استانا. 13 شىلدە. قازاقپارات - قازاق اقپارات اگەنتتىگى 13 شىلدە، سارسەنبى كۇنى رەسپۋبليكالىق باسىلىمداردا شىققان وزەكتى ماتەريالدارعا شولۋدى ۇسىنادى.

***

بۇگىن «ەگەمەن قازاقستان» گازەتى جەزقازعان ءوڭىرى ءوندىرىسىنىڭ كەلەشەگىنە قاتىستى قالا باسشىسى سەرىك ابدىعاليۇلىمەن جانە «جەزقازعانتۇستىمەت» ءوب باس ديرەكتورى تالعات احانوۆپەن بولعان سۇحباتتى «جەزقازعاننان ەسكەن جىلى لەپ» دەگەن تاقىرىپپەن جاريالادى. سۇحباتتا ەلىمىز بويىنشا مىس سىمىنىڭ - 99, شاقپاق مىستىڭ - 95, تۇيىرشىك كۇمىستىڭ - 80, تۇيىرشىك التىننىڭ - 32, مىس كەنى ءوندىرىسىنىڭ - 88 پايىز ۇلەسىن شىعاراتىن ايماقتىڭ الداعى 10 جىلعا ارنالعان دامۋ ستراتەگياسى جايىندا ءسوز ءوربيدى.  «جاسىراتىنى جوق، جەر قويناۋى بايلىعى جىلدان-جىلعا سەلدىرەپ بارادى. بۇل ءبارىمىزدى قاتتى ويلاندىرىپ وتىرعان جاعداي. وسىعان بايلانىستى قيىندىققا تاپ بولماۋدىڭ قامى كۇنى بۇرىن قولعا الىنۋدا. وبلىس اكىمى سەرىك احمەتوۆتىڭ تاپسىرماسىمەن ايماقتى دامىتۋدىڭ 10 جىلعا ارنالعان كەشەندى جوباسى جاسالىنىپ، جاقىندا ۇكىمەت وتىرىسىندا قارالدى. وندا كوتەرىلگەن ماسەلەلەر بويىنشا ەكونوميكالىق دامۋ جانە ساۋدا ءمينيسترى ق. كەلىمبەتوۆ جەتەكشىلىك ەتەتىن جۇمىس توبى قۇرىلدى. تاياۋ ارادا پرەمەر-مينيستر كارىم ءماسىموۆتىڭ قالامىزعا كەلىپ، قاتىسۋىمەن جوبا تاعى ءبىر تالقىعا تۇسپەك»، - دەگەن سۇحبات بارىسىندا س. ابدىعاليۇلى.

استانا. 13 شىلدە. قازاقپارات - قازاق اقپارات اگەنتتىگى 13 شىلدە، سارسەنبى كۇنى رەسپۋبليكالىق باسىلىمداردا شىققان وزەكتى ماتەريالدارعا شولۋدى ۇسىنادى.

***

بۇگىن «ەگەمەن قازاقستان» گازەتى جەزقازعان ءوڭىرى ءوندىرىسىنىڭ كەلەشەگىنە قاتىستى قالا باسشىسى سەرىك ابدىعاليۇلىمەن جانە «جەزقازعانتۇستىمەت» ءوب باس ديرەكتورى تالعات احانوۆپەن بولعان سۇحباتتى «جەزقازعاننان ەسكەن جىلى لەپ» دەگەن تاقىرىپپەن جاريالادى. سۇحباتتا ەلىمىز بويىنشا مىس سىمىنىڭ - 99, شاقپاق مىستىڭ - 95, تۇيىرشىك كۇمىستىڭ - 80, تۇيىرشىك التىننىڭ - 32, مىس كەنى ءوندىرىسىنىڭ - 88 پايىز ۇلەسىن شىعاراتىن ايماقتىڭ الداعى 10 جىلعا ارنالعان دامۋ ستراتەگياسى جايىندا ءسوز ءوربيدى.  «جاسىراتىنى جوق، جەر قويناۋى بايلىعى جىلدان-جىلعا سەلدىرەپ بارادى. بۇل ءبارىمىزدى قاتتى ويلاندىرىپ وتىرعان جاعداي. وسىعان بايلانىستى قيىندىققا تاپ بولماۋدىڭ قامى كۇنى بۇرىن قولعا الىنۋدا. وبلىس اكىمى سەرىك احمەتوۆتىڭ تاپسىرماسىمەن ايماقتى دامىتۋدىڭ 10 جىلعا ارنالعان كەشەندى جوباسى جاسالىنىپ، جاقىندا ۇكىمەت وتىرىسىندا قارالدى. وندا كوتەرىلگەن ماسەلەلەر بويىنشا ەكونوميكالىق دامۋ جانە ساۋدا ءمينيسترى ق. كەلىمبەتوۆ جەتەكشىلىك ەتەتىن جۇمىس توبى قۇرىلدى. تاياۋ ارادا پرەمەر-مينيستر كارىم ءماسىموۆتىڭ قالامىزعا كەلىپ، قاتىسۋىمەن جوبا تاعى ءبىر تالقىعا تۇسپەك»، - دەگەن سۇحبات بارىسىندا س. ابدىعاليۇلى.

