پرەزيدەنت قاسىم-جومارت توقاەۆ قازاقستاننىڭ بەلارۋستەگى توتەنشە جانە وكىلەتتى ەلشىسىن تاعايىندادى. بۇل تۋرالى اقوردا سايتى حابارلادى.

مەملەكەت باسشىسىنىڭ وكىمىمەن بۇل قىزمەتكەن سەناتور اسقار بەيسەنباەۆ تاعايىندالدى.

"مەملەكەت باسشىسىنىڭ جارلىعىمەن اسقار اسانۇلى بەيسەنباەۆ قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى، تمد جارعىلىق ورگاندارىنىڭ جانىنداعى تۇراقتى وكىل قىزمەتىن قوسا اتقارۋشى بولىپ تاعايىندالدى", دەلىنگەن رەسمي حابارلامادا.

وسىعان دەيىن اسقار بەيسەنباەۆ شىمكەنت قالاسىنىڭ اكىمى قىزمەتىنە تاعايىندالدى دەگەن حابار تاراعان ەدى. كەيىن بۇل اقپاراتتىڭ شىندىققا سايكەس ەمەستىگى بەلگىلى بولعان.

اسقار اسانۇلى بەيسەنباەۆ 1961 جىلدىڭ 31 قاڭتار ايىندا وڭتۇستىك قازاقستان وبلىسىنىڭ تۇلكىباس اۋدانىندا دۇنيەگە كەلگەن.

ءبىلىمى جوعارى، الماتىداعى جامبىل جەڭىل جانە تاماق ونەركاسىبى تەحنولوگيالىق ينستيتۋتىنىڭ فيليالىن جانە رەسەي-قازاقستان قازىرگى زامانعى گۋمانيتارلىق ۋنيۆەرسيتەتىن بىتىرگەن، ينجەنەر-تەحنولوگ، زاڭگەر. ەكونوميكا عىلىمدارىنىڭ دوكتورى.

ەڭبەك جولىن 1983 جىلى تۇلكىباس كونسەرۆى زاۋىتىندا تسەحتىڭ اۋىسىم ينجەنەر-تەحنولوگى بولىپ باستادى.

1998 جىلى وڭتۇستىك قازاقستان وبلىسى تۇلكىباس اۋدانىنىڭ اكىمى بولىپ تاعايىندالدى.

2001, 2004 جانە 2007 جىلى پارلامەنت ءماجىلىسىنىڭ دەپۋتاتى بولىپ سايلاندى. ەكىنشى، ءۇشىنشى جانە ءتورتىنشى شاقىرىلىمىنىڭ دەپۋتاتى، قازاقستان رەسپۋبليكاسىنىڭ پارلامەنت ءماجىلىسىنىڭ  اگرارلىق ماسەلەلەر كوميتەتىنىڭ مۇشەسى.

2013 جىلى قازاقستان رەسپۋبليكاسى پارلامەنتى سەناتىنىڭ دەپۋتاتى جانە قازاقستان رەسپۋبليكاسى پارلامەنتىنىڭ سەناتى توراعاسىنىڭ ورىنباسارى بولىپ سايلاندى.

2016 جىلى قىركۇيەك ايىندا قازاقستان رەسپۋبليكاسى پارلامەنتى سەناتىنىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ توراعاسى بولىپ سايلاندى.

2005 جىلى "قۇرمەت" وردەنى، 2008 جىلى "سودرۋجەستۆو مپا سنگ" وردەنى، 2011 جىلى " پاراسات " جانە  2016 جىلى "دوستىق" ءىى-دارەجەلى وردەندەرىمەن ماراپاتتالعان.

Abai.kz