مەملەكەت تاراپىنان كوپبالالى انالار ماسەلەسىنە ايرىقشا كوڭىل ءبولىنىپ وتىر. ەلىمىزدە “التىن القا” سونداي-اق، “كۇمىس القا” العان انالار ارانيى جاردەماقى الادى. ودان بولەك، بالا  ءبىر جاسقا تولعانعا دەيىنگى تولەنەتىن ارنايى جاردەماقى دا بار.

جانۇياداعى بالا سانى تورتتەن انالار 2018 جىلدىڭ 1-قاڭتارىنا دەيىن قۇجات راسىمدەسە، ولار مەملەكەت تاراپىنان 10 504 تەڭگە كولەمىندە جاردەماقى الادى. ودان بولەك، ءبىر رەتتىك جاردەماقى كولەمى ءتورتىنشى بالا دۇنيەگە كەلگەن ساتتەن باستاپ 159 075 تەڭگەنى قۇراپ وتىر. ال، ءۇشىنشى بالادان كەيىن دۇنيەگە كەلگەن نارەستەلەرگە اي سايىن مەملەكەت 22 473 تەڭگە جاردەماقى تاعايىنداعان.

ال، ەلىمىزدە جەتى بالا جانە ودان دا كوپ بالانى ومىرگە اكەلىپ تاربيەلەگەن انالار “التىن القا” يەگەرى بولادى. سوداي-اق، “كۇمىس القا” التى بالا دۇنيەگە اكەلگەن انالارعا بەرىلەدى.  ولارعا بەرىلەتىن اي سايىنعى جاردەماقى مولشەرى 16 160 تەڭگەنى قۇرايدى.

ال، بيىلدان باستاپ  نۇر-سۇلتاندىق انالارعا مەملەكەت تاراپىنان بىرنەشە جەڭىلدىكتەر قاراستىرىلعان. اتاپ ايتساق، نۇر-سۇلتاندىق كوپبالالى انالاردىڭ بالالارى جوعارعى وقۋ ورىندارىندا تەگىن ءبىلىم الادى. ياعني مۇندا جان باسىنا شاققانداعى ورتاشا تابىس ەڭ از كۇنكورىس دەڭگەيىنەن، ياعني، توقسان ەكى مىڭ توعىز ءجۇز توقسان ءبىر تەڭگەدەن اسپاۋى ءتيىس.

جانە، نۇر-سۇلتاندىق انالارعا حالىقارالىق 8-ناۋرىز ايەلدەر كۇنىندە 6 313 تەڭگە كولەمىندە ءبىر رەتتىك اقشا تاعايىندالعان. سونىمەن قاتار، ەلوردالىق كوپبالالى انالار قوعامدىق كولىكتەردە اقىسىىز، تەگىن جۇرەدى.

مۇنىڭ بارلىعى دا انا مەن بالا جاعدايى ءۇشىن بيلىك تاراپىنان اتقارىلىپ جاتقان اۋقىمدى ىستەر.

سونىمەن قاتار، مەملەكەت تاراپىنان تۇرمىس دەڭگەيى تومەن جانۇيالارعا دا ارنايى كومەكتەر قاراستىرىلعان. ماسەلەن، ادام  باسىنا شاققانداعى ورتاشا تابىسى كەدەيلىك شەگىنەن تومەن ءار ازاماتقا نەمەسە كەدەيلىك شەگىنەن تومەن جانۇيالارعا اتاۋلى الەۋمەتتىك كومەك كورسەتىلەدى. ول بيىلعى جىلدىڭ ءبىرىنشى توقسانىندا نۇر-سۇلتان قالاسى ءۇشىن ون بەس مىڭ تەڭگە كولەمىندە بەكىتىلگەن. سونداي-اق، تۇرمىس جاعدايى تومەن وتباسىلارر ءۇشىن كوممۋنالدىق قىزمەتتەردى تولەۋگە جەڭىلدىكتەر قاراستىرىلعان. جەڭىلدىك تولەمىنىڭ ورتاشا كولەمى ءتورت-بەس مىڭ تەڭگەنى قۇرايدى.

ال، تۇرمىستىق جاعدايى تومەن وتباسىلار قاتارىنا سوڭعى ءبىر جىلدا وتباسى مۇشەلەرىنىڭ ارقايسىنىڭ ايلىق تابىسى كۇنكورىس دەڭگەيىنەن اسپايتىن جانۇيالار جاتادى.