سونىمەن قاتار «ەگەمەن قازاقستاننىڭ» بۇگىنگى سانىندا مەملەكەت باسشىسى نۇرسۇلتان نازارباەۆتىڭ رەسەي فەدەراتسياسىنىڭ پرەزيدەنتى دميتري مەدۆەدەۆكە «بۋلگاريا» جولاۋشىلار تەپلوحودىنىڭ اپاتقا ۇشىراۋىنا بايلانىستى جولداعان كوڭىل ايتۋ جەدەلحاتى باسىلعان. «وسىناۋ  قارالى كۇنى قازاقستان حالقىنىڭ اتىنان جانە جەكە ءوزىمنىڭ  اتىمنان قايتىس بولعانداردىڭ جاقىندارى مەن  تۋىستارىنا شىنايى  كوڭىل ايتۋىمدى جانە زارداپ شەككەندەردىڭ تەز ساۋىعىپ كەتۋىنە تىلەۋلەستىگىمىزدى جەتكىزۋىڭىزدى سۇرايمىن»، - دەلىنگەن جەدەلحاتتا.

***

«ايقىن» باسىلىمىنىڭ بۇگىنگى سانىندا سوعىس جانە ەڭبەك ارداگەرى، پروفەسسور، قر ەڭبەك سىڭىرگەن قايراتكەرى ۋ. شالەكەنوۆ اقساقالدىڭ قازاقستان ەلورداسى - استانا قالاسىن نۇرسۇلتانكەنت دەپ اتاۋ جونىندەگى ۇسىنىس ماقالاسى باسىلدى. «ەجەلدەن ورتالىق ازيانى مەكەندەگەن تۇركىتىلدەس حالىقتاردىڭ مەملەكەتتەرىنىڭ استانالارى ورنالاسقان ادەمى قالالار بولعان: شىعىستان باتىسقا قاراي ساناساق: قاشقار، قاراقۇرىم، بالاساعۇن، تۇركىستان، يسپيدجاب (سايرام), تاشكەنت، سامارقاند، بۇقارا، كونە ۇرگەنىش، حيۋا، قوقان، وزكەنت ت.ب. وسىنداي استانا بولعان قالالاردى تىزبەكتەپ، جازا بەرۋگە بولادى. ەگەمەندى قازاقستان رەسپۋبليكاسى ورتالىعىنىڭ ءتول اتى بولۋى ءتيىس»، - دەيدى ارداگەر. «ەجەلگى جانە ورتا عاسىرداعى كەيبىر شاھارلار وزدەرىنىڭ ءتول اتاۋلارىمەن وسى كۇنگە دەيىن اتالىپ كەلە جاتىر. قازاقستان رەسپۋبليكاسىنىڭ جەرىندە: جاركەنت، قۇمكەنت، ساۋداكەنت، مانكەنت، شىمكەنت; قىرعىزستاندا وزكەنت ء(وزىمنىڭ قالام); وزبەكستاندا سامارقاند جانە ت.ب. قالالار. سولاي بولسا، ەجەلدەن تۇرىك الەمىندە سالت بولىپ قالعان ءۇردىس بويىنشا، استانا قالاسىنا ءتول اتاما بەرىلىپ، «نۇرسۇلتانكەنت» دەگەن اتاۋ بەرىلسە، بارلىق جاعىنان ويداعىداي بولار ەدى دەگەن ويدامىز»، - دەپ اتاپ وتكەن ول، «تاريحتا بەلگىلى استانا بولعان تاريحي ۇلكەن قالالار ءوز حالقىنىڭ ۇلى پەرزەنتتەرىنىڭ اتتارىمەن اتالعان»، - دەپ ناقتىلايدى. ونوماستيكالىق-عىلىمي دايەكتەمەلەر سوناۋ تۇركى داۋىرىنەن كەلە جاتقان تاريحي دەرەكتەرمەن ۇشتاستىرىلعان پىكىر جايىندا باسىلىمنىڭ «استانا - نۇرسۇلتانكەنت» دەگەن تاقىرىپپەن بەرىلگەن ماقالادان بىلە الاسىزدار.

***

«تەز ارادا مەملەكەتتىك دەڭگەيدە شەشىم قابىلدانباسا، قارا ەرتىستەن ايىرىلىپ قالۋىمىز مۇمكىن»، - دەپ الاڭدايدى «الاش ايناسى» گازەتى، 13 شىلدە كۇنگى سانىندا «حەلسينكي قولداماسا، ەرتىسپەن قوش ايتىسامىز» دەگەن تاقىرىپەپن جاريالانعان ماتەريالىندا. باسىلىم ەرتىس سۋىنىڭ 19 پايىزىنا يەلىك ەتەتىن قىتاي ەلى وزەننىڭ باس جاعىن بۇرۋعا تالپىنىس جاساپ جاتقان جايى بار دەگەن كۇدىك پەن ۇرەيدى جاسىرمايدى. گازەت اتالعان ماتەريالدا سۋ سالاسىنىڭ جىلىگىن شاعىپ، مايىن ىشكەن مامانداردىڭ پىكىرىنە دە جۇگىنگەن.

***

«كازاحستانسكايا پراۆدا» گازەتى رەسپۋبليكا وڭىرلەرىندە جاۋىن-شاشىن جاۋادى، كەي جەرلەردە نايزاعاي وينايدى، قاتتى جەل تۇرادى. ال باتىس قازاقستان وبلىسىندا جاۋىن تىيىلادى، دەپ حابارلايدى كازگيدرومەت ورتالىعىنا سىلتەمە جاساپ. «اقمولا، سولتۇستىك قازاقستان وبلىستارىندا جەلدىڭ ەكپىنى  15-22 مەتر/سەكۋندقا دەيىن كۇشەيەدى دەپ كۇتىلۋدە، بۇرشاق جاۋى مۇمكىن»،-دەلىنگەن ماقالادا.