگەن انالار مۇلدە جوقتىڭ قاسى. كەزىندە بەرگەي رىسقاليەۆ اتىراۋ وبلىسىنىڭ اكىمى بوپ تۇرعان كەزدە بۇكىل وبلىس حالقىنىڭ جاعدايىن جاساپ، الەۋمەتتىك ماسەلەلەرىن شەشىپ تاستاعان دەيدى.

ەگەر بارلىق اكىمدەر سولاي جۇمىس جاساعاندا انالار ميتينگىلەرى ەش جەردە بولماعان بولار ەدى...
حالىقتىڭ جاعدايىن جاساعان اكىمدەر قۋدالانادى، سوتتالادى.
حالىقتى قاڭعىتىپ جىبەرگەن پاراقور شەنەۋنىكتەر وسەدى.
مۇنداي پارادوكس قازاقستاندا عانا بولادى.

ساۋلە ابىلداحانقىزىنىڭ facebook پاراقشاسىنان

Abai.kz