ەندى بالا ءبىر جاسقا تولعانعا دەيىنگى بەرىلەتىن جاردەماقى تۋرالى از-كەم اقپارات. ول ەڭ اۋەلى بالاعا كۇتىم جاسايتىن، مىندەتتى الەۋمەتتىك كومەك جۇيەسىنىڭ مۇشەسى ەمەس وتباسىلارعا بەرىلەدى. سونىمەن قاتار، 2018 جىلدىڭ 1-قاڭتارىنا دەيىن ومىرگە كەلگەن نارەستەگە كۇتىم جاسايتىن انالارعا بەرىلەدى. ەسكەرە كەتەتىن ءبىر جايت، ول مىندەتتى الەۋمەتتىك كومەك جۇيەسىنىڭ مۇشەسى بولعا ءتيىس.

ەندى اتالعان جاردەماقىنى قايدان الۋ كەرەك دەگەنگە از-كەم توقتالساق.

ول ءۇشىن تۇرعىلىقتى ادرەس بويىنشا، حالىققا قىزمەت كورسەتۋ ورتالىعىنىڭ “ازاماتتارعا ارنالعان ۇكىمەت” مەملەكەتتىك كورپوراتسياسىنا بارۋ قاجەت.  سونىمەن قاتارا بۇل جۇمىس ۇكىمەتتىڭ www.egov.kz سايتى ارقىلى دا جاسالادى.

ال، بيىلعى جىلدان باستاپ بالا كۇتىمىنە بەرىلەتىن جاردەماقى كولەمى ءبىرىنشى بالاعا 14 544 تەڭگەنى قۇراپ وتىر. ياعني، بۇل دەگەنىڭىز – 5,76  ايلىق ەسەپتىك كورسەتكىش كولەمىنە تەڭ. ال، ەكىنشى بالاعا تولەنەتىن جاردەماقى باعاسى – 17 195 تەڭگەنى قۇرايدى. بۇل – 6,81 ايلىق ەسەپتىك كورسەتكىشكە تەڭ. سونىمەن قاتار ءۇشىنشى بالاعا – 19 821 تەڭگە تولەنەدى.ياعني، 7,85 ايلىق ەسەپتىك كورسەتكىش. ودان كەيىنگى ءتورتىنشى جانە ودان كوپ بالاعا – 22 473 تەڭگە تولەنەدى. بۇل دەگەنىڭىز – 8,90 ايلىق ەسەپتىك كورسەتكىش.

ال، اتالعان جاردەماقىنى الۋ ءۇشىن قاجەتتى قۇجاتتار تىزىمىنە توقتالساق. حالىققا قىزمەت كورسەتۋ ورتالىعىنداعى “ازاماتتارعا ارنالعان ۇكىمەت” كورپوراتسياسىنا انالار بالا  تۋعاننان كەيىنگى جاردەماقى الۋ تۋرالى جازىلعان وتىنىشتەرىن، جەكە باستى كۋالاندىراتىن قۇجات پەن ەگەر ورالمان بولعان جاعدايدا ورالمان كۋالىگىن الا بارۋى ءتيىس. سونىمەن قاتار، بالانىڭ تۋ تۋرالى كۋالىگى نەمەسە تۋ تۋرالى اكتىنىڭ جازباسى دا قاجەت. ۇل نەمەسە قىز بالانى قامقورلىققا العان جاعدايدا، سول قامقورلىقتى راستايتىن قۇجاتتى الا بارۋى ءتيىس. جانە، قىزمەتتى الۋشى ۇسىنعان مالىمەتتەر مەن بالانىڭ تۋتۋرالى كۋالىگىندە جازىلعان مالىمەتتەر ءوزارا سايكەس كەلمەگەن ساتتەردە نەكەگە تۇرۋ نەمەسە اجىراسۋ تۋرالى كۋالىك قاجەت.

ال، اتالعان جاردەماقىنى تاعايىنداۋ ءۇشىن ەلەكتروندى ءوتىنىش پەن ءوتىنىش بەرۋشىنىڭ ەلەكتروندى-تسيفرلىق قولتاڭباسى قاجەت. سونىمەن قاتار، جاردەماقىنىڭ تاعايىندالعانىن ءبىلۋ ءۇشىن ءتيىستى اقپاراتتار جازىلعان ەلەكتروندى سۇراۋ ياعني، ەلەتكروندى-تسيفرلىق قولتاڭبا قاجەت.

انالارعا مەملەكەت تاراپىنان  جاسالىپ وتىرعان وسىنداي بىرنەشە الەۋمەتتىك كومەكتەر بار. مەملەكەتتىڭ انالارعا دەگەن مۇنداي قامقورلىعى الداعى ۋاقىتتا دا تولاستاماق ەمەس.

Abai.kz